(ටී.කේ.ජී.කපිල )

කටුනායක ප්‍රදේශයේ නිවෙසකට පහර දෙමින් කළකළහකාරී ලෙස හැසිරුණ පුද්ගයෙකු පාලනය කිරිම සදහා එතැනට ගිය සීදුව පොලීසියේ නිලධාරීන් පිරිසක් , එම පුද්ගලයාගේ කකුලට වෙඩි තබා ඇති බව පොලිස් මාධ්‍ය කොට්ඨාශයේ ප්‍රකාශකවරයෙකු පැවසීය .

අද(06)    උදෑසන 10.15 ට පමණ කටුනායක , 18 කණුව  , මායිම් පාර ප්‍රදේශයේ නිවෙසකට කිසියම් පුද්ගලයෙකු පැමිණ පහර දෙමින් , කළහකාරී ලෙස හැසිරෙන බවට , එම නිවෙස් හිමියන් සීදූව පොලීසිය වෙත පැමිණිළි කර තිබේ .

ඒ අනුව ක්‍රියාත්මක වූ පොලීසිය එම ස්ථානයට යන විටත් , ඔහු එම ස්ථානයේ රැදී සිට ඇති අතර , ඔහු පාලනය කර එතැනින් ඉවත් කිරිමට ප්‍රයත්නදරත්දී , ඔහු පොලිස් නිලධාරීන්ටද  ප්‍රහාර එල්ල කර තිබේ .

‍එම අවස්ථාවේ පොලිස් නිලධාරීන් මෙම පුද්ගලයාට වෙඩි තබා තිබේ .

 මෙම ගැටුමෙන් පොලිස් නිලධාරීවරයෙකු ද තුවාල ලබා ඇති අතර , වෙඩි පහරට ලක්වූ පුද්ගලයා සීදුව රෝහලට වෛද්‍ය ප්‍රතිකාර සදහා ඇතුලත් කර තිබේ .