දියත

ජ.වි.පෙ නායකයාගෙන් ප්‍රශ්න කරන්න යයි

පාස්කු ඉරුදින ප්‍රහාරයට සම්බන්ධ වී මරාගෙන මැරුණ මොහොමඩ් ඉල්හාම් හා මොහොමඩ් ඉන්සාෆ් යන තරුණ ව්‍යාපාරික සහෝදරයින් දෙදෙනාගේ පියා වන මොහොමඩ් ඊබ්‍රාහීම් නැමැති කෝටිපති ව්‍යාපාරිකයා ජනතා විමුක්ති පෙරමුණේ ජාතික ලැයිස්තුවෙන් පාර්ලිමේන්තු මන්ත්‍රීවරයකු ලෙස නම් කිරීම සම්බන්ධයෙන් එම පක්ෂයේ නායක අනුර කුමාර දිසානායක මහතාගෙන්ද ඉදිරියේදී කරුණු විමසන බවරාජ්‍ය ආරක්ෂක අමාත්‍ය රියර් අද්මිරාල් ආචාර්ය සරත් වීරසේකර මහතා පැවසීය.

ගෑස් වැඩිකරන්නේ නෑ-අගමැති

උත්සව සමයේ ගෑස් මිල ඉහළ දැමීමේ අවශ්‍යතාවක් නැතැයි මුදල් අමාත්‍ය සහ අග්‍රාමාත්‍ය මහින්ද රාජපක්ෂ මහතා පවසයි.

රවී ගැන රනිල්ගේ හිත උණුවෙයි

මහ බැංකු බැඳුම්කර සිද්ධිය සම්බන්ධයෙන් අත්අඩංගුවට ගත් එක්සත් ජාතික පක්ෂ හිටපු උප නායක රවී කරුණානායක මහතාට අවශ්‍ය කරන සියලු නීතිඥ සහාය දෙන ලෙස හිටපු අග්‍රාමාත්‍ය සහ එක්සත් ජාතික පක්ෂ නායක රනිල් වික්‍රමසිංහ මහතා එජාප නීති අංශයට දැනුම් දුන්නේය .

අගමැති බංගලාදේශයේ සංචාරයක

දෙදින රාජ්‍ය තාන්ත්‍රික සංචාරයක් සඳහා අග්‍රාමාත්‍ය මහින්ද රාජපක්ෂ මහතා 19 වැනි දා බංග්ලාදේශය බලා පිටත්ව යෑමට නියමිතව ඇත.

කෙසෙල්වත්තේ දිනුකගේ බවට සැක සිරුරක් කටුනායකට

ඩුබායිහිදී හදිසියේ මියගිය බව කියන සංවිධානාත්මක අපරාධකරුවකු වූ කෙසෙල්වත්තේ දිනුකගේ බවට සැකකරන පුද්ගලයකුගේ සිරුර කටුනායකට එවා ඇතැයි පොලිස් ආරංචි මාර්ග කියයි.

දුම්රිය වර්ජනය අවසන්

දුම්රිය අමාත්‍ය ගාමිණි ලොකුගේ මහතා සමග පැවැති සාකච්ඡාවකින් පසු දුම්රිය වැඩ වර්ජනය අවසන් කළ බව දුම්රිය රියදුරු සංගමය කියයි.

ලක්ෂ අටකට කොරෝනා එන්නත්

කොරෝනා ප්‍රතිශක්තිකරණ එන්නත් 806,448 ක ප්‍රමාණයක් පුද්ගලයන් සඳහා එන්නත් කර ඇතැයි වසංගත රෝග විද්‍යා ඒකකය සඳහන් කරයි.

නිල නිවාස දෙක ගානේ තබාගැනීම සදාචාරාත්මකද?

රජයේ ඇමැතිවරුන්ට හිමිවන බොහෝ වරප්‍රසාද අතරට නිල නිවාස ද අයිතිය. රාජ්‍ය ඇමැතිවරුන්ට ද මේ අයිතිය තිබෙන බව ද සඳහන්ය. ඇමැතිවරුන්ට හා රාජ්‍ය ඇමැතිවරුන්ට කොළඹ නගරය තුළ නිල නිවාස වරප්‍රසාදය ලබා දෙන්නේ ඔවුන්ගේ රාජකාරි කටයුතු පහසුවෙන් කර ගැනීමට සහ කාර්යබහුල කාලසටහනේ වේලාව ඉතිරිකර ගැනීම සඳහාය.

දුම්රිය වැඩ වැරුමෙන් සේවකයෝ අපහසු තාවයට

දුම්රිය රියැදුරන් හා නියාමකවරුන් ආරම්භ කළ වැඩ වැරුම හේතුවෙන් කාර්යල සේවකයන් දැඩි අපහසු තාවයට පත් ඇතැයි වාර්තා වෙයි.

අවන්හලකට පහර දුන් ප්‍ර. මන්ත්‍රීට වැඩ වරදී

බියගම බන්ඩාර වත්ත ප්‍රදේශයේ අවන්හලකට පහර දී අලාභහානි සිදු කර එහි කළමනාකරුට මරණීය තර්ජනය කිරීමේ සිද්ධියක් සම්බන්ධයෙන් බියගම ප්‍රාදේශීය සභාවේ මන්ත්‍රීවරයෙකු අත්අඩංගුවට ගත් බව පොලිසිය කියයි

කෝටි එකොළහක ගංජා අනුරාධපුරයෙන්

අනුරාධපුර ඉසුරුපුර ප්‍රදේශයේ නිවාඩු නිකේතනයකින් සොයාගත් කේරළ ගංජාවල වටිනාකම රුපියල් කෝටි 11කට අධික බව පොලිසිය කියයි.

පාස්කු විවාදය තව දින දෙකක්

පාස්කු කොමිෂන් සභා වාර්තාව සම්බන්ධයෙන් වූ විවාදය ලබන 25 හා 26 දෙදින තුළ පැවැත්වීමට පාර්ලිමේන්තු කටයුතු පිළිබඳ කාරක සභාව තීරණය කළේය.

ලක්ෂ හතක ඖෂධ පැන්නූ 3ක් අල්ලයි

කොටහේනේ ඖෂධ ගබඩාවකින් රුපියල් ලක්ෂ 7 ක ප්‍රතිජීවක ඖෂධ තොගයක් අත්අඩංගුවට ගත් බව කොටහේන පොලීසිය කියයි.

පාර්ලිමේන්තු කාරක සභා තව පුළුල් කෙරේ

පාර්ලිමේන්තුවේ අමාත්‍යංශයීය උපදේශක කාර්ය සභා තවදුරටත් පුළුල් කිරීමට අගමැති මහින් රාජපක්ෂ මතා තීරනය කර ඇත.

හොරණ කුඩු සිද්ධිය තවත් හිටපු සෙබළෙක් අල්ලයි

හමුදා වාහනයකින් මත්කුඩු කිලෝ 45 ක් සමග පසුගියදා හොරණ දී හමුදා සෙබළකු දෙදෙනකු අත්අඩංගුවට ගැනීමේ සිද්ධියට සම්බන්ධ තවත් හිටපු සෙබළකු පොලිස් මත්ද්‍රව්‍ය නාශක කාර්යාංශය විසින් පොල්පිතිගම ප්‍රදේශයේදී අත්අඩංගුවට ගත් බව පොලිස් මාධ්‍ය ප්‍රකාශක නියෝජ්‍ය පොලිස්පති අජිත් රෝහන මහතා පවසයි.

රවී රිමාන්ඩ් කළේ ඇයි

ශ්‍රී ලංකා මහ බැංකුව විසින් භාණ්ඩාගාර බැදුම්කර නිකුත් කිරීමේදී විත්තිකරුවන් සිදුකළ ක්‍රියාවන් හේතූවෙන් රජයට විශාල පාඩු සිදුව ඇති බවත් ඒ හේතූවෙන් මහජනතාව මේ වන විටත් කැළඹීමෙන් පසුවන හෙයින් මෙම නඩුවේ සියළුම විත්තිකරුවන් නඩු විභාගය අවසන් වනතුරු රිමාන්ඩ් බාරයට පත් කරන්නැයි නීතීපතිවරයා වෙනුවෙන් පෙනී සිටි ජ්‍යෙෂ්ඨ නියෝජ්‍ය සොලිසිටර් ජනරාල් හරිප්‍රියා ජයසුන්දර මහත්මිය විශේෂ ත්‍රිපුද්ගල මහාධිකරණ විනිසුරු මඩුල්ලෙන් ඉල්ලා සිටියාය.

ඊටීඅයි අධ්‍යක්ෂවරුන් මර්තු 30 තෙක් රිමාන්ඩ්

ශ්‍රී ලංකා මහ බැංකුවේ මූල්‍ය රෙගුලාසි උල්ලංඝනය කරමින් මූල්‍යායතනයක් පවත්වාගෙන ගොස් එමගින් මුදල් විශුද්ධීකරණය කළැයි අපරාධ පරීක්ෂණ දෙපාර්තමේන්තුව අත්අඩංගුවට ගත් ඊ ටී අයි ෆිනෑන්ස් ලිමිටඩ් සහ ස්වර්ණමහල් පුද්ගලික සමාගමේ අධ්‍යක්ෂකවරුන් සිව් දෙනා ලබන 30 වැනිදා තෙක් රක්ෂිත බන්ධනාගාර ගත කරන ලෙස කොළඹ කොටුව මහේස්ත්‍රාත් ප්‍රියන්ත ලියනගේ මහතා නියෝග කළේය.

මැදියම් රැයේ සිට දුම්රිය නෑ

දුම්රිය රියදුරන් සහ නියාමකවරුන් දුම්රිය ධාවනයෙන් අද මධ්‍යම රාත‍්‍රියේ ඉවත්වන බව දුම්රිය නියාමක සංගමයේ උප ලේකම් නිරෝෂන් හේරත් මහතා පවසයි.

වන විනාශය හෙළි කළ දැරියට අත නොතබනු

වනාන්තර විනාශය නතර කරන්නැයි ද සිංහරාජ වනාන්තරය ආරක්ෂා කිරීම වෙනුවෙන් හඬ නැගූ භාග්‍යා අබෙිරත්න දැරියට අනිසි බලපෑම් නොකරන්නැයිද ඉල්ලමින් ලක් වනිතා මවු වරුන්ගේ සංවිධානය අත්සන් දස ලක්ෂයක් ලබා ගැනීමේ වැඩසටහනක් අද ඇරැඹීය.

රාත්‍රී තැපැල් දුම්රිය නවතී

කොළඹ කොටුවෙන් ගමන් ආරම්භ කිරීමට නියමිතව තිබූ සියලු රාත්‍රී තැපැල් දුම්රය ධාවනය නොවූ බව දුම්රිය නියාමක සංගමය කියයි.

අපේ වනගහණය සියයට 17 දක්වා පහතට

යහ පාලන කාලයේ සියයට විස්සක් ලෙස තිබූ ශ්‍රී ලංකාවේ වනගහනය වත්මන් ආණ්ඩුව යටතේ 17%ක් දක්වා පහත බැස ඇතැයි එක්සත් ජාතික පක්ෂ හිටපු පාර්ලිමේන්තු මන්ත්‍රී සන්දිත් සමරසිංහ මහතා මාධ්‍ය හමුවකදී පැවසීය.

අසාද් සාලිගෙන් මාස තුනක් ප්‍රශ්න කරයි

පාස්කු ප‍්‍රහාර මාලාව සම්බන්ධයෙන් අපරාධ පරීක්ෂණ දෙපාර්තමේන්තුව අත්අඩංගුවට ගත් ජාතික සමගි පෙරමුණේ නායක සහ හිටපු ආණ්ඩුකාර අසාද් සාලී මහතා මාස 3 රැඳවුම් නියෝග මත හරස් පොලිසියේ රඳවාගෙන ප‍්‍රශ්න කරන බව පොලිස් මාධ්‍ය ප‍්‍රකාශක නියෝජ්‍ය පොලිස්පති අජිත් රෝහණ මහතා පවසයි.

බදුලුපිටියෙන් දවස් පහට කොරෝනා ආසාදිතයන් 32යි

සීනි වංචාවට තවත් විමර්ශන

සීනි බදු වංචාව සම්බන්ධයෙන් විගණකාධිපති දෙපාර්තමේන්තුව සහ අල්ලස් හෝ දූෂණ චෝදනා විමර්ශන කොමිසන් සභාව වෙන වෙනම විමර්ශන අරඹා ඇත.

කොරෝනා නසන්න ජොන්සන් ඇන්ඩ් ජොන්සන් එයි

එක් මාත්‍රාවක් පමණක් ප්‍රමාණවත් ජොන්සන් ඇන්ඩ් ජොන්සන් කොවිඩ් මර්දන එන්නත ද මෙරටට ගෙන්වීමට අවධානය යොමු වී ඇතැයි ප්‍රාථමික සෞඛ්‍ය හා කොරෝනා මර්දන රාජ්‍ය ඇමැතිනී විශේෂඥ වෛද්‍ය සුදර්ශනී ප්‍රනාන්දුපුල්ලේ මහත්මිය පැවැසුවාය.

ලෝක කුසලානයේ රිදි ජූබිලය සමරයි

ශ්‍රී ලංකාව ක්‍රිකට් ලෝක කුසලානය ජයග්‍රහණය කර වසර 25ක් සපිරීම නිමිත්තෙන් එම කණ්ඩායම නියෝජනය කළ ක්‍රිකට් ශූරයින් ඇගයීමේ උත්සවයක් අග්‍රාමාත්‍ය මහින්ද රාජපක්ෂ මහතාගේ ප්‍රධානත්වයෙන් අරලියගහ මන්දිරයේ දී අද (17) පැවැත්විණි.

බඳුම්කර චෝදනාවට රවී ඇතුළු පිරිස 23 දක්වා රිමාන්ඩ්

ශ්‍රී ලංකා මහ බැංකුව භාණ්ඩාගාර බැදුම්කර නිකුත් කිරීමේදී රජයට රුපියල් කෝටි 3700 ක පමණ පාඩුවක් සිදුකළ බවට චෝදනා ලැබ සිටින හිටපු මුදල් අමාත්‍ය රවී කරුණානායක මහතා ඇතුළු විත්තිකරුවන් 08 දෙනෙකු ලබන 23 වැනිදා තෙක් රිමාන්ඞ් බාරයේ රඳවා තැබීමට විශේෂ ත‍්‍රිපුද්ගල මහාධිකරණ විනිසුරු මඩුල්ල නියම කළේය.

කරාපිටිය රෝහලේ දී මියගිය අයට කොරෝනා

කරාපිටිය රෝහලේ හදිසි ප්‍රතිකාර ඒකකයට ඇතුලත්කර සිටියදී මියගිය පුද්ගලයකු කොරෝනා ආසාදිත පීසීආර් ප්‍රතිපල අනුව තහවුරු වූයේ යැයි රෝහලේ අධිකරණ වෛද්‍ය අංශය පවසයි.