(කාංචන කුමාර ආරියදාස)

දිවයිනේ ආර්ථික මධ්‍යස්ථාන 14 පුද්ගලික සමාගමක් යටතට පත් කිරීමට රජය ගෙන ඇති තීරණය වෙනස් නොකරන්නේ නම් ඉදිරියේදී ආර්ථික මධ්‍යස්ථාන වසා දමන බව සීමා සහිත සමස්ත ලංකා ඒකාබද්ධ විශේෂිත ආර්ථික මධ්‍යස්ථාන හා මැනීන් වෙළඳ සංගමයේ සභාපති රෝහණ බණ්ඩාර මහතා අද පැවසීය.

ආර්ථික මධ්‍යස්ථාන 14 පරිපාලන කටයුතු පෞද්ගලික සමාගමකට ලබා දීමට කැබිනට් අනුමැතිය ලබා දීම සම්බන්ධයෙන් ඉදිරි කටයුතු සිදු කරන්නේ කෙසේදැයි ලංකාදීපය කළ විමසීමකදී සභාපතිවරයා මේ ගැන සඳහන් කළේය

රජයේ මෙම තීරණයට එරෙහිව දිවයින පුරා ඇති ආර්ථික මධ්‍යස්ථාන වසා දමා විරෝධය ප්‍රකාශ කරනව.

එහෙත් රජයේ ඇහුම්කම් නොදෙන්නේ නම් ව්‍යාපාරික භවතුන් සහ ගනුදෙනුකරුවන් සමග වෙනම ඉඩම් මිලදීගෙන ආර්ථික මධ්‍යස්ථාන අලුතින් ඉදිකිරීම ආරම්භ කරනවා.

අපි ඉදිරියේදී ක්‍රියාමාර්ග රැසක් ගැනීමට තීරණය කරලා තියෙන්නේ , මේ වන විටත් කැබිනට් අනුමැතිය ලබාගෙන ඇති ආර්ථික මධ්‍යස්ථාන පුද්ගලික සමාගමට පැවරීමට විරුද්ධව නීති උපදෙස් ලබාගෙන ඊට විරුද්ධව අධිකරණමය ක්‍රියාදාමයක් ගැනීම සඳහා සියලු කටයුතු සූදානම් කර තිබෙනවා.