නාසා ගගනගාමීන් වන නික් හේග් සහ ඇලෙක්සැන්ඩර් ගොර්බුනොව් ගගනගාමීන් සමඟ ස්පේස් එක්ස් සමාගමේ ඩ්‍රැගන් කැප්සියුලය ෆැල්කන් 9 රොකට්ටුව ආධාරයෙන් ජාත්‍යන්තර අභ්‍යවකාශ නැවැතුම්පොළ බලා ගියේය.

නික් හේග් සහ ඇලෙක්සැන්ඩර් ගොර්බුනොව් ගගනගාමීන් දෙදෙනාට පැවරී ඇති මෛහයුම නම්, මාස ගණනක් තිස්සේ අභ්‍යවකාශ නැවතුම්පොළේ සිරවී සිටින නාසා ගගනගාමීන් දෙදෙනා වන බුච් විල්මෝර් හා සුනීතා විලියම්ස් ආපසු පෘථිවියට රැගෙන ඒමය.

බුච් විල්මෝර් හා සුනීතා විලියම්ස් දින අටක කාලයක් සඳහා බෝයිං ස්ටාර් ලයිනර් ගගන කැප්සියුලය අත්හදා බලමින් ජාත්‍යන්තර අභ්‍යවකාශ නැවතුම්පොළට ගොස් පසුගිය ජූනි මාසයේ ය. 

කෙසේ නමුත් බෝයිං ස්ටාර් ලයිනර් කැප්සියුලයේ දෝෂයක් හටගත් අතර, එහි නැගී ආපසු පෘථිවියට පැමිණීම අනතුරුදායක විය. ස්ටාර් ලයිනර් කැප්සියුලය පමණක් මීට සති කීපයකට පෙර ආපසු තනිවම පෘථිවියට ගෙන්වා ගනු ලැබුණි.