(උපේන්ද්‍ර ප්‍රියංකර ජාතුංගම )

කලවාන දෙල්ගොඩ කොළණිය ප්‍රදේශයේ අධි බලැති  විදුලි රැහැනක් ආසන්නයේ පිහිටි ගසක අත්තක් ඉවත් කිරිමට ගිය පුද්ගලයකුට විදුලි සැර වැදීමෙන් අද (02) මියගොස් ඇති බව කලවාන පොලිසිය පැවසීය .

මෙලෙස මියගොස් ඇත්තේ කලවාන ප්‍රාදේශිය සභාව වෙත මෙවර සර්ව ජන බලවේගයෙන් තරග වැද ලැයිස්තුවෙන් මන්ත්‍රිධූරයක් හිමිකරගත් කලවාන දෙල්ගොඩ පුබුදුගම ප්‍රදේශයේ පදිංචි සුජීව පුෂ්පකුමාර නැමැති පුද්ගලයකි.

 විදුලි සැර වැදිමෙන් අනතුරුව ඔහු කලවාන මූලික රෝහලට ඇතුලත් කර ඇති අතර ඔහු මියගොස් ඇති බව රෝහල් ප්‍රකාශකයකු පැවසීය. මියගිය සුජීව පුෂ්පකුමාර කොන්ත්‍රාත් පදනම මත ගස් වල අතු ඉවත් කිරිමේ රැකියාවක නිරතව සිට ඇති බව පොලිසිය පැවසිය .