(චාපා මධුභාෂිණි)

වාර්ෂික වාර්තා හා ගිණුම් වාර්තා 2019 වාර්ෂික තරඟවලියෙන් ලංකාපුර ප්‍රාදේශීය සභාව රන් සම්මාන දෙකක් දිනා ගැනීමට සමත්ව සිටියි.

ශ්‍රී ලංකා වරලත් ගණකාධිකාරි ආයතනය වාර්ෂිකව සංවිධානය කරන රාජ්‍ය ආයතන වාර්ෂික වාර්තා හා ගිනුම් වාර්තා 2019 තරගාවලියෙන් පළමු ස්ථානය හිමි රන් සම්මානය දිනාගෙන ඇත.

ශ්‍රී ලංකාව තුළ ස්ථාපිත සියලුම රාජ්‍ය ආයතන අතර සිදුකරන වාර්ෂික වාර්තා හා ගිණුම් වාර්තා තරගාවලියෙදී විශේෂ රන් සම්මානය ලාබගැනීමට ලංකාපුර  ප්‍රාදේශීය සභාව දිනා ගත්තේය.

මෙම විශේෂ රන් සම්මානය පළාත් පාලන ආයතනයක් හිමිකරගත් පළමු අවස්ථාව මෙය බව සංවිධායකයෝ පවසති.

මෙම ජයග්‍රහනය සඳහා උතුරුමැද පළාත් පාලන දෙපාර්තමේන්තුවේ කොමසාරිස් සහ ගණකාධිකාරි එස්.එස්.එන්. දිසානයක මහතාගේ මඟපෙන්වීම මත මෙම කටයුතු සාර්තකව සිදු කළ බව ප්‍රාදේශීය සභා සභාපති  ඩබ්ලිව්.එම්.එස්.පී.බී. විජේකෝන් මහතා පැවැසීය.

කොළඹ බණ්ඩාරනායක ජාත්‍යාන්තර සම්මන්ත්‍රණ ශාලාවේ පැවැති මෙම උත්සවයට මුදල් අමාත්‍යංශයේ ලේකම් එස්.ආර්.ආටිගල සහ රාජ්‍ය සේවා පළාත් සභා හා පළාත් පාලන අමාත්‍යංශ ලේකම් ජේ.ජේ.රත්නසිරි, ශ්‍රී ලංකා වරලත් ගණකාධිකාරි ආයතනයේ සභාපති සංජය බණ්ඩාර, ශ්‍රී ලංකා රාජ්‍ය මූල්‍ය ගණකාධිකාරිවරුන්ගේ සංගමයේ සභාපති වී.කණගසභාපති, ශ්‍රී ලංකා වරලත් ගණකාධිකාරි ආයතනයේ ප්‍රධාන විධායක නිලධාරී දුලානි ප්‍රනාන්දු, ශ්‍රී ලංකා  රජ්‍ය මූල්‍ය ගණකාධිකාරුවරුන්ගේ සංගමයේ ලේකම් අචාර්ය අසෙල් අතපත්තු මහත්ම මහත්මීහු එක්ව සිටියහ.