රුසියාවට එරෙහිව නියෝගයක්

රුසියාව යුක්රේනයට එරෙහිව ආරම්භ කර ඇති යුද ක‍්‍රියාමාර්ගය වහාම නතර කළ යුතු බව ජාත්‍යන්තර අධිකරණය ඊයේ නියෝග කළේය.

රුසියාව යුක්රේනයේ ඩොන්බාස් පළාත තුළ ජන සංහාරයක් සිදු වූ වා යැයි කියමින් ආරම්භ කළ යුද මෙහෙයුමට විරුද්ධව යුක්රේනය විසින් එක්සත් ජාතීන්ගේ ජාත්‍යන්තර අධිකරණයේ ගොනු කර තිබූ නඩුවේ තීන්දුව ප‍්‍රකාශයට පත් කරමින් ජාත්‍යන්තර අධිකරණය මෙසේ රුසියාවට නියෝග කළේය.

විනිසුරුවරු 13 දෙනක් මෙම තීරණයට එකඟ වූ අතර එක්සත් ජාතීන්ගේ ජාත්‍යන්තර අධිකරණයේ උප සභාපති රුසියානු ජාතික කිරිල් ජිවෝර්ජියන් සහ චීන ජාතික විනිසුරුවරියක් වූ සූ හැනකින් මෙම තීරණයට විරුද්ධ වූහ.පෙබරවාරි 27 වෙනි දින යුක්රේනය විසින් ගොනු කරන ලද නඩුවට අදාලව ජාත්‍යන්තර අධිකරණය විසින් මෙම තීන්දුව (16* ශ‍්‍රී ලංකා වේලාවෙන් රාත‍්‍රී 8.30 පමණ නෙදර්ලන්තයේ හේග් නුවර දී ප‍්‍රකාශයට පත් කළහ.

ජාත්‍යන්තර අධිකරණයේ තීන්දු පිළිපැදීමට රුසියාව බැඳී සිටියත්,මෙම අවස්ථාවේදී රුසියාව නඩු තීන්දුවට අවනත වේ දැයි තීන්දුව ප‍්‍රකාශයට පත් කළ අවස්ථාවේ මාධ්‍යවේදීහු ප‍්‍රශ්න කළහ.එසේම ජාත්‍යන්තර අධිකරණයට නියෝගය ක‍්‍රියාත්මක කිරීමට රුසියාවට බල කළ හැකි ක‍්‍රමයක් නොමැති බවද ඔවූහු පෙන්වා දුන්හ.

අදහස් (8)

රුසියාවට එරෙහිව නියෝගයක්

interpolgedi Thursday, 17 March 2022 05:48 PM

කිසිම බලපෑමක් නැහැ. ජනතාවගේ මුදල් නාස්ති කරනවා.

: 25 32

බද්රානි Thursday, 17 March 2022 09:46 PM

අනේ අපට නම් ඔය රුසියාවේ හෝ ඇමරිකාවේ කෙන්ගෙඩි වලින් වැඩක් නැහැ. අපේ බේබිලාගේ සුපිරි වාහන රථ සංදර්ශනය තවම දැකලා නැතිව ඇති? නැත්නම් ඉතින් බල්ලන් අපේ බේබිලාට දැනටමත් බුරලා ඉවරයි..

: 8 8

sujeewa Friday, 18 March 2022 07:59 AM

අද රුසියාවට විරුද්ධ හා යුක්රේනයට සහය දක්වන ඊනියා ප්‍රජාතන්ත්‍රවාදී සාමයට ලැදි රටවල් ඉරාකය, ලිබියාව, සිරියාව, හයිටි, යේමන, ඇෆ්ගනිස්ථාන යන එකී මෙකී නොකී සියළු රටවලට ගොස් දරුණු ප්‍රහාර එල්ල කරමින් එම රටවල මිලියන ගණනින් ජන සංහාර සිදුකරමින් පැවැති පාලන පෙරලා දමා එම රටවල් අවුලෙන් අවුලට පත් කරද්දීත්, ඊට එරෙහිව කිසිඳු ක්‍රියාමාර්ගයක් කිසිඳු ජාත්‍යන්තර සංවිධානයකින් ගෙන නොමැත. එතරම් බරපතල මිනිස් ඝාතනයන්ට වඩා ඔවුන්ට අප රටේ ත්‍රස්තවාදය විනාශ කිරීම බරපතල කාරණයකි. එවැනි ආයතන වලින් අපගේ සදාකාලික මිතුරු රුසියාවටද සාධාරණ විනිශ්චයක් බලාපොරොත්තු විය නොහැක...

: 9 28

ලුම්බිණි Friday, 18 March 2022 09:49 AM

මේකෙන් පෙනෙන්නේ කොපමණ මිනිසුන් මැරුණත් චීනයටත්, රුසියාවටත් යුද්ධය කරගෙන යන්න තිබෙන අවශ්‍යතාවයයි..

: 58 15

Willow Drive Friday, 18 March 2022 11:50 AM

ලොක්කන්ගේ විනෝදෙට අහිංසක මිනිස්සුන්ට වන්දි ගෙවන්න වෙනවා

: 36 11

Roshan Friday, 18 March 2022 01:50 PM

මේ සේරමගේම තියෙන්නේ නරි නාටක...!

: 1 4

පියල් වීරසිංහ Friday, 18 March 2022 10:01 PM

පුළුවන් නම් මෙරට අඳුරු අගාධයට තල්ලු කරපු රාජපක්ෂවරුන් ගෙනිහිල්ලා හෙග්නුවර දඬු කඳේ ගහන්නයි තියෙන්නේ...

: 3 2

ශාන්ත Sunday, 20 March 2022 09:46 AM

ලන්කාව වගේ පොඩි රටවල් විතරයි ඕවාට බය.

: 0 0