(නිමල කොඩිතුවක්කු)

මැතිවරණ පොරොන්දු එකින් එක කඩ කර ඇති රජයට ජනජීවිතය සුරක්ෂා කිරීම වෙනුවට ජනතාවගේ ජීවිත ආරක්ෂා කර ගැනීමට නොහැකි වී ඇතැයි විපක්ෂ නායක සජිත් ප්‍රේමදාස මහතා කොළඹදී  පැවසීය.

රටේ නීතිය හා සාමය ශක්තිමත් කරන්නට රජය පැහැදිලි පොරොන්දුවක් ලබා දුන්නත් අද වන විට මහජන ආරක්ෂාව සැපයීමට නොහැකි අසමත්  රජයක් බිහිව ඇති බවත් විපක්ෂ නායකවරයා සඳහන් කළේය.

විපක්ෂ නායක සජිත් ප්‍රේමදාස මහතා මේ බව සඳහන් කළේ කොළඹ විපක්ෂ නායක කාර්්‍යාලයේදී මාධ්‍ය හමුවේ අදහස් දක්වමිණි.

මේ වන විට රටේ නීතිය වල් බිහි වී නීතියේ ආධිපත්‍ය සහමුලින්ම විනාශ වී කැලෑ නීතිය ක්‍රියාත්මක බවත් වෙඩි තැබීම් 67ක් සිදුව  ජීවිත 37ක් අහිමි වී ඇති බවත් ඔහු පැවසීය.

ජාතික ආරක්ෂාව ගැන ටියුෂන් පන්ති පවත්වන්නැයි රජය ජනතාවට කිව්වත් අද වන විට රටේ ජාතික ආරක්ෂාව මහජන ආරක්ෂාව නැති වී ඇති බවත් විපක්ෂ නායකවරයා සඳහන් කළේය.