(දයාරත්න ඇඹෝගම)

ඇලයාපත්තුව පොලිස් වසමේ අංක 304,ගල්කඩවල,මල්වතු ඔය,ඇනිකට් එක යට තිබු ටී 56 වර්ගයේ ජීව පතුරම් 120 ක් සහිත මැගසින් හතරක් ඇලයාපත්තුව පොලිසිය විසින් අද(28) සිය බාරයට ගෙන තිබේ.

මල්වතුඔය, ගල්කඩවල පදිංචි පුද්ගලයෙකු මෙම ස්ථායට මසුන් ඇල්ලිමට ගිය පුද්ගලයෙකුට වතුර සිදිගිය මඩ ගොහරැවක තිබු මෙම පතරම් සහිත මැගසින් හතර හමුව තිබුණි.

පසුව ඔහු විසින් ගල්කඩවල නාවික හමුදා කදවුරේ නිලධාරින්ට මේ බව දන්වා තිබු අතර පසුව එම පතුරම් තොගය නාවික හමුදා නිලධාරින් විසින් පොලිසියට බාරදි ඇත.

මෙම පතුරම් තොගය මෙම ස්ථානයට දමන ලද පුද්ගලයෙකු පිළිබදව මෙතෙක් තොරතුරක් අනාවරණයවි නොමැති අතර සිද්ධිය සම්බන්ධයෙන් ඇලයාපත්තුව පොලිසිය වැඩිදුර පරික්ෂණ පවත්වති.