පෞද්ගලික අංශයට වැඩි කළ වැටුප දැන් අනිවාර්යෙන් ගෙවිය යුතුයි

(අංජුල මහික වීරරත්න සහ සුජිත් හේවාජුලිගේ)

පෞද්ගලික අංශයේ වැටුප් වැඩිවීම පාර්ලිමේන්තු පණතක් ලෙස සම්මත කරන බැවින් සියලු ආයතන එම වැටුප් වැඩිවීම අනිවාර්යයෙන්ම ලබාදිය යුතු බව විදේශ කටයුතු ,විදේශ රැකියා හා සංචාරක අමාත්‍ය විජිත හේරත් මහතා පාර්ලිමේන්තුවේදී ඊයේ පැවසීය.

රජය අයවැයෙන් වැඩි කරන ලද වැටුප යම් පෞද්ගලික ආයතනයක් මෙතෙක් ලබාදී නැතිනම් අප්‍රේල් මස සිට හිඟ මුදල් ද සමග දැන් ගෙවිය යුතුව ඇතැයිද අමාත්‍යවරයා කීය.

සේවකයන්ගේ අයවැය සහන දීමනා සංශෝධන පනත් කෙටුම්පත් දෙකක් සහ සේවකයන්ගේ ජාතික අවම වේතන සංශෝධන පනත් කෙටුම්පත පිළිබඳ විවාදයට සහභාගී වෙමින් අමාත්‍යවරයා මේ බව කීය.

අදහස් (2)

පෞද්ගලික අංශයට වැඩි කළ වැටුප දැන් අනිවාර්යෙන් ගෙවිය යුතුයි

යෝගා Tuesday, 22 July 2025 04:43 PM

ඔය වගේ මෝඩ බලහත්කාරකම් කෙරුවම වෙන්නේ කර්මාන්ත වැහිලා අපනයන අඩුවෙන එක. මේ වගේ අකාර්යක්ෂම, ගන්න පුළුවන් නිවාඩු සේරම ගන්න ශ්‍රම බලකායකට තව වැඩි පඩිත් දුන්නම ආයෝජකයෝ නම් එන්නේ නෑ. මේ වෙනුවට, කිව්ව විදියට, අත්‍යාවශ්‍ය දේවල් වල වැට් බද්ද අඩු කරන්න බැරි ඇයි?

: 0 0

[email protected] Tuesday, 22 July 2025 04:57 PM

පඩි වැඩි වීම ගැසට් එක කම්කරු දෙපාර්තුමේන්තුවට යැව්වම එයාල තමයි ආයතන වලට කියන්නෙ එතකොට පඩි වැඩි වෙනවලු නමුත් මෙයාල කම්කරු දෙපාර්තමේන්තුවට එහෙම එකක් දීල නැහැ කම්කරු එකෙන් ඇහැව්වම කිව්වෙ එහෙමයි

: 0 0