IMG-LOGO

2025 ජුලි මස 12 වන සෙනසුරාදා


ජේ.ශ්‍රී රංගා යළි රිමාන්ඩ්

( සිතුම් චතුරංග)

රිය අනතුරක් සිදුකොට ප්‍රභූ ආරක්ෂක අංශයේ සැරයන්වරයකු මරණයට පත්කිරීම සම්බන්ධයෙන් චෝදනා ලැබ අධිකරණය මඟහරිමින් හා එම නඩුවිභාගයේ සාක්ෂිකරුවන් වෙත බලපෑම් කිරීම යන චෝදනා මත අත්අඩංගුවටගනු ලැබූ හිටපු පාර්ලිමේන්තු මන්ත්‍රී ජේ.ශ්‍රී රංගා මහතා මැයි 12 වැනිදා දක්වා රිමාන්ඩ් බන්ධනාගාර ගතකරන ලෙස වවුනියාව මහධිකරණ විනිසුරු එම්. මොහොමඩ් නිහාල් මහතා  නියෝග කළේය.

 සැකකාර හිටපු මන්ත්‍රීවරයා හට පසුගිය 17 වැනිදා වවුනියාව මහාධිකරණයෙන් වරෙන්තු නිකුත් කිරීමෙන් අනතුරුව දකුණු කොළඹ ශික්ෂණ රෝහලේදී පොලිස් අත්අඩංගුවටපත්වූ අතර පසුව වවුනියාව මහධිකරණය වෙත ඉදිරිපත් කිරීමෙන් අනතුරුව ලබාදී තිබූ ඇප අවලංගු කොට රිමාන්ඩ් බන්ධනාගාර ගතකරනු ලැබීය.

2011 වසරේ මාර්තු 30 වැනි දින සැකකාර මන්ත්‍රීවරයා මැදවච්චිය සිට සෙට්ටිකුලම ප්‍රදේශයට ගමන් කරමින් සිටින අවස්ථාවක සෙට්ටිකුලම රෝහල ඉදිරිපිට සිදුවූ එම රිය අනතුරින් අලව්ව, නවතල්වත්ත ප්‍රදේශයේ පදිංචි තිදරු පියකුවූ සැරයන් (36759) ජී.උදය ජයමිණි පුෂ්පකුමාර නිලධාරියා මියගොස් සිටි අතර සාවද්‍ය තොරතුරු වාර්තාකරමින් සැරයන්වරයා රියපදවා ජීවිතක්ෂයටපත්වූ බවට පවසා එවකට පොලිස් නිලධාරීන් හා එක්ව විමර්ශන අවසන් කොට ඇති බවට අධිකරණයේ ප්‍රකාශ විය.

එම අනතුර සම්බන්ධයෙන් මියගිය සැරයන්වරයාගේ බිරිඳ සිදුකළ පැමිණිල්ලකට අනුව පොලිස් විශේෂ විමර්ශන ඒකකයේ නිලධාරීන් පැවැත්වූ විමර්ශනයකදී එවකට පාර්ලිමේන්තු මන්ත්‍රී ජේ.ශ්‍රී රංගා මහතා විසින්  රිය පදවා අනතුර සිදුකොට ඇති බවට අනාවරණයවූ අතර මහධිකරණයේ අධිචෝදනා ලබා සිටි  ඇපමත මුදාහැරිනු ලැබීය.

අදාල නඩු විභාගයේදී සාක්ෂි ලබාදුන් දෙදෙනකු හට දුරකථනයෙන් බලපෑම් කරමින් අනතුරව එම සාක්ෂිකරුවන් වෑන් රථයක නංවාගෙන වෙනත් ස්ථානයකට ගොස් සාක්ෂි ලබානොදෙන ලෙසට බලපෑම් කිරීම සම්බන්ධයෙන් එල්ලවූ චෝදනා සම්බන්ධයෙන් විමර්ශන වාර්තාව හා දුරකථන විශ්ලේෂණ වාර්තා පොලිසිය විසින් අධිකරණයට ඉදිරිපත් කළ අතර එහිදී මහධිකරණ විනිසුරුවරයා නියෝග කළේ සැකකාර හිටපු මන්ත්‍රීවරයාට එරෙහිව වින්දිතයින් ආරක්ෂා කිරීමේ පනත යටතේ පැහැරගෙන ගොස් සාක්ෂිකරුවන්ට බලපෑම් කිරීම සම්බන්ධයෙන් නඩු ගොනු කරන ලෙසත්ය.

තොරතුරු වසන්කිරීම ඇතුළු චෝදනා ලබාසිටි එවකට හිටපු සෙට්ටිකුලම පොලිස් ස්ථානාධිපති පොලිස් පරීක්ෂක සුගත් රොෂාන් සංජීව මහතා අධිකරණයේ පෙනී සිටිමින් වරද පිළිගත් අතර ඒ සම්බන්ධ තීන්දුව ප්‍රකාශයටපත්කිරීම ලබන නඩුවාරයේදී සිදුකරන බවද මහධිකරණ විනිසුරුවරයා දැණුම්දෙනු ලැබීය.

හිටපු වවුනියාව කොට්ඨාස භාර පොලිස් අධිකාරී අමරසිරි සේනාරත්න (විශ්‍රාමික නියෝජ්ය පොලිස්පති) වවුනියාව හිටපු සහකාර පොලිස් අධිකාරී හරිස්චන්ද්‍ර බණ්ඩාර (විශ්‍රාමික ජ්‍යෙෂ්ඨ පොලිස් අධිකාරී) පොලිස් සැරයන් ප්‍රියදර්ශන හේරත්, පොලිස් කොස්තාපල් ඩබ්ලිව්.ජි.පද්මපාල යන නිලධාරීන් මෙම නඩුවිභාගයේ අධිචෝදනා ලැබූ සෙසු පිරිස වෙති.

          



අදහස් (3)

ජේ.ශ්‍රී රංගා යළි රිමාන්ඩ්

Senarath Tuesday, 28 March 2023 11:05 AM

මෙ අපෙ රටෙ යහපාලනය සහ ප්‍රජතන්ත්‍රවාදය ගෙනෙන්නට කතා කරපු කෙනෙක්ගෙ ඇත්ත පැත්ත.. මෙඋන් හරහට යන ගමන් අපිට කියා දෙන්න එනව කෙලින් යන්න.

:       1       12

visnu Tuesday, 28 March 2023 11:08 AM

ඉතා කණගාටුදායක තත්වයක්. දේශපාලකයෙකුට උදව් කළ නිසා පොලිස් නිලධාරීන් අමාරුවේ.

:       0       7

Hafeel Tuesday, 28 March 2023 01:25 PM

මේ ඉරණමයි අනාගතයේ වත්මන් මුදල් ලේකම්, වත්මන් මුද්‍රනාධිපති සහ වත්මන් පොලීස්පතිටත් වෙන්නේත්. ඔවුන් දන්නවා විධායකයා හෝ ඇමති හෝ මොන නියෝගය දුන්නත්, ව්‍යවස්ථාවෙන් සහ නීතියෙන් පිට වැඩ කරන්න ඔවුන් බෙදී නැහැ කියල.

:       0       8

ඔබේ අදහස් එවන්න

 

 
 

මේවාටත් කැමතිවනු ඇති

ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි 2025 ජුලි මස 04 274 0
ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි

ශ‍්‍රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර

ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි 2025 ජුලි මස 01 802 1
ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි

ශ්‍රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික

ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන  හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES 2025 ජුනි මස 26 1215 0
ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES

එදා මෙදාතුර ශ්‍රී ලාංකීය දේපල වෙළදාම් ක්ෂේත්‍රයේ දැවැන්තම සහ අති සුඛෝපභෝගී නිවාස සංකීර්ණ ව්‍යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම

Our Group Site