(යොහාන් භාසුර සහ ක.ග කරුණාරත්න)

වැලිකන්ද කන්දකාඩු පුනුරුත්ථාපන කඳවුරෙන් රැඳවියන් 136කට ආසන්න පිරිසක් අද (11) පස්වරුවේ පැනගොස් ඇති බවත් ඔවුන් සොයා මෙහෙයුමක් ආරම්භ කළ බවත් පොලිසිය අද රාත්‍රී පැවසීය.

එම කඳවුරේ නේවාසිකව පුනුරුත්ථාපනය වෙමින් සිටි පුද්ගලයන් 50 ක පමණ පිරිසක් කඳවුරේ වැට කඩාගෙන අද පස්වරු 5.30 ට පමණ පැන ගොස් තිබූ බවත් සිද්ධිය වාර්තා වූ මොහොතේ සිට ඔවුන් අත්අඩංගුවට ගැනීමේ මෙහෙයුම ආරම්භ කළ බවත් පොලිසිය කීය.

එම පිරිස කන්දකාඩු කැලෑ ප්‍රදේශයට පැන ඇති බව කී වැලිගන්ද පොලිසියේ නිලධාරියෙක් පැවසුවේ රාත්‍රී කාලයේ ඔවුන් සෙවීම වඩාත් අසීරු කාර්යක් බවට පත්ව ඇති බවයි.

ඒ හේතුවෙන් කැලෑ ප්‍රදේශය වටකර ආරක්‍ෂක වළල්ලක් යොදා ඇති බවත් හැකි ඉක්මණින් ඔවුන් අත්ුඩංගුවට ගැනීමට කටයුතු කරන බවත් එම නිලධාරියා කීය.

කඳවුර තුළ ඇති වූ නොසන්සුකාරී තත්වයක් මධ්‍යයේ මෙම පිරිස පැනගොස් ඇති බව ද වාර්තා වේ.

මෙම මෙහෙයුමට වැලිකන්ද පොලිසියේ ස්ථානාධිපති ප්‍රධාන පොලිස් පරීක්‍ෂක සමන්ත රත්නායක මහතා ප්‍රමුඛ නිලධාරීන් 30 දෙනෙකුගෙන් යුත් කණ්ඩායමට අමතරව මනම්පිටිය සහ පොළොන්න්රුව යන පොලිසිවලින් ද නිලධාරී කණ්ඩායම් කැඳවූ බව ද පොළොන්නරුව ප්‍රදේශය භාර උසස් පොලිස් නිලධාරියෙක් ඊයේ රාත්‍රී පැවසීය.

පැනගිය රැදවියන් අත්අඩංගුවට ගැනීමට යුද හමුදාව ද එක්ව සිටින බව පොලිසිය සදඟන් කළේය.