( පුෂ්පකුමාර මල්ලවආරච්චි)  

කිසියම් අපරාදයක් කිරීමට අරමුණු කරගිනිමින් ළග තබාගත් බවට සැලකෙන දර්ශණීය ආකාරයට සැකසූ කඩු තුනක්   ඒවා බහාලන කොපු දෙකක් සමග අපරාධ කල්ලියකට සම්බන්ධ බව කියන පුද්ගලයකු අත්අඩංගුවට ගත් බව පල්ලෙවෙල පොලිසිය කියයි.

පල්ලෙවෙල පොලිස් වසමේ ගස්පේ ප්‍රදේශයේ නිවසක මේ අන්දමේ කඩු සගවා ඇති බවට බස්නාහිර පළාත් බුද්ධි කොට්ඨාසයේ නිලධාරීන්ට ලැබුනු තොරතුරක් අනුව සිදු කෙරුණු සෝදිසියකදී 38 හැවිරිදි සැකකරු සතුව තිබූ මෙම කඩු සොයාගෙන  ඇත්තේ ඇද මෙට්ටයක සගවා තිබියදීය.

අගල් 28, 32 හා 38 දිගින් යුත් මෙම කඩු තුනෙන් දෙකක් ඉතා දර්ශණිය අන්දමින් සකසා ඇති අතර අනෙක සාමාන්‍ය අන්දමේ එකක් බවද පොලිසිය සදහන් කරයි.

එක් බහාලන කොපුවක් හම් ආවරණයක් මගින් සකසා ඇති අතර අනෙක ලීවලින් සකසා රන් පැහැ ආලේප කර තිබූ බව පොලිසිය සදහන් කරයි.

ලැබුනු තොරතුර අනුව මෙම කඩු සෙවීමට ගිය අවස්ථාවේ සැකකරුගේ නිවසේ තිබී කසිප්පු බෝතල් අටක් අඩංගු කෑන් එකක්ද සොයාගත් බවද සැකකරු කළක් තිස්සේ කසිප්පු වෙළෙදාමේ යෙදී ඇත්තෙකු බව හෙලිවීයැයිද පොලිසිය කියයි.

අත්අඩංගුවට ගැනුනු සැකකරු විවිධ අපරාධ වලට සම්බන්ධ කල්ලියක සාමාජිකයකු බව හෙලිවී ඇතැයිද පොලිසිය සදහන් කළේය.