(යොහාන් භාසුර)

ඉන්දියාවෙන් නීති විරෝධිව ගෙන ආ වියලි කහ කිලෝ 1600කට ආසන්න තොගයක් සහ සැකකරුන් පස්දෙනෙක් සිලාවතුර සහ කල්පිටිය ප්‍රදේශවලින් ශ්‍රී ලංකා නාවික හමුදාව අත්අඩංගුවට ගෙන තිබේ.

සිලාවතුර පිච්චවානිකුලම් ප්‍රදේශයේ සහ කල්පිටිය ඉප්පන්තිව් දුපතේ අද (27) අළුයම කළ විශේෂ මෙහෙයුම් දෙකකදී වියලි කහ කිලෝ 1599 ක තොගයක් සමඟ සැකකරුවන් පස්දෙනකු සහ කැබ් රථයක් අත්අඩංගුවට ගත් බව නාවික හමුදාව පවසයි.

වයඹ නාවික විධානයට අයත් නෞකා ථේරපුත්ත ආයතනය සහ සිලාවතුර පොලීසිය නිවසක් තුළ තිබූ මළු 33 ක අසිරූ වියලි කහ කිලෝ 1141 ක් සහ සැකකරුවන් පස්දෙනෙකු සමඟ කහ තොගය ප්‍රවාහනය කළ බවට සැකකෙරෙන කැබ් රථයක් ද, නෞකා විජය ආයතනය කල්පිටිය කළපුවේ ඉප්පන්තිව් දුපතේ තිබු මළු 21 ක අසිරූ වියලි කහ කිලෝ 458 ක් ද, බාරයට ගත් බවත් සැකකරුවන් වයස අවුරුදු 22 ත් 48 ත් අතර වයසේ පසුවන සිලාවතුර සහ මන්නාරම යන ප්‍රදේශයේ පදිංචිකරුවන් බවත් නාවික හමුදාව කියයි.