(ගයාන් සූරියආරච්චි)

මෙවර පාර්ලිමේන්තු මැතිවරණයට තරගවදින ප්‍රධාන පක්ෂයක අපේක්ෂකයකුට අයත් පෝස්ටර් අලවමින් සිටි සැකකරුවන් 5දෙනකු බොරැල්ල කනත්ත ප්‍රදේශයේදී අත්අඩංගුවට ගත් බව බොරැල්ල පොලිසිය පවසයි.

මෙසේ අත්අඩංගුවට ගෙන ඇත්තේ බොරැල්ල ප්‍රදේශයේ පදිංචිකරුවන් පස් දෙනකු බව පොලිසිය කියයි.

සැකකරුවන් සන්තකයේ තිබී එම අපේක්ෂකයාගේ පෝස්ටර් 1500 ක්, පාප්ප බාල්දියක් සහ සැකකරුවන් පැමිණි ත්‍රි රෝද රථයක් සහ යතුරුපැදියක් පොලිසිය භාරයට ගෙන ඇත.

අත්අඩංගුවට ගත් පුද්ගලයන් කුලී පදනම මත පෝස්ටර් ඇලවීම කළ පුද්ගලයන් බවට තොරතුරු අනාවරණයවී ඇත.

සැකකරුවන් අධිකරණයට අද (21) ඉදිරිපත් කිරීමට නියමිතය.

කොළඹ දකුණ දිසාව බාර ජ්‍යෙෂ්ඨ පොලිස් අධිකාරී රවීන්ද්‍ර අඹේපිටිය මහතාගේ උපදෙස් පරිදි බොරැල්ල පොලිසියේ ස්ථානාධිපති ජනක විතානගේ මහතාගේ ප්‍රධානත්වයෙන් වැඩිදුර විමර්ශන සිදුකෙරේ.