(අංජුල මහික වීරරත්න)

’’අඳුරු අනාගතය පහන් කරන්නට’’ යන්නෙන් එක්සත් ජාතික පක්ෂය සංවිධාන කළ සත්‍යග්‍රහය එක්සත් ජාතික පක්ෂ නායක සහ හිටපු අග්‍රාමාත්‍ය රනිල් වික්‍රමසිංහ, එජාප නියෝජ්‍ය නායක රුවන් විජයවර්ධන  මහත්වරුන් ඇතුළු එජාප නායකයන් කොළඹ හයිඩ් පිටියට පැමිණීමෙන් අනතුරුව ආරම්භ කෙරිණි.

එක්සත් ජාතික පක්ෂ නායකයෝ මෙන්ම ජනතාව මහ පොළොව මත වාඩි වී සත්‍යග්‍රහය කළහ.

සියලු දෙනාම සම භූමියක හිඳින රටක් බිහිකිරීම සංකේතවත් කරමින් නායකයන් මෙන්ම ජනතාව සම බිමෙහි සිට සත්‍යග්‍රහය කරන බව එහිදී  නිවෙිදනය කෙරිණි.

2022.03.25

04:02 P.M

(අංජුල මහික වීරරත්න)

"අඳුරු අනාගතය පහන් කරන්නට" යන්නෙන් එක්සත් ජාතික පක්ෂය සංවිධාන කළ සත්‍යග්‍රහය කොළඹ හයිඩ් පිටියේදී තව සුළු මොහොතකින් ඇරැඹීමට නියමිතය.

දිවයිනේ සියලු සියළු ප්‍රදේශ නියෝජනය කරමින් කොළඹට පැමිණි ජනතාව සවස 03:30 පමණ වන විට හයිඩ් පිටියට එක්රොක් වූහ.

ඩාර්ලි පාර, විහාර මහාදේවි උද්‍යානය, යුනියන් පෙදෙස හා බේබෲක් පෙදෙස සිට සුදු වතින් සැරසුනු සියලු ජාති ආගම්  නියෝජනය කරන ජනතාව නිශ්ෂබ්දව පාගමනින් හයිඩ් පිටිය වෙත පැමිණියහ.

සතර අතින් පැමිණි ජනතාව නිසා හයිඩ් පිටියට ඔබ්බෙන් පිහිටි මාර්ග ද පිරී තිබූ අතර මහ මග යන වාහන වලට අවහිරයක් නොවන පරිදි හැකි තරම් හයිඩ් පිටිය ඇතුලට එක්රොක් වන ලෙස ද ජනතාවට නිවේදනය කෙරිණි.

(ඡායාරූප: ගයාන් අමරසේකර සහ ඩික්සන් වසන්ත)