(අජන්ත කුමාර අගලකඩ)

නව අග්‍රාමාත්‍යවරයකු යටතේ අමාත්‍ය මණ්ඩලයක් පත්කර ගැනීම සඳහා අගමැති මහින්ද රාජපක්ෂ මහතාට ඉවත් වන්නැයි ආණ්ඩුවෙන් ඉවත් වූ  විමල් වීරවංශ, උදය ගම්මන්පිල යන මහත්වරුන් අගමැතිවරයා හමුවී  ඉල්ලීමක් කර ඇතැයි වාර්තා වේ.

ඔවුන් දෙදෙනා ඉකුත් දිනක අරලියගහ මන්දිරයේදී අගමැතිවරයා හමුවී  මෙම ඉල්ලීම කර ඇති බවද දැනගන්නට ඇත

අගමැතිවරයා ඔවුන්ගේ  එම ඉල්ලීම ප්‍රතික්ෂේප කර ඇති අතර,ඇතිව තිබෙන අර්බුදය විසඳීම සඳහා ආණ්ඩුව පියවර ගනිමින් සිටින බව අගමැතිවරයා ඔවුන්ට දැනුම් දී ඇතැයිද දැනගන්නට ඇත.

මේ අතර, ස්වාධීන වූ මන්ත්‍රීවරුන් 41 දෙනාගේ  කණ්ඩායමේ නියෝජිතයන්   ඉකුත් සතියේ ඉරිදා (10) රාත්‍රියේ ජනාධිපතිවරයා සමග පැවති සාකච්ඡාවේ දී ද ,මහින්ද රාජපක්ෂ මහතා අගමැති ධුරයෙන් ඉවත් කර, නව අගමැතිවරයකු පත්කරන්නැයි ඉල්ලීමක් කර ඇති බව දැනගන්නට ඇත.

ජනාධිපතිවරයා ද ඔවුන්ගේ ඉල්ලීම ප්‍රතික්ෂේප කර ඇතැයි ද රජයේ ආරංචි මාර්ග සඳහන් කරයි.