(අංජුල මහික වීරරත්න)
හෙද නිලධාරීන්ගේ වාර්ෂික ස්ථාන මාරු ලබාදීම සිදුකරදෙන මුවාවෙන් මුදල් ගරන ජාවාරමක් ක්රියාත්මක බැවින් එම ජාවාරම්කරුවන්ට හසු නොවන්නැයි සෞඛ්ය හා ජනමාධ්ය අමාත්යාංශය දැනුම් දීමක් කරයි.
2026 වර්ෂයට අදාලව හෙද නිලධාරීන්ගේ වාර්ෂික ස්ථාන මාරු සෞඛ්ය හා ජනමාධ්ය අමාත්යාංශය විසින් කැඳවා ඇතැයි ද මේ පසුබිම තුල ස්ථාන මාරු ඉල්ලා ඇති හෙද නිලධාරීන්ගේ තොරතුරු ලබා ගැනීමේ හා ඔවුන්ට ස්ථාන මාරු සකස් කර දෙන බව සඳහන් කරමින් කූඨලෙස මුදල් අයකරමින් සිදුකරන ජාවාරමක් ක්රියාත්ම වෙමින් පවතින බව වාර්තා වී ඇතැයි ද සෞඛ්ය හා ජනමාධ්ය අමාත්යාංශය කියයි.
හෙද නිලධාරීන්ගේ ස්ථාන මාරු සිදු කරන්නේ නිත්යානුකූල ක්රමවේද අනුව සෞඛ්ය හා ජනමාධ්ය අමාත්යාංශය විසින් හෝ පලාත් සෞඛ්ය අමාත්යාංශ විසින් පමණි.
අදාල අමාත්යාංශය වල බලයලත් නිලධාරියෙකු විසින් කරන ලිඛිත ඉල්ලීමකට පරිබාහිරව වෙනත් කිසිදු පාර්ශ්වයකට හෙද නිලධාරින් විසින් තොරතුරු ලබා නොදිය යුතු බව අමාත්යංශය අවධාරණය කරයි. ස්ථාන මාරු සකසා දෙන බව පවසා මුදල් හෝ වෙනත් ආකාරයක අල්ලස් ලබා දීම ස්ථාන මාරු ඉල්ලුම් කරන ලද හෙද නිලධාරීන් නොකළ යුතු බවද සෞඛ්ය හා ජනමාධ්ය අමාත්යාංශය පෙන්වා දෙයි.
එසේ සිදුකරන මුදල් ගණුදෙනු සම්බන්ධයෙන් හෝ ලබාදෙන අල්ලස්, කරන වංචා හා ඒ නිසා සිදුවන හානි සම්බන්ධයෙන් කිසිදු වගකීමක් සෞඛ්ය හා ජනමාධ්ය අමාත්යාංශය නොදරන බවද සෞඛ්ය හා ජනමාධ්ය අමාත්යාංශය නිවේදනය කරයි.
COMMENTS
Reply To:
Sisira - cb chds hcdsh cdshcsdchdhd