(විමුක්ති එස් රුද්රිගු)
එක්සත් ජාතීන්ගේ සරණාගතයන් පිළිබඳ මහ කොමසාරිස් කාර්යාලයේ මෙරට මෙහෙයුම් කටයුතු එළඹෙන වසර දෙකක කාලය තුළ අවසන් කිරීමට නියමිත බව ආරංචි මාර්ග ප්රකාශ කර ඇතැයි විදෙස් මාධ්ය වාර්තා කර ඇත.
ඒ හේතුවෙන් මෙරට සිටින සරණාගතයන් විශාල අවිනිශ්චිතභාවයකට මුහුණ දී සිටින බව විදෙස් මාධ්ය පෙන්වා දී තිබේ. එක්සත් ජාතීන්ගේ සරණාගතයන් පිළිබඳ මහ කොමසාරිස් කාර්යාලය විසින් මෙරට සිටින සරණාගතයන්ට ලබා දෙනු ලබන දීමනාව සඳහා 2023 වර්ෂය වෙනුවෙන් අවශ්ය මුදලෙන් ලැබී ඇත්තේ සියයට 23 ක මුදලක් පමණක් වන බවත් එළඹෙන දෙසැම්බර් මාසයට ප්රථම එම මුදල අවසන් වනු ඇති බවත් ආරංචි මාර්ග පෙන්වා දී ඇත. සරණාගත පවුල් වල ළමුන්ගේ අධ්යාපනය සඳහාද මුදලක් එම දීමනාවට ඇතුලත් වේ.
දීමනාව නොලැබීමෙන් සරණාගත පවුල් මෙන්ම එම පවුල්වල ළමුන්ගේ අධ්යාපනයද අවදානමට ලක්විය හැකි බව ආරංචි මාර්ග පෙන්වා දී තිබේ.එසේම තවමත් සරණාගතභාවය නොලැබූ පිරිසක් ශ්රී ලංකාවේ සිටින බවත් එම පිරිසගේ සරණාගතභාවය අනුමත නොකර එක්සත් ජාතීන්ගේ සරණාගතයන් පිළිබඳ මහ කොමසාරිස් කාර්යාලය මෙහෙයුම් කටයුතු අවසන් කළහොත් එම පිරිසගේ ජීවිත අවදානමට ලක් වීමට පවා අවස්ථාවක් තිබෙන බව ආරංචි මාර්ග පවසා ඇත.
සරණාගතභාවය නොලැබුනහොත් නැවතත් එම පිරිස පැමිණි රටට ඔවුන්ට පිටත්ව යාමට සිදු වන බවත් එහිදී ඔවුන් ඝාතනයට ලක් විය හැකි බවත් ආරංචි මාර්ග පෙන්වා දී තිබේ.
මේ පිළිබඳ මෙරට කාර්යාලයෙන් අප නිල වශයෙන් විමසීමක් කළ අතර එහිදී එක්සත් ජාතීන්ගේ සරණාගතයන් පිළිබඳ මහ කොමසාරිස් කාර්යාලයේ මෙරට සිටින නිලධාරීන් ප්රකාශ කර සිටියේ ශ්රී ලංකාවේ මේ වනවිට අවතැන් වී සිටින්නේ ඉතාමත් සුළු පිරිසක් පිරිසක් බවත් අභ්යන්තරව අවතැන් වූ ජනතාවගෙන් බහුතරයක් ඔවුන්ගේ මුල් ස්ථාන කරා ආපසු ගොස් ඇති බවත්ය ඒ හේතුවෙන් ශ්රී ලංකාවේ මෙහෙයුම් කටයුතු තවදුරටත් සිදු කළ යුතු දැයි සමාලෝචනය කිරීමට එක්සත් ජාතීන්ගේ සරණාගතයන් පිළිබඳ මහ කොමසාරිස් කාර්යාලයට හැකියාව ලැබී තිබෙන බව මෙරට කාර්යාලයේ නිලධාරීන් පෙන්වා දුන්නේය.අභ්යන්තරව අවතැන් වූ බොහොමයක් ජනතාවට ඔවුන්ගේ ජීවිත නැවත ගොඩනගා ගැනීමට එක්සත් ජාතීන්ගේ සරණාගතයන් පිළිබඳ මහ කොමසාරිස් කාර්යාලය සහාය ලබා දී තිබෙන බවත් ශ්රී ලංකාවේ සිටින බොහෝ සරණාගතයන් සඳහා කල් පවතින විසඳුම් සොයා දුන් බවත් මෙරට කාර්යාලයේ නිලධාරීන් පැවසුවේය.
පාස්කු බැතිමතුන් පිරිසක් ගමන් කරමින් සිටි බස් රියක්, දකුණු අප්රිකාවේ, ප්රපාතයකට පෙරැළී අනතුරක් සිදුවිය.
ශ්රී ලංකාවෙි ප්රංශ තානාපති ඒ. ජෙආන් ෆ්රැන්කොයිස් මහතා සහ පාර්ලිමේන්තු මන්ත්රී හිටපු කතානායක චමල් රාජපක්ෂ මහතා අතර හමුවක් වීරකැටිය මැදමුලන නිවසේ
මහරගම නගර මධ්යයේ පිහිටා තිබූ බෝ ගසක අත්තක් අද රාත්රි 7 පමණ වර්ෂාවත් සමග ඇතිවූ සුළං තත්වය හමුවේ හදිසියේ කඩා වැටීමෙන් මාර්ගයේ ගමන් ගත් කාන්තාවක සහ පුද්
ඉකුත් මාස දෙකක කාලයේ ශ්රී ලංකාව රුපියල් මිලියන 983.7ක අපනයන ආදායමක් ලබා තිබෙන බව කුඩා හා මධ්ය පරිමාණ ව්යවසාය සංවර්ධන රාජ්ය අමාත්ය ප්රසන්න රණවීර මහ
අන්තර්ජාලය ඔස්සේ සිදු වන ළමා ලිංගික අපයෝජන සම්බන්ධයෙන් වාර්තා කිරීමේ නව මාර්ගගත ක්රමවේදයක් ජනාධිපති රනිල් වික්රමසිංහ මහතාගේ ප්රධානත්වයෙන් අද (28)
පාස්කු ප්රහාරය සම්බන්ධයෙන් තමන් දන්නා කරුණු ලබන 04 වැනිදා අධිකරණය හමුවේ පෙනී සිට ප්රකාශයක් කරන ලෙස හිටපු ජනාධිපති මෛත්රීපාල සිරිසේන මහතාට මාලිගාක
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
දශක 6කට අධික ඉතිහාසයකට උරුමකම් කියන ශ්රී ලංකාවේ පුරෝගාමී රක්ෂණ සමාගම වන ශ්රී ලංකා ඉන්ෂුවරන්ස් සිය ජීවිත හා සාමාන්ය රක්ෂණ ව්යාපාර නීත්යානුකූල
යූ.එන් එකේ කොටසක් මෙහෙයමු අවසන් කරන්න යයි