(රෝෂන් තුෂාර)

රුපියල් මිලියන 194ක බදු මුදලක්  නොගෙවා පැහැර හැරියේ යැයි කියන  අවුරා ලංකා සමාගමේ සභාපති විරංජිත් තාබුගල  විත්තිකරුට වැට් බදු වාර්තා ඉදිරිපත් නොකිරීම සම්බන්ධයෙන්  නොවැම්බර් 25 දින අධිකරණයේ  පෙනී සිට කරුණු දක්වන  ලෙසට කොළඹ අතිරේක මහේස්ත්‍රාත්  සජිවිකා ඉයන්දල මහත්මිය සිතාසී නිකුත් කරමින් නියෝග කළාය.

අවුරා ලංකා සමාගම වෙනුවෙන් 2019 තුන්වෙනි කාර්තුව සඳහා ලබා දිය යුතු වැට්  බදු වාර්තා ඉදිරිපත් නොකිරීම සම්බන්ධයෙන් දේශීය ආදායම් කොමසාරිස්වරයා පැවරූ පැමිණිල්ලක් සලකා බැලීමෙන් පසුව මෙම සිතාසිය නිකුත් කළාය.

දෙශීය ආදායම් කොමසාරිස්වරයා වෙනුවෙන් පෙනී සිටි නීතිඥ දිනේෂ් පෙරේරා මහතා කරුණු දක්වමින් කියා සිටියේ විත්තිකරුට අධිකරණයේ පෙනී සිටීමට සිතාසි නිකුත් කර තිබුණද ඔහු  පෙනී සිට නොමැති බවය.

පැමිණිල්ලේ කරුණු සලකා බැලූ අතිරේක මහේස්ත්‍රාත්වරිය තලංගම පොලිසිය ස්ථානාධිපතිවරයා හරහා නැවත සිතාසි නිකුත් කරන ලෙසට නියෝග කළාය.

තාබුගල මහතා විසින් 2022 /2023 වර්ෂ වලට අදාළව  රුපියල් මිලියන 194ක බදු මුදලක්  නොගෙවා පැහැර හැරීම සම්බන්ධයෙන් දේශීය ආදායම් කොමසාරිස්වරයා විසින් තවත් නඩුවක් පවරා ඇති අතර එම පැමිණිල්ල  දෙසැම්බර් මස 15 කැඳවීමට මහේස්ත්‍රාත්  අධිකරණය දින නියම කර ඇත.