(සුජිත් හේවාජුලිගේ සහ අංජුල මහික විරරත්න )

ගල් අඟුරු ආනයනය සම්බන්ධයෙන් කරුණු සොයා බැලීමට ජනාධිපති විශේෂ කොමිෂන් සභාවක් පත් කරන බව සභානායක අමාත්‍ය බිමල් රත්නායක මහතා පාර්ලිමේන්තුවේ අද  පැවසීය.

ශ්‍රේෂ්ඨාධිකරණ විනිසුරුවරයකුගේ ප්‍රධානත්වයෙන්   මෙම කොමිෂන් සභාව පත් කරන බවද ඔහු කීවේය.

පසුගිය 2019 වසරේ සිට මේ දක්වා ගල් අඟුරු නැව් 465ක් පැමිණ ඇති බවත් මේ සියලු ආනයනයන් පිළිබඳව මෙහිදී කරුණු සොයා බලනු ඇති බවත් අමාත්‍යවරයා පැවසීය.

බලශක්ති අමාත්‍ය කුමාර ජය කොඩි මහතා වරදක් කර ඇතිනම් ඔහු හිරේ යනු ඇති බවත් අනික් අය  වැරදි කර ඇත්නම් ඔවුන් හිරේ යනු ඇති බවත් හෙතෙම සඳහන් කළේය.

ඔහු මෙසේ පැවසුවේ බලශක්ති අමාත්‍ය කුමාර ජය කොඩි මහතාට එරෙහි විශ්වාසභංග යෝජනාව පිළිබඳ විවාදයේදීය