එසැණ පුවත්

විශ්වවිද්‍යාල ප්‍රවේශයට අදාළ ඉසෙඩ් අගය නිකුත් කෙරේ

අධ්‍යයන පොදු සහතිකපත්‍ර උසස් පෙළ - 2018 විභාගයේ ප්‍රතිඵල මත 2018 / 2019 අධ්‍යයන වර්ෂය සඳහා විශ්වවිද්‍යාල ප්‍රවේශයට අදාළ අවම ඉසෙඩ් අගය විශ්වවිද්‍යාල ප්‍රතිපාදන කොමිසම නිකුත් කර තිබේ.

26 July 2019

‘ව්‍යවස්ථාව යළි වෙනස් කරන්න ආණ්ඩුවට අයිතියක් නෑ’

ව්‍යවස්ථාව යළි වෙනස් කිරීමට මේ ආණ්ඩුවට කිසිම අයිතියක් නැහැ. එය කළ හැක්කේ ඊළඟට පත්වන ආණ්ඩුවට පමණක් යැයි විපක්ෂ නායක, හිටපු ජනාධිපති මහින්ද රාජපක්ෂ මහතා අද (26) පැවසීය. රාජපක්ෂ මහතා මෙසේ පැවසූයේ ශ්‍රී ලංකා පොදුජන පෙරමුණ, දැනට පාර්ලිමේන්තුව නියෝජනය නොකරන පක්ෂ 10 සමඟ අවබෝධතා ගිවිසුම්වලට අත්සන් තැබීමේ අවස්ථාවට එක්වෙමිනි.

26 July 2019

පොහොට්ටුව සමඟ කරුණාත් එක්වෙයි

ශ්‍රී ලංකා පොදුජන පෙරමුණ සමග අද උදෑසන අත්සන් තැබූ අවබෝධතා ගිවිසුමට විනයාගමූර්ති මුරලිදරන් හෙවත් ‘ කරුණා අම්මාන්ගේ‘ පක්ෂයත් එක්වී සිටී. කලින් එල්.ටී.ටී.ඊ. සාමාජිකයකුව සිටි විනයාගමූර්ති මුරලිදරන් හෙවත් කරුණා අම්මාන්, පසුව නීත්‍යානුකූල දේශපාලනය තෝරා ගත්තේය.

26 July 2019

අගෝ.12 පෙර අපද්‍රව්‍ය ප්‍රතිඅපනයනය කරන්නැයි නියෝග

කටුනායක නිදහස් වෙළඳ කලාපය පරිශ්‍රයේ ගබඩාකර තිබෙන අපද්‍රව්‍ය තොගය ලබන අගෝස්තු 12 වන දින හෝ ඊට පෙර කඩිනමින් ප්‍රතිඅපනයනය කරන ලෙස ශ්‍රී ලංකා ආයෝජන මණ්ඩලය හේලීස් ෆ්‍රී සෝන් සමාගමට නියෝග කර තිබේ.

26 July 2019

රියලිටිවල සින්දු වෙනස් කිරීම තහනම්

කිසිවෙකු විසින් කිසියම් ගීතයක් හෝ ගීතයක කොටසක් ඕනෑම ආකාරයට ප්‍රතිනිෂ්පාදනය කර වාණිජමය පරමාර්ථ සඳහා භාවිතා කරන්නේ නම්, එම ගීතයේ අයිතිකරුවන්ට එකඟවිය හැකි ආකාරයට කතෘ භාගය ගෙවීමේ ලිඛිත ගිවිසුමක් ඇති කරගත යුතු බවට බුද්ධිමය දේපළ යටතේ ගැසට් නිවේදනයක් නිකුත් කිරීමට පියවර ගෙන තිබේ.

26 July 2019

ඩයිනෝසරයකුගේ අස්ථියක් ප්‍රංශයෙන් හමුවේ

ප්‍රංශයේ දකුණු දිග කොග්නැග් ප්‍රදේශයේ කළ කැණීමකදී ඩයිනෝසරයකුගේ විශාල ප්‍රමාණයේ කලවා අස්ථියක් සොයාගත් බව ප්‍රංශ පොසිල විද්‍යාඥයෝ පවසති.

26 July 2019

කසළ ගෙන්වූ අයට දඬුවම් කරන බව මංගල කියයි

එක්සත් රාජධානියේ සිට මෙරටට කසළ ආනයනය කිරීමට සම්බන්ධ වූ සියලු පාර්ශවයන්ට එරෙහිව විධිමත් පරීක්ෂණයක් සිදුකර වැරදිකරුවන්ට රේගු ආඥා පනත යටතේ දැඩි දඬුවම් ලබාදෙන බව මුදල් අමාත්‍ය මංගල සමරවීර මහතා පාර්ලිමේන්තුවේදී අද (26) පැවසීය.

26 July 2019

නීතිපති-මහ බැංකු අධිපති අද විශේෂ කාරක සභාවට

නීතිපති දප්පුල ද ලිවේරා සහ ශ්‍රී ලංකා මහ බැංකුවේ අධිපති ආචාර්ය ඉන්ද්‍රජිත් කුමාරස්වාමි යන මහත්වරුන් ඇතුළු සිව්දෙනකු පාස්කු ඉරුදින ප්‍රහාර ගැන කරුණු සොයා බලා පාර්ලිමේන්තු විශේෂ කාරක සභාව හමුවේ අද (26) පෙනී සිටීමට නියමිතය.

26 July 2019

බස්නැවතුම්පළක නිදා සිටි පුද්ගලයකු ඝාතනය කරයි

ගලේවෙල කලාවැව හන්දියේ කුඩා බස් නැවතුම්පළක නිදා සිටි පුද්ගලයකු අද (26) අලුයම ඝාතනය කර ඇතැයි ගලේවෙල පොලිසිය පවසයි.

26 July 2019

පාස්කු ප්‍රහාර තොරතුරු එස්.ටී.එෆ්.ට දැන්වූයේ නෑ

සහරාන් කල්ලියේ ප්‍රහාරය ගැන බොහෝ අංශ අප්‍රේල් 20 වැනිදා වනවිට බොහෝ තොරතුරු දැනගෙන සිටියද ඒ තොරතුරු පොලිස් විශේෂ කාර්ය බළකායට නොදීම තමාට අදටත් ප්‍රහේළිකාවක් බවත්, පොලිස් විශේෂ කාර්ය බළකායට ඒ තොරතුරු ලබා දුන්නා නම් මේ මහා විනාශය සිදු නොවන්නට ඉඩ තිබූ බවත් එම බළකාය බාර ජ්‍යෙෂ්ඨ නියෝජ්‍ය පොලිස්පති එම්. ආර්. ලතීෆ් මහතා පාස්කු ඉරුදින ප්‍රහාරය ගැන කරුණු සොයන පාර්ලිමේන්තු විශේෂ කාරක සභාව හමුවේ සාක්‍ෂි දෙමින් ඊයේ (25) පැවැසීය.

26 July 2019

රටින් ගෙන්වූ කුණුවලින් පරිසරයට සිදුවන හානිය දැනටමත් සිදුවී හමාරයි

පිටරටින් ගෙන්වූ කසළ සති ගණනක් තිස්සේ මෙහි තිබීම නිසා ඉන් අපේ රටේ පරිසරයට සිදුවිය යුතු හානිය මේ වනවිට සිදුවී හමාර යැයි මුදල් අමාත්‍ය මංගල සමරවීර මහතා ඊයේ අනුරාධපුරයේදී පැවසීය.

26 July 2019

ලක්ෂ 40 ක කේරල ගංජා තොගයක් සමඟ අයෙක් අත්අඩංගුවට

ගල්කිස්ස ශාන්ත රීටා පාරේදී රුපියල් ලක්ෂ 40 කට ආසන්න කේරල ගංජා තොගයක් සමඟ පුද්ගලයකු අද (26) අත්අඩංගුවට ගත් බව පොලිස් විශේෂ කාර්ය බළකා මුලස්ථාන කඳවුරේ විශේෂ වැටලීම් අංශය කියයි.

26 July 2019

වසර 16කට පසු ඇමෙරිකාව මරණ දඬුවම ක්‍රියාත්මක කරයි

වසර 16කට පසු මරණ දඬුවම ක්‍රියාත්මක කිරීමට ඇමෙරිකා එක්සත් ජනපද මධ්‍යම ආණ්ඩුව තීරණය කර ඇති බවත් ඝාතකයන් පස්දෙනකුට එරෙහිව මරණ දඬුවම ක්‍රියාත්මක කිරීම සඳහා දින නියම කර ඇති බවත් ඇමෙරිකා එක්සත් ජනපද නීතිපති බිල් බාර් මහතා අද (25) නිවේදනය කළේය.

25 July 2019

ගම්මන්පිල ජනාධිපති කොමිසම හමුවේ සාක්කි දෙයි

රිෂාද් බදියුදීන් විසින් පුත්තලමේ අවතැන් කඳවුරුවල වෙසෙන වැසියන් පිරිසකගේ අත්සන හොරට යොදා ගනිමින් මන්නාරම ප‍්‍රදේශයේ රජයේ ඉඩම් නීතිවිරෝධී අන්දමින් පවරාගෙන එම ඉඩම් හිටපු අමාත්‍යවරයාගේ පවුලේ සාමාජිකයින් අතරේ බෙදා ගත් බවට 2010 වසරේදී මන්නාරම දිස්ත‍්‍රික්කයේ පදිංචි මුස්ලිම් වැසියන් පිරිසක් තමන්ට තොරතුරු ලබා දුන්නේ යැයි පාර්ලිමේන්තු මන්ත‍්‍රී උදය ගම්මන්පිළ ජනාධිපති කොමිසම හමුවේ සාක්කි ලබා දෙමින් අද (25) පැවසීය.

25 July 2019

ඇමැතිධූරවලින් ඉවත් වූ මුස්ලිම් මන්ත්‍රීවරු 7 ක් හෙට දිවුරුම් දෙති

ඇමැතිධූරවලින් ඉවත් වූ මුස්ලිම් මන්ත්‍රීවරුන් නව දෙනාගෙන් ඉතිරි හත්දෙනා ද හෙට (26) පෙරවරුවේ ජනාධිපති කාර්යාලයේදී ජනාධිපති මෛත්‍රීපාල සිරිසේන මහතා ඉදිරියේ ඔවුන් කලින් දැරූ කැබිනට් අමාත්‍ය, රාජ්‍ය අමාත්‍ය සහ නියෝජ්‍ය ඇමැතිධූරවල දිවුරුම් දෙති.

25 July 2019

ක්‍රියාශීලී දිස්ත‍්‍රික් කාර්යාල ක‍්‍රමයක් මගින් වේගවත් ආර්ථික සංවර්ධනයක් ක්‍රියාත්මක කරනවා

ක්‍රියාශීලී දිස්ත‍්‍රික්ක කාර්යාල ක‍්‍රමයක් ඇති කර ඒ තුළින් රටේ ආර්ථික සංවර්ධන වේගය වැඩි කිරීමට පියවර ගන්නා බව අග‍්‍රාමාත්‍ය රනිල් වික‍්‍රමසිංහ මහතා කොළඹදී පැවැසීය.

25 July 2019

අවි පුහුණුව ලැබූ සහරාන්ගේ ගෝලයෙක් නාවලපිටියේදී අත්අඩංගුවට

සහරාන් සමඟ සම්බන්ධතා පැවැත් වූ පුද්ගලයෙක් අද (25) නාවලපිටිය ප්‍රදේශයේදී අත්අඩංගුවට ගත් බව කොළඹ අපරාධ කොට්ඨාසය කියයි.

25 July 2019

සැප්තැම්බරයේ යාල වහයි

යාල ජාතික වනෝද්‍යානයේ කලාප අංක 1 කොටස ලබල සැප්තැම්බර් පළමුවැනිදා සිට ඔක්තෝබර් 31 වැනිදා දක්වා සංචාරකයන් සඳහා වසා තැබීමට වනජීවී සංරක්ෂණ දෙපාර්තමේන්තුව තීරණය කර ඇත.

25 July 2019

වෛද්‍ය සාෆිට ඇප

මව්වරු වඳ භාවයට ලක් කිරීමේ සිද්ධියකට අදාලව රක්ෂිත බන්ධනාගාරගත කර සිටි වෛද්‍ය මොහොමඩ් සාෆි ශිහාබ්දීන් මහතා රුපියල් දෙලක්ෂ පනස් දහසක මුදල් ඇපයක් සහ රුපියල් ලක්ෂ විසි පහ බැගින් වූ ශරීර ඇප හතරක් මත මුදා හරින ලෙසට කුරුණෑගල මහේස්ත්‍රාත් සම්පත් හේවාවසම් මහතා අද (25) නියෝග කළේය.

25 July 2019

රන්ජන් ගැන හොයන්න අගමැතිගෙන් ත්‍රිපුද්ගල කමිටුවක්

රාජ්‍ය අමාත්‍ය රන්ජන් රාමනායක මහතා මහ සංඝරත්නය විෂයයෙහි දක්වා ඇති අදහස් හා ඊට සම්බන්ධව ඔහුගේ සමාජ මාධ්‍ය ජාල ඔස්සේ පළ කර ඇති වීඩියෝ පිළිබඳව විමර්ෂනය කිරීම සඳහා අග‍්‍රාමාත්‍ය රනිල් වික‍්‍රමසිංහ මහතා විසින් විදේශ අමාත්‍ය ජනාධිපති නීතිඥ තිලක් මාරපන මහතාගේ සභාපතීත්වයෙන් යුතු ත‍්‍රිපුද්ගල කමිටුවක් පත් කර ඇත.

25 July 2019

එක්සත් ජාතීන්ගේ නියෝජිතයා නඩු ගැන කතාකරන්න ඉල්ලුවේ නෑ

අධිකරණයේ විභාග වන නඩු ගැන අගවිනිසුරු සමඟ සාකච්ඡා කිරීමට එක්සත් ජාතීන්ගේ සංවිධානයේ විශේෂ නියෝජිතයා කිසිඳු ඉල්ලීමක් කර තිබුණේ නැතැයි විදේශ කටයුතු අමාත්‍ය තිලක් මාරපන මහතා පාර්ලිමේන්තුවේදී අද (25) පැවැසීය.

25 July 2019

මුස්ලිම් ඡන්ද නැතිව කිසිවෙකුට ජනාධිපති පුටුවේ වාඩිවෙන්න බෑ

පවතින මැතිවරණ ක්‍රමයට අනුව ජනාධිපතිවරුන් සිව්දෙනෙකුම බලයට පත්වූයේ මුස්ලිම් ප්‍රජාවේ සහායෙන් බවත් මුස්ලිම් ප්‍රජාවගේ සහාය නොමැතිව කිසිවෙකුට ජනාධිපතිධූරයට පත්විය නොහැකි බවත් නැගෙනහිර පළාත් හිටපු ආණ්ඩුකාරවර එම්.ඒ.එල්.එම් හිස්බුල්ලා මහතා පවසයි.

25 July 2019

කදිරගාමර් ඝාතනයට සම්බන්ධ එල්.ටී.ටී.ඊ සාමාජිකයාට ජර්මනියේදී නඩු පැවරේ

හිටපු විදේශ කටයුතු අමාත්‍ය ලක්ෂ්මන් කදිරගාමර් ඝාතන කුමන්ත‍්‍රණය සම්බන්ධයෙන් ජර්මනියේදී අත්අඩංගුවට ගත් හිටපු එල්.ටී.ටී.ඊ සාමාජිකයාට එරෙහිව ත‍්‍රස්තවාදයට ආධාර අනුබල දීමේ යටතේ එරට අධිකරණය හමුවේ චෝදනා ගොනු කර ඇතැයි තානාපති ආරංචි මාර්ග සඳහන් කරයි.

25 July 2019

මහපොළ අරමුදල ගැන ප්‍රකාශ ගන්න ජනාධිපති කොමිසමේ නිලධාරීන් හෙට හිටපු අගවිනිසුරුගේ නිවසට

ජනාධිපති පරීක්ෂණ කොමිසන් සභාව හමුවේ විභාගයට ගැනෙන මහපොළ උසස් අධ්‍යාපන භාරකාර අරමුදල සතුව සිදුවී ඇතැයි කියන රුපියල් කෝටි ගණනක දූෂණ හා වංචා සිද්ධීන් පිළිබඳව ඉදිරිපත්ව ඇති පැමිණිල්ලට අදාළව හිටපු අගවිනිසුරු කේ.ඒ.ශ්‍රී පවන් මහතාගෙන් ප‍්‍රකාශයක් ලබා ගැනීමට එම කොමිසමේ පොලිස් ඒකකයේ නිලධාරීන් කණ්ඩායමක් හෙට (26) හිටපු අගවිනිසුරුවරයාගේ වැල්ලවත්තේ පිහිටි නිවසට යෑමට නියමිත බව එම කොමිසම සඳහන් කරයි.

25 July 2019

මධ්‍යම පරිසර අධිකාරිය කුණු කන්ටේනර් ගැන රස පරීක්ෂණ වාර්තාවක් ඉල්ලයි

බි‍්‍රතාන්‍යයේ සිට මෙරටට ගෙන්වා ඇති අපද්‍රව්‍ය සහිත කන්ටේනර් පිළිබඳ වාර්තාවක් ලබා දෙන ලෙස මධ්‍යම පරිසර අධිකාරිය රජයේ රස පරීක්ෂකවරයාගෙන් අද (25) ඉල්ලීමක් කර ඇත.

25 July 2019

හේලීස් ෆී සෝන් සමාගම පරිසර ආරක්ෂණ බලපත්‍රයක් ලබාගෙන නෑ

අපද්‍රව්‍ය කන්ටේනර් 130 ක් ගෙන්වා කටුනායක නිදහස් වෙළඳ කලාපයේ දමා ඇති හේලීස් ෆී සෝන් සමාගම නිදහස් වෙළඳ කලාපයේ කටයුතු කිරීම සඳහා පරිසර ආරක්ෂණ බලපත‍්‍රයක් ලබාගෙන නැතැයි මධ්‍යම පරිසර අධිකාරිය කළ පරීක්ෂණවල දී හෙළිවී තිබේ.

25 July 2019

මාවනැල්ලේ බුදු පිළිම කැඩූ සැකකරුවන් තවදුරටත් රිමාන්ඩ්

මාවනැල්ලේ බුදු පිළිම කිහිපයකට හානි කිරීමේ සිද්ධියට අදාල නඩුව මාවනැල්ල දිසා මහෙස්ත‍්‍රාත් අධිකරණයේදී විභාගයට ගත් අතර සැකකරුවන් ලබන මස 08 වැනිදා දක්වා නැවත රක්ෂිත බන්ධනාගාර ගත කරන ලෙස මහෙස්ත‍්‍රාත් උපුල් රාජකරුණා මහතා අද (25) නියෝග කළේය.

25 July 2019

විශ්‍රාමිකයන්ගේත් - ජ්‍යෙෂ්ඨ පුරවැසියන්ගේ ස්ථාවර තැන්පතු පොලී අඩු කෙරේ

විශ්‍රාමිකයන්ගේ සහ ජ්‍යෙෂ්ඨ පුරවැසියන්ගේ ස්ථාවර තැන්පතු සඳහා ගෙවන බැංකු පොලී අනුපාතය ජූලි මාසය අගදී තවදුරටත් අඩු කිරීමට නියමිතව ඇතැයි වාර්තා වේ.

25 July 2019