2010 වසරේදී ශ්‍රී ලංකා රූපවාහිනී සේවකයන් 4 දෙනකුට තර්ජනය කර පහර දුන්නැයි සැකපිට රූපවාහිනියේ හිටපු සභාපති ආරියරත්න ඇතුගල, හිටපු අධ්‍යක්ෂ ජනරාල් දේවප්‍රිය අබේසිංහ හා ජී.ඩී.සුගතපාල යන අයට එරෙහි නඩුව අගෝස්තු 26 වැනිදා තෙක් කල් තැබීමට කොළඹ ප්‍රධාන මහේස්ත්‍රාත් ගිහාන් පිලපිටිය මහතා නියෝග කළේය.

කුරුඳුවත්ත පොලිසිය සංශෝධිත චෝදනා ගොනු කළේය.

කාංචන මාරසිංහ, හර්බට් කුමාර අලගියවන්න, රවී අබේවික්‍රම සහ ගාමිණී පුෂ්පකුමාර යන අයට තර්ජනය කර පහර දීමට හේතුව ඔවුන් 2010 ජනපතිවරණයේදී මැතිවරණ කොමසාරිස් මුද්‍රිත මාධ්‍ය සඳහා පැනවූ මාර්ගෝපදේශ අනුව ක්‍රිය කරන්නැයි රූපවාහිනියේ සභාපති හා අනෙක් අයගෙන් ඉල්ලා සිටීම බව පැමිණිලි පාර්ශවය කියති.