(ලක්මි කුඩලිගම සහ තුසිත ද සිල්වා)

කළුතර දිස්ත්‍රික්කයට බලපෑ තද  වර්ෂාවත් සමග ඇති වූ ගංවතුර හේතුවෙන් අපොස සාමාන්‍ය පෙළ විභාගයට යෑමට නොහැකිව සිටි සිසුන් පිරිසකට බෝට්ටු මගින් ගමන් පහසුව ලබාදීමට කටයුතු කළේය.

බුලත්සිංහල ප්‍රාදේශීය ලේකම් කොට්ඨාසයේ කුඩලිගම, වේයන්ගල්ල, ගල්ලක, පී ඇස් හංදිය, පරගොඩ, බුලත්සිංහල, දඹල ඇටඹ ගස් හන්දිය ඇතුළු ප්‍රදේශ කිහිපයක ප්‍රධාන මාර්ග කීපයක් ජලයෙන්වීම නිසා  ගමනා ගමන කටයුතු සම්පූර්ණයෙන් ඇනහිට ඇත. 

කුඩලිගම අගලවත්ත මාර්ගයේ කල්කඩුව ප්‍රදේශයෙන් අඩික් 4ක් පමණ ජලයෙන් යටව පැවතියේය

ඒ හේතුවෙන් කුඩලිගම මහා විද්‍යාලයේ අපොස උසස් පෙළ විභාගයට යෑමට සූදානම් වූ සිසුහු දැඩි අපහසුතාවයට පත්වූහ.

බුලත්සිංහල පරගොඩ මාර්ගයේ ගමන් ගන්නා දරුවන් ද අඟුලක් ආධාරයෙන් විභාග මධ්‍යස්ථාන කරා රැගෙන යනු ලැබීය.

කළුතර දිස්ත්‍රික්කයේ ප්‍රදේශ  මාර්ග ජලයෙන් යටවී ඇතැයි ,කළුතර ආපදා කළමනාකරණ ඒකකයේ සහකාර අධ්‍යක්ෂ කර්නල් අරවින්ද අමරසේකර මහතා අද(6) පැවසීය.

බුලත්සිංහල ප්‍රාදේශීය ලේකම් රංගන ප්‍රසාද් පෙරේරා මහතාගේ සෘජු මැදිහත්වීම මත ප්‍රදේශයේ ග්‍රාම නිලධාරීන්ගේ සාහයෙන් දරුවන් පාසල්වලට යැවීමට අවශ්‍ය කටයුතු යොදා ඇත.