පසුගිය කාලයේ දිගින් දිගටම රංගන කටයුතු නිසා කාර්ය බහුල වූ සුරූපී බොලිවුඩ් සිනමා නිළි සෝනම් කපූර් සිය පවුලේ සාමාජිකයන් සමග මීට දෙසතියකට පෙර නිවාඩුවක් ගතකිරීම සඳහා ඔස්ට්‍රියාවට පැමිණ තිබෙන බව 'සන්ටා බන්ටා' වෙබ් අඩවිය සඳහන් කර සිටියා.

කෙසේ වෙතත් ඔස්ට්‍රියාවේ ප්‍රසිද්ධ සාප්පු සංකීර්ණයේ සිරි නරඹමින් ඇවිද සිටින මොහොතක සෝනම්ගේ කකුලේ ආබාධයකට ලක්ව ඇතැයි වාර්තා වෙන්නේ. මෙම වෙබ් අඩවිය සඳහන් කරන අන්දමට සෝනම්ට ඉන් තදබල හානියක් සිදුවී නොමැති අතර, ඇය ඔස්ට්‍රියාවේ ප්‍රසිද්ධ සම්භාහන ආයතනයකට ගොස් සිය ආබාධයට ප්‍රතිකාර ගත් බවයි වෙබ් අඩිවය පවසන්නේ. මේ පිළිබඳව සිය 'ට්විටර්' වෙබ් අඩවියට සිය අදහස් පළ කරමින් සෝනම් කපූර් පවසා ඇත්තේ, ඔස්ට්‍රියාවේදී ඇතිවූ සිය ආබාධිත තත්ත්වය මේ වනවිට මුළුමනින්ම සුව අතට හැරී ඇති බවයි.