රූපවාහිනි නාලිකාවේ 'ව්‍යාපරික ලෝකය' තුලින් ඔබ හමුවට එන ඇය දිලිනි අනුත්තරාය. නිවේදනය ක්ෂේත්‍රය තුලින් ඉදිරියට යාමට බලාපොරොත්තු වන ඇය අපත් සමග මෙසේ එක්විය.

කොහොමද දිලිනි?

හොඳින් ඉන්නවා.

කොහොමද වැඩකටුයුතු?

සුපුරුදු පරිදි රූපවාහිනියේ %ව්‍යාපාරික ලෝකය^ වැඩසටහන කරගෙන ඉන්නවා.

ඊට අමරතව මුකුත් විශේෂයක් නැද්ද?

තියෙනවා. මම සැප්තැම්බර් මාසයේ මගේ එම්බී එක කරන්න සූදානමින් ඉන්නවා.

පොඩි කාලයේ ඉඳන්ම ආසාව නිවේදිකාවක් වෙන්නද?

පොඩි කාලයේ ඉඳන් එහෙම අදහසක් තිබුණේ නැහැ මට. උසස් පෙළ අවසන් කරලා උපාධියක් කරන කාලයේදී තමයි මට හිතුනේ නිවේදිකාවක් වුණොත් හොඳයි කියලා. මට මුලින්ම ආසාව තිබුණේ පුවත් නිවේදිකාවක් වෙන්න. ඒකට තමයි මුලින්ම මම උත්සහ කලේ. මම රූපවාහිනි සඳහා අයදුම් කලෙත් පුවත් නිවේදිකාවක් වෙන්න. පස්සේ මට අවස්ථාව ලැබුණේ මෙම වැඩසටහන සඳහායි.

නිවේදිනයද වෘත්තියක් වශයෙන් කරගෙන යන්න බලාපොරොත්තු වන්නේ?

වෘත්තීයක් විදිහටම නෙමෙයි. මම නිවේදිනයට ආස නිසා ඉස්සරහට යන්න බලාපොරොත්තු වෙනවා. තව මේ පිළිබඳව ගොඩක් දෙවල් ඉගෙන ගන්න ඕනා. තවමත් අපි ආධුනිකයිනේ. ඒවත් ඉගෙන ගෙන ඉස්සරහට යන්න ආසයි.

නිවේදනයෙන් සල්ලි හම්බකරන්න බලාපොරොත්තුවක් නැද්ද?

නිවේදනය කරන්නේ ආසාවෙන්. මට ව්‍යාපාරික කළමණාකරණය පිළිබඳව උපාධියකුත් තියෙනවා. මම ඉස්සරහට එම්බී එකත් කරන නිසා. ඒ පැත්තෙන් රැකියාවක් හොයාගෙන නිවේදනය විනෝදාංශයක් විදිහට කරන්න පුළුවන් වෙයි කියලා හිතාගෙන ඉන්නවා.

වෘත්තීයන් දෙකක් එකට කිරීමට හැකියාවක් ලැබෙයි කියලා හිතනවාද?

එහෙම හිතනවා. ඉස්සරහට ඒක සමබරව කරගෙන යන්න හිතනවා.

ඩිලාන් ක්‍රිෂාන්ත / ඡායාරූප - දිලිනිගේ ෆේස්බුක් ගිණුමෙන්