නවක පරපුරේ ගායකයෙකු වන රොමේෂ් සුගතපාල මේ දිනවල බොහෝ ජනප්‍රියත්වයට පත්වන්නේ "නෙතු හමුවෙලා" කියන ගීතයත් සමගයි. එම නිසා ඔහුගේ කලා කටයුතු සහ ඔහුගේ සංගීත කණ්ඩායම පිළිබඳව දැන ගැනීමට "සාරවිට" සමග එක්වූ මොහොතකි මේ.

කොහොමද මේ දවස්වල වැඩකටයුතු?

පහුගිය දවස්ටිකේ අවුරුදු නිසා සංගීත ප්‍රසංගත් එක්ක කාර්යය බහුල වුණා. තව මාසයක් දෙකක් ඇතුළත මගේ සිංදුවක් කරන්න තමයි ඉන්නේ. දැනට මගේ "නෙතු හමුවෙලා" කියන ගීතයේ ප්‍රමෝෂන් කරගෙන තමයි මේ දවස්වල ඉන්නේ. ඉතිං ඒ වගේම "රොමේෂ් විත් ටියුන්ස්" කියන සංගීත කණ්ඩායමේ අලුත් ගීතයක් එන්නයි තියෙන්නේ.

සංගීත කණ්ඩායමෙන් නිර්මාණය වන පළවෙනි ගීතය නේද?

ඔව්, සංගීත කණ්ඩායමෙන් පළමුවැනි ගීතය මෙයයි.

කොහොමද එහි වෙනස?

මගේ සංගීත කණ්ඩායම එකොස්ටික් සංගීත කණ්ඩායමක්නේ. ඒ එකෝස්ටික්ම හඬ එක්ක ලස්සන ගීතයක් තව මාස දෙකක් ඇතුළත එනවා.

කොහොම සංගීත කණ්ඩායමත් එක්ක පැමිණි දුර ගැන කතා කළොත්?

ඇත්තටම ගොඩක් සාර්ථක ගමනක් ඇවිල්ලා තියෙනවා. මම ගොඩක් සතුටුවෙනවා. මට සංගීත ප්‍රසංගවලින් ප්‍රශ්නයක් නැහැ. ඒවගේම තමයි සංගීත කණ්ඩායමටත් ප්‍රසංග තියෙනවා. නවක පරපුරේ ගායකයෙක් හැටියට මේ දෙකම පරිපාලනය කරගෙන ඉන්න පුළුවන් එක ගැන ගොඩක් සතුටු වෙනවා.

ඉදිරියේදී රොමේෂ් කියන ගායකයාද, නැත්නම් සංගීත කණ්ඩායමද මූලික ඉලක්කය?

දෙකෙන්ම ඉදිරියට යන්න තමයි බලාපොරොත්තුව. නමුත් ඉදිරියේදී කියන්න බැහැ මොකක් වෙයිද කියලා. නමුත් මං බලාපොරොත්තු වෙනවා මගේ මේ වෘත්තීන් දෙකම සමානව කරගෙන යන්න.

ඔබේ ඒක පුද්ගල ගීතය ගැන කතාකළොත්?

මගේ ගීතයක් එනවා. ඒක සඳහා පොඩි වෙනසක් හිතුවා. වෙනදා එන ෆෝ ෆෝ බීට් එක නැතුව වෙනස් ආකාරයේ ගීතයක් අපේ අයට අහන්න බලන්න පුළුවන් වෙයි.

ඩිලාන් ක්‍රිෂාන්ත