පෙට්‍රල් මිල ගණන් ගෝලීය වෙළෙඳපොලේ පෙට්‍රෝලියම් මිල ගණන්වලට සම්බන්ධ කළද, කටාර් හි පෙට්‍රල් මිල ගණන් මැයි මාසයේදීත් නොවෙනස්ව පවතිනු ඇත. කෙසේ වුවත් මැයි මාසයේදී ඩීසල් මිල ඩිරාම් 10 කින් පහළ බසිනු ඇත.

2016 වසරේ මැයි මාසයේදී ඉන්ධන මිල ගණන් සිය වෙබ් අඩවිය හරහා ප්‍රසිද්ධ කරමින් බලශක්ති සහ කර්මාන්ත අමාත්‍යාංශය ඉහත තොරතුරු අනාවරණය කර තිබේ.

අමාත්‍යාංශයට අනුව මැයි මාසයේදී ඔක්ටේන් 90 පෙට්‍රල් (ප්‍රිමියම්) ලීටරයක මිල කටාර් රියාල් 1.15 ක් වන අතර ඔක්ටේන් 97 (සුපිරි) පෙට්‍රල් ලීටරයක මිල කටාර් රියාල් 1.30 ක් වනු ඇත.

මැයි මාසයේදී ඩීසල් ලීටරයක මිල කටාර් රියාල් 1.40 ක් වන අතර එය දැනට පවතින මිල වන කටාර් රියාල් 1.50 ට වඩා ඩිරාම් 10 ක මිල අඩුවීමකි.
අමාත්‍යාංශය මීට පෙර දේශීය වෙළෙඳපොලේ ඉන්ධන මිල ගණන් ප්‍රතිව්‍යුහගත කොට එය ගෝලීය වෙළෙඳපොලේ පෙට්‍රෝලියම් නිෂ්පාදන සඳහා වන මිල ගණන් හා සම්බන්ධ කරන බවට නිවේදනය කළේය.

එක් එක් දින දර්ශන මාසයක් අවසානයට පෙර අමාත්‍යාංශයේ නිල වෙබ් අඩවියේ සහ දේශීය පුවත්පත්වල ඉන්ධන මිල ගණන් ප්‍රකාශයට පත්කරනු ඇති අතර එම මිල ගණන් ඊළඟ මාසයේ පළමු දිනයේ මධ්‍යම රාත්‍රි 12.01 න් පසුව බලාත්මක වෙයි.