මැයි දිනය නිමිත්තෙන් ප්‍රධාන දේශපාලන පක්ෂ කිහිපයක්ම මෙවර කොළඹ නගරය කේන්ද්‍ර කරගනිමින් සිය මැයි දින රැලි පැවැත්වීමට සැරසේ.

අද (1) බොරැල්ල කැම්බල් පිටියේ එක්සත් ජාතික පක්ෂ මැයි රැලිය පැවැත්වීමට මේ වන විට කටයුතු සූදානම් කරමින් පවතී. දිවයිනේ විවිධ ප්‍රදේශලින් මැයි රැලිය සඳහා ජනතාව පැමිණෙමින් සිටිති.

ඒකාබද්ධ විපක්ෂයේ මැයි රැලිය කිරුළපන ලලිත් ඇතුලත්මුදලි ක්‍රීඩාංගණයේ දී පැවැත්වීමට මේ වන කටයුතු සූදානම් කර ඇති අතර වේදිකා ඉදිකර සැරසිලි කටයුතු කරන ආකාරය දැකිය හැකි විය.

ජනතා විමුක්ති පෙරමුණ ද සිය මැයි දින රැලිය නිමිත්තෙන් කොළඹ තිඹිරිගස්යායේ සියලු කටයුතු සූදානම් කැර ඇත.

පෙරටුගාමී සමාජවාදී පක්ෂය සිය මැයි දින රැලිය කොළඹ පිටකොටුවේ පැවැත්වීමට නියමිත අතර ඒ සඳහා දැවැන්ත වේදිකාවක් ඉදිකර සැරසිලි කටයුතු සිදුකරමින් පවතී.

මැයි දින රැලි පැවැත්වෙන සෑම ස්ථානයකම ආරක්ෂාව සඳහා පොලිස් නිලධාරීන් රැසක්ම යොදවා ඇති අතර කොළඹට පැමිණෙන රථවාහන සඳහා අද පස්වරුවේ විශේෂ රථවාහන සැලැස්මක්ද ක්‍රියාත්මක කිරීමට නියමිතය.