ලෝක වෙළඳපොලේ බොරතෙල් බැරලයක මිල නැවතත් ඉහළ ගොස් ඇති බව විදෙස් මාධ්‍ය වාර්තා කරයි. 

පසුගිය 15 වෙනි දින බොරතෙල් බැරලයක මිල ඇමෙරිකා ඩොලර් 97.3 දක්වා පහත වැටී තිබුණත් අද (21) නැවතත් ලෝක බොරතෙල් වෙළඳපොළේ බොරතෙල් බැරලයක මිල එක්සත් ජනපද ඩොලර් 111 දක්වා ඉහළ ගොස් ඇත.

රුසියානු බලශක්ති නිෂ්පාදනවලට බටහිර රටවල් පනවන සම්බාධක සහ යෙමනයේ හවුති කැරලිකරුවන් සෞදි අරාබියේ බොරතෙල් අංගනයකට එල්ල කළ ප්‍රහාරය හේතුවෙන් මෙසේ නැවත බොරතෙල් මිල ඉහල යන්නට ඇතැයි විශ්ලේෂකයෝ පවසති.

ශ්‍රී ලංකා වේලාවෙන් 12.55ට බ්‍රෙන්ට් කෘඩ් බොරතෙල් බැරලයක මිල එක්සත් ජනපද ඩොලර් 111.2 වූ අතර ඩබ්ලිව්.ටී.අයි බොරතෙල් බැරලයක මිල එක්සත් ජනපද ඩොලර් 108.3 වූහ.

(034)