මැදිරිගිරිය විහාරගම මීගස්වැව නිවසකදී පොළට යාමට එළවළු සූදානම් කරමින් සිටි පුද්ගලයකු (62) කැත්තකින් කොටා මරා දමා ඇතැයි පොලිසිය පවසයි.

සැකපිට අසල්වාසියකු (46) අත්අඩංගුවට ගෙන ඇත.

ඇල්පිටිය ඕමත්ත දීගල හන්දියේදී බ්‍රහස්පතින්දා (16) රාත්‍රී ඇතිවූ ආරවුලකදී පිපිරීමක් සිදුව ඇති බවත් තුවාල ලැබූ අයකු රෝහල්ගත කළ බවත් පොලිසිය කියයි.

පානදුරින්, වාද්දුවෙන් හා වැල්ලවත්තෙන් රුපියල් දෙකෝටියකට වැඩි වටිනාකමකින් යුත් හෙරොයින් මත්කුඩු සොයාගත් බව පොලිසිය කියයි.

පානදුරින් රුපියල් ලක්ෂ 30ක මත්කඩු සොයාගැනීමට පානදුර නීති කොට්ඨාස බල ගැන්වීමේ ඒකකය සමත්ව ඇත. කළුතර දිසා අපරාධ ඒකකය වැල්ලවත්තෙන් මත්කඩු ග්‍රෑම් 215ක් සොයාගෙන ඇති අතර එහි වටිනාකම රුපියල් එක්කෝටි අසූ ලක්ෂයක් පමණ වෙතැයි කියති.

ඡායාරූප - බිමල් ශ්‍යාමන් ජයසිංහ