2025 ජුලි මස 12 වන සෙනසුරාදා
2025 ජුලි මස 12 වන සෙනසුරාදා
(මොහොමඩ් ආසික්)
මහනුවර ශ්රී දළදා මාළිගාව වෙත පැමිණෙන දෙස් විදෙස් බැතිමතුන් සියලු දෙනාට කොරෝනා වයිරසයෙන් ආරක්ෂා වීම සඳහා විශේෂ ආරක්ෂිත වැඩපිළිවෙළක් සකස් කර ඇති බව ශ්රී දළදා මාළිගාවේ දියවඩන නිළමේ ප්‍රදීප් නිලංග දෑල මහතා අද (14) පැවති මාධ්‍ය හමුවකදී ප්‍රකාශ කළේය.
එහිදී දියවඩන නිළමේ ප්‍රදීප් නිලංග දෑල මහතා තව දුරටත් ප්‍රකාශ කළේ මෙම පහසුකම අදියර තුනකදී ලබා දී ඇති බවත් එහි පළමු අදියර වශයෙන් ශ්රී දළදා මාළිගාවට ඇතුළු වන සියලු දෙනාගේ දෑත් දෝවනය කර ගැනීමට සහ මුහුණ සෝදා ගැනීමට අවශ්‍ය පහසුකම් ලෙස ජලය, විෂබීජ නාශක සහ සබන්වැනි දෑ පළමු අදියර වශයෙන් සපයා ඇති බවත්, දෙවැනි අදියර වශයෙන් දේශිය වෛද්‍ය වට්ටෝරුවක් අනුව නිෂ්පාදනය කරනු ලැබූ විෂබීජ නාශකයක් අවශ්‍යතාවය පරිදි ලබා දෙන බවත් කීය. මෙමගින් අවශ්‍ය නම් මුහුණ පවා පිරිසිදු කරගැනීමට හැකි බවද දියවඩන නිලමේ තුමන් කීය.
මාළිගාව තුලට දානමාන රැගෙන යන සියලු බැතිමතුන්ටත් මේ අවස්ථාව සලසාදී තිබෙන බවත් දියවඩන නිළමේ නිලංග දෑල මහතා පැවසීය.
තෙවැනි අදියර වශයෙන් දළදා මාළිගා පරිශ්‍රය තුළ රැඳිසිටින විශාල බැතිමතුන් පිරිසක් සිටින බවත් ඒ නිසා දේශීය පැරැණි බෙහෙත් වට්ටෝරුවකට අනුව නිෂ්පාදනය කර දූමායනයක් මුළු දළදා මාළිගාව පරිශ්‍රය තුළම සිදුකරන බවත් කීය. මෙවන් කටයතු මගින් දළදා මාළිගා පරිශ්‍රයේ සියලු බැතිමතුන්ට බියෙන්, සැකයෙන් තොරව වන්දනාමාන කිරීමට හැකි පරිදි විශේෂ අවධානය යොමු කර සකස් කර ඇති බවත්, දළදා මාළිගාවට පැමිණෙන සියලු බැතිමතුන්ට බියෙන් සැකෙන් තොරව දළදා වහන්සේ වැඳපුදාගන්න අවස්ථාව ඇති බවද දියවඩන නිළමේ ප්‍රදීප් නිලංග දෑල මහතා මෙහිදී තව දුරටත් කීය.
2025 ජුලි මස 04
304
0
ශ්රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර
2025 ජුලි මස 01
829
1
ශ්රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික
2025 ජුනි මස 26
1259
0
එදා මෙදාතුර ශ්රී ලාංකීය දේපල වෙළදාම් ක්ෂේත්‍රයේ දැවැන්තම සහ අති සුඛෝපභෝගී නිවාස සංකීර්ණ ව්‍යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම
දළදා මාලිගාවේ විශේෂ සෞඛ්‍ය ආරක්ෂිත වැඩපිළිවෙළක්
Sanath Kandy Saturday, 14 March 2020 10:45 AM
හැම කෙනෙකුගේම ශරීර උෂ්ණත්වය පරීක්ෂා කර ඇතුල් කරගත යුතුයි. මෙය පහසුවෙන් කළ හැකි දෙයක්.
mahesh Saturday, 14 March 2020 12:29 PM
ඔය ඉංග්‍රීසි බෙහෙත් වැඩක් නැහැ. මේ ලෙඩවලට සිංහල බෙහෙත් තමයි හොඳ. අනිත් එක පිරිත් කියන එක... පිරිත් වලට ඕන ලෙඩක් නැතිවෙනවා. ඒ නිසා හැමෝම බුදු බණ අහලා පිරිත් නූල් බැඳගන්න.
Champa Saturday, 14 March 2020 01:23 PM
පන්සල නිතරම ජනතාව එක්ක ඉන්නවා කියලා දළදා මාලිගාවෙන් දීලා තියෙන පණිවුඩය ඉහලින්ම අගය කරනවා. රටටත් ජනතාවටත් ප්‍රශ්නයක් ආවහම පැනලා දුවන්නේ හෝ පන්සලේ දොරවල් වහන්නේ නැතුව දළදා මාලිගාවට එන දෙස් විදෙස් ජනතාවට කොරෝනා රෝගයෙන් වළකින සෞඛ්‍ය ආරක්ෂක විධි සලස්වා තියෙන එක ගැන සිංහල බෞද්ධයෙක් විදිහට ආඩම්බර වෙනවා. අපේ දේශීය බෙහෙත් වර්ග වලින් ඕනෑම බෝවෙන රෝගයක් පැතිරීම වලක්වා ගන්න පුළුවන්. දේශීය පැරැණි බෙහෙත් වට්ටෝරුවකට අනුව හදපු මේ විශේෂ දුම්කුඩු වර්ගයත් ටිකක් හරි මිනිස්සුන්ට ගන්න තියෙනව නම් හොඳයි. කොහොඹ කොළ දුම් නම් ගෙවල් වලත් අල්ලනවා විෂබීජ නැති කරන්න.
Asela Saturday, 14 March 2020 02:47 PM
බෞද්ධයන්ගේ මුදුන් මල්කඩ වූ ශ්රී දළදා වහන්සේව ආරක්ෂා කර ගැනීමට නම්, දානමාන රැගෙන එන බැතිමතුන් හා මාලිගාව තුළ තේවාවන් සිදුකරන අයවලුන් හැර පිටතින් පැමිණෙන ශ්රී ලාංකිකයන්ට හා විදේශිකයන්ට යම්කිසි කාලසීමාවක් වසාදමන්නේ නම් කාලෝචිතය යනු මගේ හැගීමයි. ලෝකයේ හා අප රටේ ඇතිවී තිබෙන අවදානම් තත්වය සෑම තිබෙන බෞද්ධයෙකුම තේරුම් ගනිත්වා !
Rasika Saturday, 14 March 2020 04:59 PM
එයට වඩා මිනිස්සු එනඑක නවත්වමු. මේ දවස් වල ගෙදර ඉඳලා බුදුන් වඳිමු.