(දයාරත්න ඇඹෝගම,බී.ජී.චතුරංග සහ ඉන්දිකා රාමනායක)

අනුරාධපුර නියෝජ්‍ය පොලිස්පති කාර්යාලයේ ගබඩාවක තිබු  පතුරම් හා යකඩ තොගයක් ව්‍යාපාරිකයකුට විකුණු බව කියන එම කාර්යාල කාර්ය සහායකයකු  අත්අඩංගුවට ගත්බව අනුරාධපුර පොලිසිය කියයි.

මෙසේ අත්අඩංගුවට ගෙන ඇත්තේ අනුරාධපුර නියෝජ්‍ය පොලිස්පති කාර්යාලයේ සේවය කරන ශ්‍රාවස්තිපුර පදිංචි 47 හැවිරිදි පුද්ගලයෙකි.

සැකකරු අනුරාධපුර ජයන්ති මාවතේ පිහිටි පරණ යකඩ බඩු කඩයකට කිලෝ හතරක් බරැති යකඩ තොගයක් විකුණා රැපියල් 320.00 මුදලක් එම යකඩ බඩු කඩයේ අයිතිකරු ගෙන් ලබාගෙන තිබු බව පොලිසිය කියයි.

පසුව එම යකඩ බඩු කඩයේ අයිතිකරු  කාර්යාල කාර්ය සේවකයා  අලෙවි කළ යකඩ බඩු පරික්ෂා කිරිමේදි එම යකඩවලට අතර මලකඩ කන ලද ටි 56 වර්ගයේ පතුරම් 54 ක් එල්එම්ජි වර්ගයේ ගිනි අවි සදහා භාවිතා කරන පතුරම් 04 ක් සහ  මැගසින් 03ක් හමුවි තිබේ.

ඒ අනුව එම පරණ යකඩ මිලදිගත් ව්‍යාපාරිකයා  ඒ සම්බන්ධයෙන් අනුරාධපුර පොලිසියට කළ පැමිණිලක් මත සැකකරු අත්අඩංගුවට ගෙන ඇත.