ශ්‍රී ලාංකික බොලිවුඩ් නිළිය වන ජැකලින් ෆර්නැන්ඩස් දැන් සමාජ සේවයට යොමු වුණේ සල්මන් ඛාන් සමග බව බොහෝ දෙනා දන්නා කරුණකි. පසුගිය කාලයේ චෙන්නාය නුවරදචී ඇතිවූ ගංවතුර ගැලීමෙන් මේ ජනතාවගේ නිවාස රැසක් විනාශ වී ගියා. ජැකලින් මේ අහිංසක ජනතාවගේ නිවෙස් අලුත්වැඩියා කර දීමේ වැඩසටහනකට මුල පිරුවා. මේ කටයුතු ඇයට සාර්ථකව කරගෙන යන්නට හැකි වුණේ ඇමෙරිකානු රාජ්‍ය නොවන සංවිධානයක් වන ‘හැබිටාට් ෆෝ හියුමැනිටි’ සමඟ එක්වී සිටීම නිසයි.

ජැකලින් මෙවැනි සමාජ සේවා කටයුතුවලට දක්වන උනන්දුව නිසාදෝ ඇයට යුරෝපා පාර්ලිමේන්තුවෙන් ඇරයුමක් ලැබී තිබුණා. බ්‍රසල්ස් නුවර පිහිටි යුරෝපා පාර්ලිමේන්තුව ඇමතීමටයි. මේ ගෞරවනීය අවස්ථාවට ඇය පසුගියදා දිනෙක සහභාගී වූ අතර, ඇය එදින විශේෂ දේශනයක් පැවැත්වූ බවයි ආරංචි. යුරෝපා පාර්ලිමේන්තු මන්ත්‍රීවරුන්, ඉහළ පෙළේ ප්‍රතිපත්ති සම්පාදකයන්, තානාපතිවරුන්, සමාජ සේවා සංවිධාන නියෝජිතයන් සහ මාධ්‍යවේදීන් ජැකලින්ගේ දේශනය අහන්නට පැමිණ සිටියා. එම දේශනයේ මාතෘකාව වූයේ නිවාස සහ මානව සංවර්ධනයයි.