චීනයේ සිට පැමිණි 141 ක් ගෙදර යවති

(ටී.කේ.ජී.කපිල )

චීනයේ සිට පැමිණි ගුවන් යානා තුනකින් ශ්‍රී ලාංකික ගුවන් මගීන් 141 ක් කටුනායක ගුවන් තොටුපළට ඊයේ (1) සහ අද (2) අලුයම පැමිණ තිබේ .

ඔවුන් අතර චීනයේ උසස් අධ්‍යාපනය හැදෑරීම සදහා ගොස් සිටි සිසුන් ද වන බව කටුනායක ගුවන් තොටුපළ කාර්යය භාර නිලධාරීවරයා සදහන් කළේය .

අද (02 ) ශ්‍රී ලන්කන් ගුවන් යානා දෙකක් වන අලුයම 4.55 ට ග්වැන්ෂෝ සිට පැමිණි යූ.එල්.- 881 දරන ගුවන් යානයෙන් 63 ක් සහ අලුයම 5.40 ට බෙයිජිං සිට පැමිණි යූ.එල්.- 869 දරණ ගුවන් යානයෙන් 77 ක් ද ඊයේ (01) රාත්‍රී 8.45 එයා චයිනා ගුවන් සේවයට අයත් චෙංඩු සිට පැමිණි සී.ඒ.- 425 දරන ගුවන් යානයෙන් එක් අයෙකු ද සියලුම ශ්‍රී ලාංකික ගුවන් මගීන් 141 ක් චීනයේ සිට කටුනායක ගුවන් තොටුපළ වෙත පැමිණ තිබිණි .

ඔවුන් සියලු දෙනා ගුවන් තොටුපළ සෞඛ්‍ය වෛද්‍ය ඒකකයේ වෛද්‍යවරු පරීක්ෂා කර කොරෝනා වෛරස ආසාදිත රෝග ලක්ෂණ නොවූයෙන් , ඔවුන්ගේ නිවෙස් වෙත පිටත් කර හැර තිබේ.

අදහස් (7)

චීනයේ සිට පැමිණි 141 ක් ගෙදර යවති

ලුම්බිණි Sunday, 02 February 2020 08:23 AM

දවස් 14ක් බලන්න ඕන නැද්ද?

: 0 102

RD Sunday, 02 February 2020 08:29 AM

ඔවුන්ව දින 14 චොරින්ටින් කළ පසු ගියාට ප්‍රශ්නයක් නැහැ... නමුත් දැන් ඔවුන් කී දෙනෙක් අාසාදනය වෙලාද දන්නේ නැහැ.

: 0 130

Akila Sunday, 02 February 2020 08:42 AM

රෝග ලක්ෂණ මතුවෙන්න දවස් 14 යනවනේ..., අඩුම ගානේ මේ ගොල්ලන්ට දවස් 14ක් යනකන් මුඛ ආවරණ දාගෙනවත් ඉන්න කියන්න. (ලෙඩේ තිබ්බොත් අනිත් අයට බෝවෙන එක අඩු කරන්න..)

: 0 87

gamage Sunday, 02 February 2020 09:11 AM

සියලු දේ මාකටින් සඳහා පමණි.. විද්වතුන් රඟපාන අතර, නළුවන් විද්වතුන් මෙහෙයවයි.

: 0 60

rohana kumara mendis Sunday, 02 February 2020 09:39 AM

එහෙනම් තව කට්ටියක් මොකටද අර දියතලාවේ යැව්වේ සති දෙකකට කියලා...

: 1 65

සමන්තMonday, 03 February 2020 10:43 AM

දියතලාවට යැව්වේ කොරෝනා ආසාධිත ප්‍රදේශවලින් ආපු ළමයි මිසක් ෂැන්හයි, බීජිං වලින් ආපු අය නෙමේ... චීනය කියන්නේ ලොකු රටක්.. දෙකෙළවරට යන්න දවස් ගාණක් යනවා..

: 0 0

පිටිගල මිලානෝ Sunday, 02 February 2020 12:02 PM

මොකක්ද මේ රටේ ප්‍රමිතිය? ගුවන් යානයක් යවා ගෙනාපු 33 දෙනා ගෑස් මුහුණු දාලා අඬබෙර ගහලා හමුදා කඳවුරකට යැව්වා. රටට බරක් නොවී චීනෙන් ආපු වීර ළමයි හොරෙන්ම ගෙවල්වලට යැව්වා. හේතුව, ආණ්ඩුවට ඒ අයගෙන් වීර නාටකයක් පෙන්නන්න බැරි නිසා සහ ප්ලේන් යවලා කරපු වීරකම බින්දුවට බහින නිසා.

: 28 36