(බිමල් ශ්‍යාමන් ජයසිංහ)

හොරණ ගල් ඒදඩු ගොඩ දෙමහල් නිවසකට ඇතුළු වී රුපියල් ලක්ෂ දහයකට ආසන්න ඇපල් වර්ගයේ ලැප්ටොප් පරිගණකයක් සහ තවත් දේපල රැසක් සොරාගත් කායවර්ධන උපදේශකවරයකු පිලියන්දල දි අත්අඩංගුවට ගත් බව හොරණ මූලස්ථාන පොලිසිය කියයි.

සැකකරු සමඟ එම නිවසින් සොරාගත් ඇපල් වර්ගයේ ලැප්ටොප් පරිගණක, අයි පෑඩ් එකක්, ඩිජිටල් පෑනක් ,ටැබ් එකක් ඇතුළු තවත් විදුලි උපාංග කීපයක් පොලිස් බාරයට ගෙන ඇත.

මීට දින කිහිපයකට ඉහත දී සැකකරු දෙමහල් නිවසේ ජනේල වල යකඩ ග්‍රිල් ගලවාගෙන නිවසට ඇතුළු වී මෙම සොරකම සිදුකර තිබූ අතර ඒ සම්බන්ධයෙන් ලද තොරතුරකට අනුව සැකකරු අත්අඩංගුවට ගෙන ඇත.

අත්අඩංගුවට ගත් සැකකරු හොරණ මහේස්ත්‍රාත් අධිකරණය වෙත ඉදිරිපත් කිරීමට නියමිතය.