කලාවට සම්බන්ධ ජනප්‍රිය කැමරා ශිල්පියෙක් පසුගිය දවසක තනි සපත්තුවකුත් එල්ලගෙන බණ්ඩාරගම පැත්තෙ ඇවිදගෙන යනවා කට්ටිය දැකලා තියෙනවා.

"මොකද්ද බං සින්ඩ්‍රෙල්ලාගෙ චරිතය බාරගත්තද? කියලා මඟදි හමුවුණ මිත්‍රයෙක් අහලා. එතකොට තමයි ඔහු කතාව පැහැදිලි කරලා තියෙන්නෙ.

"මාර වැඩක්නෙ මචං. අපි හැමෝම සපත්තු සෙරෙප්පු ගලවලා තියෙන්නෙ ඉස්තොප්පුව එළිය ගෙට ඇතුළුවෙන තැන අයිනක. ගිය සතියෙ මගෙ කළු සපත්තු ජෝඩුව නැතිවුණා. හැම තැනම හොයලා බැලුවට ලැබුණෙ නැහැ. අද උදේ නැගිටලා බලද්දී මගේ දුඹුරු සපත්තු ජෝඩුවෙන් එකක් නැහැ. මම මේ යන්නේ බල්ලෙක්වත් අරගෙන ගිහින්ද කියලා බලන්න. දැන් ඉතින් සෙරෙප්පු තමයි දාගෙන එළියට යන්න වෙන්නෙ.* ඔහු කාණු, බොක්කු අස්සෙන් විපරම් කරමින් කිව්වලු.

"හොරෙක්ද දන්නෙ නෑනේ?" "පිස්සුද මචං එහෙනං තනි කකුල් හොරෙක් වෙන්නැති. අනික ගෙදර හැමෝගෙම සපත්තු සෙරෙප්පු තියෙන්දී මගේ විතරක් හොරකම් කරන්න. මම අදම යනවා මේකට විසඳුමක් හොයන්න."

"කොහෙද යන්නෙ පොලීසියටද?"

"නෑ බං කොළඹ, තව අලුත් සපත්තු ජෝඩුවක් ගන්න. හැබැයි ඒක නම් මළත් එළියෙ තියන්නෙ නෑ" ඔහු කිව්වලු.