2025 මැයි මස 04 වන ඉරිදා
( තිළිණි ද සිල්වා සහ රංජන් කටුගම්පොළ)
ඇවන්ට්ගාඩ් සමාගමේ සභාපති නිශ්ශංක යාපා සේනාධිපති සහ විශ්‍රාමික යුද හමුදා මේජර් ජෙනරාල් පාලිත ප්‍රනාන්දු යන මහත්වරුන්ට එරෙහිව අල්ලස් කොමිසම විසින් කොළඹ මහාධිකරණය හමුවේ ගොනුකළ නඩුව විභාග කිරීම අත්හිටුවමින් අභියාචනාධිකරණය අද (31) අතුරු නියෝගයක් නිකුත් කරනු ලැබීය.
අල්ලස් හෝ දූෂණ විමර්ශන කොමිෂන් සභාව විසින් තමාට එරෙහිව කොළඹ මහාධිකරණය හමුවේ පවරා තිබූ නඩුව නඩුව විභාගයට ගැනීමට ගත් තීන්දුව අත්හිටුවන නියෝගයක් නිකුත් කරන්නැයි ඉල්ලා “ඇවන්ට් ගාඞ්” සභාපති නිශ්ශංක සේනාධිපති මහතාට සහ “රක්නා ලංකා” සභාපති විශ්‍රාමික මේජර් ජනරාල් පාලිත ප්‍රනාන්දු මහත්වරුන් ගොනු කළ ප්‍රතිශෝධන පෙත්සමක් සලකා බැලීමෙන් පසුව කුමුදුනි වික්‍රමසිංහ දේවිකා අබේරත්න යන මහත්මීන් ගෙන් සමන්විත අභියාචනාධිකරණ විනිසුරු මඩුල්ල විසින් මෙම අතුරු නියෝගය නිකුත් කරන ලදී.
ඒ අනුව පෙත්සම විභාග කිරීමට අවසර දුන් අභියාචනාධිකරණ විනිසුරු මඩුල්ල එම පෙත්සම සම්බන්ධයෙන් සැප්තැම්බර් මස 02 වන දා අධිකරණය හමුවේ කරුණු දක්වන ලෙස දන්වා අල්ලස් කොමිසම වෙත නොතීසි නිකුත් කෙරිණි.
ෙ‘ඇවන් ගාඞ්” සභාපති නිශ්ශංක සේනාධිපති මහතාට සහ “රක්නා ලංකා” සභාපති විශ්‍රාමික මේජර් ජනරාල් පාලිත ප්‍රනාන්දු මහත්වරුන් අභියාචනාධිකරණය හමුවේ ගොනු කළ මෙම ප්‍රතිශෝධන පෙත්සමේ වගඋත්තරකරුවන් වශයෙන් අල්ලස් හෝ දූෂණ විමර්ශන කොමිෂන් සභාව , එහි අධ්‍යක්ෂ ජනරාල් , නීතිපති ඇතුළු පිරිසක් නම් කරනු ලැබ සිටිති.
ොලංකාව අවට මුහුදේ ‘පාවෙන අවි ගබඩාවක්’ පවත්වාගෙන යෑමට කටයුතු සළසා දීම සඳහා රුපියල් ලක්ෂ 355ක මුදලක් තුටු පඩුරක් ලෙස පිරිනැමීමෙන් හා එම මුදල ලබා ගැනීමෙන් අල්ලස් පණතේ දුෂණය නමැති වරද සිදුකළ බවට “ඇවන්ට් ගාඞ්” සභාපති නිශ්ශංක සේනාධිපති මහතාට සහ “රක්නා ලංකා” සභාපති විශ්‍රාමික මේජර් ජනරාල් පාලිත ප්‍රනාන්දු මහතාට එරෙහි නඩුව සම්බන්ධයෙන් විත්තියෙන් ඉදිරිපත් කළ මුලික විරෝධතාවය ප්‍රතික්‍ෂෙප කළ කොළඹ මහාධිකරණ විනිසුරු චම්පා ජානකී රාජරත්න මහත්මිය එම නඩුව ජුනි මස 04 වැනිදා පටන් විභාග කිරීමට ඉකුත් දා තීරණය කළාය.
අල්ලස් කොමිෂන් සභාවේ සියළු කොමසාරිස්වරුන්ගේ ලිඛිත අවසරයකින් තොරව විත්තිකරුවන්ට එරෙහිව මෙම නඩුව පවරා ඇති හෙයින් විත්තිකරුවන්ට එරෙහිව චෝදනා ගොනු කළ ආකාරය වැරදි බවටත් ඒ අනුව මෙම නඩුව පවත්වාගෙන යෑමට හැකියාවක් නොමැති බවටත් තම නීතීඥවරුන් ඉදිරිපත් කළ මුලික විරෝධතාවය ප්‍රතික්ෂේප කිරීම නීතිවිරෝධී බවට ප්‍රකාශ කරන ලෙසත් , තමන්ට එරෙහිව කොළඹ මහාධිකරණය හමුවේ පැවැත්වෙන නඩු විභාගය අත්හිටුවන්නැයිද පෙත්සම්කරුවෝ සිය ප්‍රතිශෝධන පෙත්සමින් ඉල්ලා සිටිති.
පෙත්සම්කාර නිශ්ශංක සේනාධිපති සහ විශ්‍රාමික මේජර් ජනරාල් පාලිත ප්‍රනාන්දු මහතා වෙනුවෙන් නීතීඥ ඉරාජ් ද සිල්වා සහ නීතීඥ හරිත් හෙට්ටිආරච්චි යන මහත්වරු පෙනී සිටියහ.
ගල්කිස්ස හුළුදාගොඩ පාළු ඉඩමකදි තියුණු ආයුධ වලින් පහරදී පුළුස්සා පුද්ගලයෙකු ඝාතනය කිරීමේ සිද්ධිය සම්බන්ධයෙන් පුද්ගලයන් තිදෙනෙකු අත්අඩංගුවට ගත් බව
ජනාධිපති අනුර කුමාර දිසානායක මහතා වියට්නාමයේ රාජ්‍ය සංචාරයක් සඳහා දිවයිනෙන් පිටත්ව යාම හේතුවෙන් අමාත්‍යාංශ 4ක් සඳහා වැඩබලන අමාත්‍යවරුන් පත් කර තිබේ.
දකුණු පළාතේ රාත්‍රී සාද සඳහා මත්ද්‍රව්‍ය සැපයීමේ යෙදුණු ජාත්‍යන්තර පාසලක ගුරුවරයෙක් රුපියල් ලක්ෂ 2 කට අධික වටිනා අයිස් මත්ද්‍රව්‍ය තොගයක් සමග අත්අඩං
ජාතික ජන බලවේගයෙ මැයි දින රැළියට පැමිණ නැවත යන ගමනේදී දක්ෂිණ අධිවේගී මාර්ගය අයිනේ බස් රථ නවතාගෙන සිටි රියැදුරන්ටත් ඊට සයෝගය දුන් කණ්ඩායම් වලටත් ඒ සිදු
ජපාන ආරක්ෂක අමාත්‍ය ජෙනරාල් නකටානි මහතා අග්‍රාමාත්‍ය ආචාර්ය හරිනි අමරසූරිය මෙනෙවිය අරලියගහ මන්දිරයේදී අද (4) හමුවිය.
රට පුරා කෙරුණු වැඩවර්ජන වලින් පසුගිය වසර දහයක කාලයේදී රුපියල් කෝටි 300කට වැඩි පාඩුවක් සිදුව ඇතැයි අලුත්ම සංඛ්‍යා ලේඛනවලින් පෙනී යන බව පේරාදෙණිය විශ්වව
2025 අප්‍රේල් මස 29
623
1
රටක් දියුණු වීමට නම්, ජනතාව තුළ නිවැරදි මුල්‍ය සාක්ෂරතාවක් පැවතීම අනිවාර්ය වේ. එමෙන් ම මුදල් ඉතිරි කිරීම හා ආයෝජනය කිරීම පිළිබඳ දැනුම මෙන් ම අදාළ ක‍්‍ර
2025 අප්‍රේල් මස 29
157
0
අසරණභාවයට පත් වැඩිහිටි පුද්ගලයන් ගේ ජීවිතවලට ආලෝකයක් ගෙන දෙන HelpAge Sri Lanka ආයතනය, HelpAge අක්ෂි රෝහල සඳහා අරමුදල් රැස් කිරීමේ අරමුණින් Symphony of Hope නමින් විශේෂ පුණ්‍ය ප
2025 අප්‍රේල් මස 18
1183
0
2007 නොබෙල් සාම ත්‍යාගයේ (උප සභාපති, IPCC) සම-ජයග්‍රාහකයා සහ 2021 බ්ලූ ප්ලැනට් ත්‍යාගලාභී මොහාන් මුණසිංහ මහතා, 2025 අප්‍රේල් 13-14 දිනවල ඩුබායි හි පැවති ගෝලීය නොබෙල් ස
ඇවන්ට්ගාඩ් සභාපතිට - පාලිත ප්‍රනාන්දුට එරෙහි අල්ලස් නඩුව අත්හිටුවීමට නියෝග
Naushi Friday, 31 July 2020 06:34 AM
ඊළඟට දුමින්ද සිල්වා නිදොස් කොට නිදහස් කරනු ලැබෙයි.
ranjithSaturday, 01 August 2020 01:00 AM
මේ සෙට් එක බේරගන්න 2/3 දෙමු. මේක තමයි ඉන්න හිතෙන රට....
විපරමා Saturday, 01 August 2020 12:22 PM
චොකා මල්ලිවත් නිදහස් කරයි.
de silva Friday, 31 July 2020 06:36 AM
හොරු රකින විරුවෝ...
rana Friday, 31 July 2020 06:49 AM
වෙන දෙයක් බලාගෙන සිටි අය අත් උස්සන්න !! කවුරු අාවත් ඔච්චර තමයි ! අනාගත පරපුර ගැන තද දුකක්, වේදනාවක් දැනෙනවා...
විජිත් Friday, 31 July 2020 09:25 AM
rana , එහෙමම හිතන්න එපා, හැමතිස්සෙම බලාපොරොත්තුවට ඉඩ දීලා බලාගෙන ඉන්න, දුක් වේදනා විඳ දරාගනිමින්. දවසක..අනාගතයේ දවසක ..." මහජනයා අතරින්ම නැගෙන මහා විප්ලවයකින් " මේ සියල්ලම වෙනස් වේවි. එය ජවිපෙ කළා වගේ විප්ලවයක් නොවේවි. ප්‍රචණ්ඩ ලේ හලන නොනැවැත්විය හැකි, දුක් පීඩා විඳපු ජනතාවගේ නැගිටීමක් වේවි. අවසානයේදී පොලිසිය, හමුදාව.. සියලුම ආරක්ෂක අංශ ඒ අයට සහාය දේවි. එදාට අවුරුදු 72 ක් පුරාවට අපේ රට විදේශයන්ට විකුණාගෙන කාපු, අමන, හොර, දුෂිත දේශපාලුවන්, ඔවුන්ගේ දරුවන්, දරුවන්ගේ දරුවන් සියලුදෙනාම මහජනතාවගෙන් මහපාරේදීම මැරුම් කාවි. කර්මය මේ ආත්මයේදීම පලදෙනවා. ඒ කාලය කවදාද කියන එක මට හරියට කියන්න බැහැ. සමහරවිට තව අවුරුදු 5න් 10 න් එහෙම නැතිනම් තව දවස් 5න් 10න් වෙන්නත් බැරි නැහැ. ලෝකය කැරකෙනවා. ආයෙත් හිටපු තැනටම එනවා. එහෙම දවසක අලුත් රටක්, වාසනාවන්ත රටක් උදාවෙනවා බලන්න මටත් ආයුෂ තිබුණොත් මම මේ ලෝකයේ සිටින වාසනාවන්තම මිනිසා වේවි.
ranaFriday, 31 July 2020 10:21 AM
කාසිවලට යටවී සිටින මෝඩ, උද්ද්ච්ඡ, එකිනෙකට නැති සිහලුන්ට මොන විප්ලවද විජිත්? නැත්නම් ලේ සෙලවීමෙන් තොර වෙනසක් කරගත හැකිනේ...
lalithmSaturday, 01 August 2020 06:27 AM
කාසි පමණක් නොවෙයි.. මේ යක්කු පිටුපස සිටින දේශපාලුවන් විසින් මෙහෙයවන බව සිංහලයින් තේරුම් ගන්න තාක් මෙම සුදුකරපටි ධාරි හොරුන්ගෙන් රටට වන හානිය වළකාගන්න බැහැ.
pradeepa Friday, 31 July 2020 06:56 AM
අදා හොරු, අද බෝධිසත්වයෝ වෙනවා... මාර රටක්... මාර නීතියක්.. අනේ අපිට යන්න හිතෙන රටක් වෙලා.
kamal Friday, 31 July 2020 07:53 AM
දැන් මේ නඩුව අත්හිටවූ නිසා පාඨලීගේ නඩව නිදහසේ අහන්න පුළුවන්. සාදු සාදු...!!!
sachin Friday, 31 July 2020 08:05 AM
පොල් ගෙඩියක් අඹ ගෙඩියක් නම්, කේස් එක ලොකුවටම යයි. ගාණ ලොකුයිනේ. ඉතින් සාක්ෂි නැහැ.
SARATH SILVA Friday, 31 July 2020 08:52 AM
හොරු නිදහස් වෙනවා. මේක අරුම පුදුම රටක්නේ... නීතිය රකින විරුවන්ගේ රෙද්ද පල්ලෙන් බේරෙනවා.
විජිත් Friday, 31 July 2020 09:09 AM
ශ්‍රී ලංකාවේ ඇති අමන දූෂිත දේශපාලනයටම ගැලපෙන අමන නීති පද්ධතියත්... පාලකයින්ට කොන්ද නමන විනිශ්චයකාරවරුන්, වරියන් මේ රටේ සිටින තාක්කල් දූෂිතයින් හැමදාම නීතිය සමග සෙල්ලම් කරමින් යහතින් වැජඹේවි. හොරා හොරකම් කරලා පොලිසියට අහුවුණාම.. හොරා උසාවියට කියනවා "අනේ ස්වාමිනි.. මාව අත්අඩංගුවට ගන්න එපා කියලා පොලිසියට කියන්න" කියලා. එවිට නඩුකාරයා පොලිසියට කියනවා " විත්තිකරු අත්අඩංගුවට ගන්න එපා" කියලා. මේ වගේ අමන, අසික්කිත නීති තියෙන එකම රට ශ්‍රී ලංකාව පමණයි. කොටින්ම රටේ ජනාධිපතිත් අවුරුද්දකට පමණ ඉහතදී නඩුකාරයා ඉදිරියේ හඬා වැටී ඉල්ලා සිටියා ' පොලිසියෙන් මාව අත්අඩංගුවට ගැනීම වළක්වන නියෝගයක් දෙන්න ' කියලා. අන්ත දූෂිත, ඒකපාර්ශ්විකව නඩු තීන්දු දෙන විනිශ්චයකාරයින්ගේ නම් පවා සඳහන් කරමින් නාගානන්ද කොඩිතුවක්කු මහතා පසුගිය ජනාධිපතිවරණයේදී කිව්ව දෙයක් මට මතකයි.. එය එදාටත් වඩා අදට ගැලපෙන දෙයක්.. ඔහු කිව්වා "මම ජනාධිපතිවුණු වහාම දූෂිත නඩුකාරයින් සියලුදෙනාවම රැකියාවලින් අස්කරනවා. ඒ වෙනුවට මේ නම් සඳහන් ඍජු තීරණ ගන්නා නොනැවෙන විනිශ්චයකාරවරුන් පත්කරනවා.." කියලා. අවාසනාව හැමතැනම.. රජකරනවා. රට වැසියන්ව අසරණ කරලා.
Rohana Friday, 31 July 2020 09:26 AM
තෝරු, මෝරු අල්ලගන්න අමාරුයි... හාල්මැස්සෙක් නම් මෙලහකටත් අහුවෙලා.
Prasad Friday, 31 July 2020 09:45 AM
රට රකින විරුවා තාප්පෙටම කෙළියි වගේ...
shanaka Friday, 31 July 2020 11:14 AM
හෙණ ගහපන් කියලා තමයි කියන්න තියෙන්නේ...
Demuni Uduwara Friday, 31 July 2020 12:00 PM
දෙවියන් කොහිද?
dewa Friday, 31 July 2020 03:34 PM
තව සෙල්ලම් ඉදිරියට බලාගන්න පුළුවන්... ඔහොම යං හරිද?
athula Friday, 31 July 2020 05:20 PM
එදා ඕක නේවි එකට තිබුණේ.. ඒක ගෝඨාළය ගත්තා... ඒක බාරදුන්නා නිශ්ශංකට... මේක ධන උල්පතක්. කට්ටිය බෙදාගෙන කනවා. මේක මහබැංකු මංකොල්ලයට වඩා වැඩියි. ගිනිඅවි පනත අනුව ජනපතිවරුන් 5කටම අධිචෝදනා තියෙනවා. මේක රනිල්, මෛත්‍රී යට ගැහුවා.
athula Friday, 31 July 2020 05:35 PM
හොරුන්ට ගිය රට...
athula Friday, 31 July 2020 06:02 PM
රටකට යන කලක්... අද ජනතාවගේ ධනය මංකොල්ල කාපු අය පිනුම් ගහන යුගයක්.. මේ අය අධි චෝදනා සහිතව අැප නැති ව හිරේට දාන්න. මෙහි ප්‍රධාන චූදිතයා අද රටේ නායකයින් වෙලා... ඉතින් කාට කියන්නද?
Rata Perata Saturday, 01 August 2020 08:02 AM
ඔන්න වැඩ අල කරන විරුවා ආයෙත් වැඩක් අල්ලන්න වගේ හදන්නේ.. බයියලාගේ අවධානය පිණිසයි.