(අංජුල මහික වීරරත්න)

හිටපු අග්‍රාමාත්‍ය සහ එක්සත් ජාතික පක්ෂයේ නායක රනිල් වික්‍රමසිංහ මහතා සහ ශ්‍රී ලංකාවේ ඇමෙරිකා තානාපතිනී ජුලී චන්ග් මහත්මිය අතර හමුවක් අද (21)සිදුව තිබේ.

කොළඹ  පස්වන පටුමගෙහි පිහිටි රනිල් වික්‍රමසිංහ මහතාගේ නිවසේ දී මෙම හමුව සිදුව ඇත.

ශ්‍රී ලංකාවේ වර්තමාන ආර්ථික අර්බුදය පිළිබඳවත්  මෙහිදී සාකච්ඡා කෙරුණු බව දේශපාලන ආරංචි මාර්ග සඳහන් කරයි.

ශ්‍රී ලංකාවේ ඇමෙරිකා තානාපතිනී ජුලී චන්ග් මහත්මිය ට්විටර් පණිවුඩයක් නිකුත් කරමින් සඳහන් කරන්නේ ශ්‍රි ලංකාවේ හදිසි ආර්ථික අභියෝගවලට තිරසාර විසදුම් සෙවීමට එක්සත් ජනපදයට සහ ශ්‍රි ලංකාවට එකට ක්‍රියා කළ හැකි ක්‍රම පිළිබඳව හිටපු අගමැති රනිල් වික්‍රමසිංහ සමග සාකච්ඡා කළ බවයි.

රටක ප්‍රජාතන්ත්‍රවාදය රැකගැනීම සඳහා ශක්තිමත් විපක්ෂයක ඇති අවශ්‍යතාවය පිළිබඳව ද මෙහි දී කරුණු සාකච්ඡා වී තිබේ.