ලබන වසරේ තිරගත කිරීමට සැලසුම් කර ඇති %ඩුම්^ චිත්‍රපටයේ සිවුවැන්න සඳහා නළුනිළියන් තෝරා ගැනීම පසුගියදා සිදු කළා. මෙහි සුපුරුදු පරිදි ප්‍රධාන හා උප ප්‍රධාන චරිත අභිෂේක් බච්චන්ට හා උදය චොප්රාට ලැබී තිබෙනවා. එහෙත්, මෙහි දුෂ්ඨ චරිතය සඳහා පසුගිය දිනවල තරු කිහිපයකගේ නම් යෝජනා වූ නමුදු අවසානේ %ඩුම්^ සිවුවැන්න නිෂ්පාදනය කරන යශ්රාජ් චිත්‍රපට සමාගම විසින් ඒ සඳහා සුපිරි නළු ෂාරුක් ඛාන් තෝරා ගෙන තිබෙනවා.

මෙහි දුෂ්ඨ චරිතය සඳහා අවසන් තෝරා ගැනීමේදී සුපිරි නළුවන් තිදෙනෙකුගේ නම් යෝජනා වී ඇති අතර, ඒ සල්මාන් ඛාන්, රන්වීර් සිං හා ෂාරුක් ඛාන් තිදෙනාය. සල්මාන් සිය කාර්යබහුලත්වය පෙන්වමින් මෙම චිත්‍රපටයෙන් ඉවත්ව ඇති අතර, අවසානයේ රන්වීර් හා ෂාරුක් ඉතිරිවී තිබුණා. රන්වීර්ද භාරගත් චිත්‍රපට කිහිපයක් වෙනුවෙන් ගිවිසුම් අත්සන් කර ඇති බැවින් පසුව අවසානයේ ෂාරුක්ගේ නම මෙම චරිතය සඳහා තීරණය වී තිබෙනවා.

ෂාරුක් යශ්රාජ් චිත්‍රපටයක් සඳහා සම්බන්ධ වන්නේ අවුරුදු 4කින් පසුව වන අතර, ඔහු අවසන් වරට යශ්රාජ් චිත්‍රපටයක් සඳහා සිය දායකත්වය ලබාදී තිබුණේ 2012 වසරේ යශ් චොප්රාගේ "ජබ්තක් හේ ජාන්" චිත්‍රපටය සඳහායි.