බොලිවුඩයේ කිං ඛාන් හෙවත් ෂාරුක් ඛාන්ගේ පොඩි පුත් "අභිරාම්" පෙනී සිටින ඡායාරූප බොහෝමයක් අන්තර්ජාල වෙබ් අඩවි පලවී තිබුණි. එම ඡායාරූප ගෙන තිබුණේ ෂාරුක් ඛාන් හිමිකාරීත්වය දරණ 'කොල්කොටා නයිට් රයිඩර්ස්' හා 'රෝයල් චැලෙන්ජර්ස් බැංග්ලෝර්' කණ්ඩායම අතර කොල්කොටා ඊඩ්න් ගාඩින් ක්‍රීඩා පිටියේදී පැවති තරගයේදීය. කෙසේ වෙතත්, මෙම තරගයේදී ෂාරුක් ඛාන්ගේ 'කොල්කොටා නයිට් රයිඩර්ස්' කණ්ඩායම කඩුලු නමයක දැවැන්ත පරාජයක් අත්විඳිනු ලැබීය.

කෙසේ වෙතත්, මෙම තරගයේ පරාජය තම කණ්ඩායමට උරුම වුවද ෂාරුක් ඒ සම්බන්ධව තැකීමකින් තොරව අභිරාම් සමගින් ක්‍රීඩා පිටියේ එක් අන්තයක කෙළිසෙල්ලම් කරමින් සිටින අවස්ථාවක් එම ක්‍රිකට් තරගය ආවරණය කිරීමට පැමිණි විදේශිය ඡායරූප ශිල්පියෙකු විසින් ඡායාරූපගත කොට තිබේ. ඔහු මෙම ඡායාරූප ලබාගන්නා විට එදින රාත්‍රී 12ද පසුව තිබුණ අතර ඒ සැණින් ඔහු මෙම ඡායාරූප සියල්ල අන්තර්ජාලයට මුදාහැර තිබුණි. පැය කිහිපයක් ගෙවන්නට මත්තෙන් මෙම ඡායාරූප ලොවපුරා අන්තර්ජාල වෙබ් අතර පළව තිබුණ බව සඳහන් වේ. ෂාරුක් දැනට සිය 50 වැනි විය ගෙවා දමමින් සිටින අතර, අභිරාම් තවමත් සිය දෙවැනි අවුරුද්ද පසුකරමින් සිටින බව මෙම තොරතුරු වැඩිදුරටත් සඳහන් කර සිටියි.