එසැණ පුවත්

බොලිවුඩ් නළු අමීර් ඛාන්ට කොරෝනා

ඉන්දියාවේ සුප්‍රකට බොලිවුඩ් නළු අමීර් ඛාන් ට නව කොරෝනා වයිරසය ආසාදනය වී ඇතැයි ඉන්දීය මාධ්‍ය වාර්තා කරයි.

24 March 2021

හුස්ම ගන්න ඉඩ ඉල්ලා ස.ජ.බ මන්ත්‍රීවරු පාරට බසිති

රට තුළ සිදුවන වන සංහාරයට එරෙහිව ‘‘හුස්ම ගන්න ඉඩ දෙන්න’’ තේමාවෙන් සමගි ජන බලවේගයේ පාර්ලිමේන්තු මන්ත‍්‍රීවරු, සිවිල් සංවිධාන නියෝජිතයි, ආදිවාසීන් ඇතුළු පිරිසක් විහාරමහාදේවී උද්‍යානය අබියසදී අද(23) පස්වරුවේ විරෝධතාවයක පවත්වති.

24 March 2021

මද්දකට අසුවූ කොටියා බේරා ගැනේ

ආගරපතන බෝපත්තලාව රජයේ සත්ව ගොවි පොළ භූමියේ මද්දකට හසුව බරපතළ තුවාල ලබා සිටි කදුකර කොටියකු නිර්වින්දනය කර බේරාගත් බව පශු වෛද්‍යවරු පවසති.

24 March 2021

‘‘සියලු සංවර්ධන ව්‍යාපෘති කඩිනමින් අරඹන්න‘‘

ප්‍රතිපාදන වෙන් කර මෙතෙක් වැඩ ආරම්භ කර නොමැති සහ අතරමඟ නවතා ඇති සියලු සංවර්ධන ව්‍යාපෘති කඩිනමින් අරඹන්නැයි ජනාධිපති ගෝඨාභය රාජපක්ෂ මහතා සියලුම ආණ්ඩුකාරවරුන්ට සහ දිස්ත්‍රික් ලේක්ම්වරුනට අද උපදෙස් දුන්නේය.

24 March 2021

කොරෝනා නිසා යාපනය සති පොළ වසයි

යාපනය නගරාධිපතිවරයා ඇතුළු දහඅට දෙනකුට කොරෝනා ආසාදනය වී ඇති බවට තහවුරුවීමෙන් පසු යාපනය පොළ තාවකාලිකව වසාදැමීමට පියවර ගත් බව සෞඛ්‍ය වෛද්‍ය කාර්යාලය පවසයි.

24 March 2021

ජිනීවා ගැන දිනේෂ්ගේ විශේෂ ප්‍රකාශය හෙට

ජීනීවා මානව හිමිකම් යෝජනාව සම්බන්ධයෙන් විදේශ කටයුතු අමාත්‍ය දිනේෂ් ගුණවර්ධන මහතා පාර්ලිමේන්තුවේ දී හෙට (25) පෙරවරුවේ විශේෂ ප්‍රකාශයක් කිරීමට නියමිතය.

24 March 2021

රවී ඇතුළු පිරිස 30 තෙක් යළි රිමාන්ඩ්

ශ්‍රී ලංකා මහ බැංකුව විසින් භාණ්ඩාගාර බැදුම්කර නිකුත් කිරීමේදී රජයට රුපියල් කෝටි 3700 ක පමණ පාඩුවක් සිදුකළ බවට චෝදනා ලැබ සිටින හිටපු මුදල් අමාත්‍ය රවී කරුණානායක මහතා ඇතුළු විත්තිකරුවන් 08 දෙනා ලබන 30 වැනිදා තෙක් තවදුරටත් රිමාන්ඞ් බාරයේ රඳවා තැබීමට විශේෂ ත‍්‍රිපුද්ගල මහාධිකරණ විනිසුරු මඩුල්ල අද (24) නියම කළේය.

24 March 2021

ටයිල් ආනයනය ලිහිල් කරයි

ටයිල් ඇතුළු සෙරමික් නිෂ්පාදන ආනයනය කිරීම සඳහා පනවා තිබූ තහනම ලිහිල්කරන බව කැබිනට් ප්‍රකාශක අමාත්‍ය කෙහෙලිය රඹුක්වැල්ල මහතා පවසයි.

24 March 2021

වස පොල්තෙල් ගැන සොයන්න පරීක්ෂණයක්

පිළිකා කාරක අඩංගු පොල්තෙල් රටට ඇතුළු වී ඇත්දැයි සෙවීමට පරීක්ෂණයක් පවත්වන්නැයි පාරිභෝගික කටයුතු අධිකාරියේ සභාපතිවරයාට තමා උපදෙස් දුන් බව වෙළෙඳ අමාත්‍ය ආචාර්ය බන්දුල ගුණවර්ධන මහතා පාර්ලිමේන්තුවේදී අද (24) පැවැසීය.

24 March 2021

අනුර කුමාර ගෙන් පෙත්සමක්

දේශපාලන පළිගැනීම් සොයා බැලීමේ කොමිෂන් සභාව මගින් තමන්ට එරෙහිව කර ඇති නිර්දේශ ක්‍රියාත්මක කිරීම අහෝසි කරන රිට් ආඥාවක් නිකුත් කරන ලෙස ඉල්ලා ජනතා විමුක්ති පෙරමුණ නායක අනුර කුමාර දිසානායක මහතා අද (24) අභියාචනාධිකරණය හමුවේ රිට් පෙත්සමක් ගොනු කළේය.‍

24 March 2021

ඩුබායි හිදි මිය ගියේ කෙසෙල්වත්තේ දිනුක බවට තහවුරුවේ

ඩුබායි හිදි හදිසියේ මියගිය බව සඳහන් කරමින් ඉකුත් 18 වැනි දා මෙරටට එවූ මළ සිරුර කෙසෙල්වත්ත දිනුක නමැති සංවිධානාත්මක කල්ලි සාමාජිකයාගේ බවට ඩී.එන්.ඒ පරික්ෂණයෙන් තහවුරු වී අතැයි පොලිස් මාධ්‍ය ප්‍රකාශක නියෝජ්‍ය පොලිස්පති අජිත් රෝහණ මහතා පවසයි.

24 March 2021

හෙට ජාතික ශෝක දිනයක්

අපවත් වී වදාළ කොටුගොඩ ධම්මාවාස ශ්‍රී ලංකා අමරපුර නිකායේ උත්තරීතර මහ නාමියන්ගේ ආදාහන පූජෝත්සවය පැවැත්වෙන හෙට (25) ශෝක දිනයක් ලෙස රජය ප්‍රකාශයට පත් කර තිබේ.

24 March 2021

‘‘දියවන්නා ඔය අපවිත්‍ර කරලා‘‘

පාර්ලිමේන්තු සංකීර්ණය ඉදිරිපිට ජල පොකුණ ශුද්ධ කර එම ජලය දියවන්නා ඔයට දැමීම නිසා එහි යම් දූෂණයක් වී ඇති බවත් මෙය සේවක පිරිසක් ඔළුව කල්පනා නොකර කළ වැඩක් බවත් කතානායක මහින්ද යාපා අබේවර්ධන මහතා පාර්ලිමේන්තුවේ දී අද පැවැසීය.

24 March 2021

ජනපතිගෙන් මහ නාහිමි දේහයට අවසන් ගෞරව

අපවත්වී වදළ කොටුගොඩ ධම්මාවාස ශ්‍රී ලංකා අමරපුර මහා නිකායේ උත්තරීතර මහානායක හිමියන්ගේ දේහයට ජනාධිපති ගෝඨාභය රාජපක්ෂ මහතා අද අවසන් ගෞරව පුද කළේය.

24 March 2021

රන්ජන්ගේ පෙත්සම විභාග කරනවා ද නැද්ද තීන්දුව 31

අධිකරණයට අපහාස කිරීමේ චෝදනාවට සිව් වසරක බරපතල වැඩසහිත සිරදඩුවම් නියමව සිටින පාර්ලිමේන්තු මන්ත්‍රී රංජන් රාමනායක මහතා සිය මන්ත්‍රී ධූරය අහෝසි නොකරන්නැයි ඉල්ලා ගොනු කළ රිට් පෙත්සම විභාගයට ගන්නවාද නැද්ද යන්න පිළිබද නියෝගය ලබන 31 වැනිදා ප්‍රකාශයට පත් කරන බව අභියාචනාධිකරණය අද(24) නිවේදනය කළේය.

24 March 2021

බස්නාහිර සියලු පාසල් සඳුදා සිට ඇරේ

බස්නාහිර පළාතේ සියලු පාසල් ලබන සඳුදා (29) සිට විවෘත කිරීමට සෞඛ්‍ය අධ්‍යක්ෂවරයා අවසර ලබා දී ඇතැයි වාර්තා වේ.

24 March 2021

ඡන්ද ලක්ෂ හැත්තෑවක් හොයන හැටි රනිල් කියයි

එළඹෙන මැතිවරණය ජයග්‍රහණය කිරීම සඳහා ඡන්ද ලක්ෂ හැත්තෑවක් ලබාගත යුතු අතර සියලු පාර්ශව ඒකරාශී කරගනිමින් එම ඉලක්කය කරා යෑමට කැපවී ක්‍රියාකළ යුතුව ඇතැයි එක්සත් ජාතික පක්ෂ නායක සහ හිටපු අග්‍රාමාත්‍ය රනිල් වික්‍රමසිංහ මහතා ප්‍රකාශ කළේය.

24 March 2021

පළාත් සභා කඩිනම් කරන යෝජනාවක් කැබිනට් මණ්ඩලයට

පළාත් සභා මැතිවරණය කඩිනමින් පැවැත්වීමට අදාළ යෝජනාවක් කැබිනට් රැස්වීමට ඉදිරිපත් කරනු ලබූ බව වාර්තා වෙයි.

24 March 2021

ස්පුටිනික් එන්නත් ලක්ෂ හැත්තෑවක් ගේන්න අනුමැතිය

රුසියාවේ නිෂ්පාදිත ස්පුටිනික් V කෝවිඩ් මර්දන එන්නත ලක්ෂ 70ක් ගෙන්වීම සඳහා ඇමෙරිකා ඩොලර් කෝටි හතක පමණ මුදලක් වෙන් කිරීමට කැබිනට් මණ්ඩලය තීරණය කර ඇත.

24 March 2021

හය දෙනෙක් එකතුවී දැරියක මරලා

කලවංචිකුඩි පෙරියකල්ලාරු දේශයේ දී 12 හැවිරිදි දැරියකට පහරදී මරාදැමී යැයි කාන්තාවන් තිදෙනකු ඇතුළු හය දෙනකු අත්අඩංගුවට ගත් බව පොලිස් මාධ්‍ය ප්‍රකාශක නියෝජ්‍ය පොලිස්පති අජිත් රෝහණ මහතා පවසයි.

24 March 2021

ආපන ශාලාවේ ගින්නෙන් අරක්කැමි මරුට

මරදාන සංඝරාජ මාවතේ ආපන ශාලාවක් තුළ අද පෙරවරුවේ ඇති වූ ගින්නෙන් එහි අරක්කැමි මියගොස් තවත් සේවකයන් දෙදෙනකු පිලිස්සුම් තුවාල ලබා කොළඹ ජාතික රෝහලට ඇතුළත් කර ඇතැයි පොලිසිය කියයි.

24 March 2021

අනුන්ගෙ සල්ලි ඇද විහින් අමාරුවේ

විදේශ රටවල පුද්ගලයන්ගේ ගිණුම්වලට ඇතුල් වී එම ගිණුම්වලින් රුපියල් කෝටි ගණනින් මුදල් වංචා කළැයි කියන සැකකරුවෙක් වව්නියාව වෙබ්පන්කුලම ප්‍රදේශයේදී අපරාධ පරීක්ෂණ දෙපාර්තමේන්තුව විසින් අත්අඩංගුවට ගනු ලැබීය.

24 March 2021

අද දවසේ කාලගුණය

බස්නාහිර, සබරගමුව, වයඹ, මධ්‍යම සහ උතුරුමැද පළාත්වලත් අද (24) සවස් කාල‍යේදී හෝ රාත්‍රී කාලයේදී වැසි හෝ ගිගුරුම් සහිත වැසි ඇතිවන බව කාලගුණ විද්‍යා දෙපාර්තමේන්තුව පවසයි.

24 March 2021

මහා නාහිමිට අවසන් ගෞරව දක්වන්න මහ පිරිස්

අග්ගමහා පණ්ඩිත, කොටුගොඩ ධම්මාවාස ශ්‍රී ලංකා අමරපුර මහා සංඝ සභාවේ උත්තරීතර මහ නාහිමිගේ දේහය මේ වන විට අවසන් ගෞරව සඳහා ගල්කිස්ස ධර්මපාලාරාම විහාරස්ථානයේ තැන්පත් කර ඇති අතර උන්වහන්සේට අවසන් ගෞරව දැක්වීම සඳහා සැදැහැවත්හු නිසි සෞඛ්‍යාරක්ෂිත ක්‍රමවේදවලට යටත්ව ධර්මපාලාරාම විහාරස්ථානය වෙත පැමිණෙමින් සිටිති.

24 March 2021

ජාතික හැඳුනුම්පත ගන්න දිනයක් වෙන් කර ගන්න

ජාතික හැඳුනුම්පත් කඩිනමින් ලබාගැනීමට අවශ්‍ය ඉල්ලුම්කරුවන්, පුද්ගලයන් ලියාපදිංචි කිරීමේ දෙපාර්තමේන්තුවේ දුරකථන අමතා දිනයක් සහ අංකයක් වෙන්කරගැනීම අනිවාර්ය යැයි පුද්ගලයන් ලියාපදිංචි කිරීමේ කොමසාරිස් ජනරාල් වියානි ගුණතිලක මහතා පවසයි.

23 March 2021

රාජගිරිය අනතුරේ වෑන් රියැදුරා රිමාන්ඩ්

රාජගිරිය පාර්ලිමේන්තු පාරේදී මාරක රිය අනතුරක් සිදුකර රථවාහන රාජකාරියේ යෙදී සිටි කොළඹ හදීසි ඇමතුම් අංශයේ උප පොලිස් පරීක්ෂකවරයකු සහ තවත් පුද්ගලයකු මරුමුවට පත් කළැයි වැලිකඩ පොලිසිය අත්අඩංගුවට ගත් වෑන් රථ රියැදුරා ලබන 31 වැනිදා තෙක් රක්ෂිත බන්ධනාගාර ගත කරන ලෙස කොළඹ අතිරේක මහේස්ත්‍රාත් ටී. ප්‍රභාකරන් මහතා නියෝග කළේය.

23 March 2021

‘‘සෑම රටක් සමඟ සහයෝගයෙන් වැඩ කිරීමට අප සූදානම්‘‘

එක්සත් ජාතීන්ගේ මානව හිමිකම් කවුන්සලයේ දී කුමන යෝජනා සම්මත කරගත්ත ද , ශ්‍රී ලංකාව අනුගමනය කරන දේශීය යාන්ත්‍රණය රටේ ජනතාව වෙනුවෙන් අඛණ්ඩවම ක්‍රියාත්මක කරන බව විදේශ කටයුතු ඇමැති දිනේෂ් ගුණවර්ධන මහතා අද (23) පැවැති ප්‍රවෘත්ති සාකච්ඡාවකදී පැවසීය.

23 March 2021

කඩිනමින් පළාත් සභාව පවත්වන්න-ඉන්දියාව කියයි

ශ්‍රී ලංකා ආණ්ඩුක්‍රම ව්‍යවස්ථාවේ 13 වැනි සංශෝධනයට අනුව කඩිනමින් පළාත් සභා මැතිවරණය පවත්වා ඒවාට කාර්යක්ෂම ලෙස ක්‍රියාත්මක වීමට අවස්ථාව සැලසිය යුතු යැයි ඉන්දීය ප්‍රකාශ කරයි.

23 March 2021