එසැණ පුවත්

අද සවස 1.00 පසු ගිගුරුම් සහිත තද වැසි

දිවයිනේ බොහෝ ප්‍රදේශවලට පස්වරු 1.00 න් පමණ පසු වැසි හෝ ගිගුරුම් සහිත වැසි ඇතිවන බව කාලගුණ විද්‍යා දෙපාර්තමේන්තුව පවසයි.

මහනුවර - කොළඹ මාර්ගය පහළ කඩුගන්නාවෙන් යළි වහයි

පවතින අධික වර්ෂාව නිසා මහනුවර - කොළඹ මාර්ගයේ පහළ කඩුගන්නාව ප්‍රදේශයෙන් හෙට අලුයම 6.00 තෙක් යළි වසා දැමූ බව මාර්ග සංවර්ධන අධිකාරිය පවසයි.

හිටපු පොලිස් පරීක්ෂක ගිනි අවියක් සහ උණ්ඩ සමග මාට්ටු

ඇමති ආරක්ෂක අංශයේ කටයුතු කළ විශ්‍රාමික පොලිස් පරීක්ෂකයෙක් සතුව තිබූ පිස්තෝලයක්, ජීව අත්බෝම්බයක් සහ විවිධ වර්ගයේ ජීව පතරොම් තොගයක් අද පස්වරුවේ විශේෂ පොලිස් කණ්ඩායමක් විසින් සොයාගනු ලැබීය.

අත - පොහොට්ටු අවුල දුරදිග යයි

ආණ්ඩුවේ හවුල්කාර පක්ෂයක් වන ශ්‍රී ලංකා නිදහස් පක්ෂය සහ ශ්‍රී ලංකා පොදුජන පෙරමුණ අතර ඇතිව තිබෙන දේශපාලන අර්බුදය මෙ වන විට උග්‍රවී ඇති අතර ,ඉදිරියේ දී පැවැත්වීමට නියමිත පළාත් සභා මැතිවරණය සඳහා වෙනම තරග කිරීමට ශ්‍රීලනිපය දැන් සිටම සූදානම් වෙමින් සිටින බව දේශපාලන ආරංචි මාර්ග සඳහන් කරයි .

පස් කන්ද අවිස්සාවේල්ල - කෑගල්ල මාර්ගය වහයි

අවිස්සාවේල්ල - කෑගල්ල මාර්ගයේ ගලිගමුව බෝයගම ප්‍රදේශයට පස් කන්දක් කැඩා වැටීමෙන් එම මාර්ගයේ ගමනා ගමනයට බාධා එල්ල වී ඇතැයි දිස්ත්‍රික් ආපදා කළමනාකරණ මධ්‍යස්ථානය කියයි.

තහනම් වල් නාශක එස්.ටී.එෆ් අත්අඩංගුවේ

තහනම් වල්නාශක තොගයක් වෑන් රථයකින් ප්‍රවාහනය කරමින් සිටි පුද්ගලයන් දෙදෙනකු තලාව ප්‍රදේශයේ දී අත්අඩංගුවට ගත් බව විශේෂ කාර්ය බලකාය පවසයි.

ඩොලරය තිරිඟු පිටිවලටත් තට්ටු කරයි

රටපුරා තිරිඟු පිටි (පාන් පිටි) හිඟයක් ඇතිවීමෙන් බේකරි නිෂ්පාදනකරුවෝ දැඩි අපහසුතාවට පත්ව සිටිති. බේකරිකරුවන්ට අවශ්‍ය තිරිඟු පිටි මිලදී ගැනීමට වෙළෙඳපොළ තුළ නොමැති බවත් සෙසු පාරිභෝගිකයන්ට ද මිලදී ගැනීමට තිරිඟු පිටි තොග සිල්ලර වෙළඳුන් සතුව නොමැති නොමැති වීමෙන් ජනතාව දැඩි අපහසුතාවට පත්ව සිටිති.

යාපනය තැන් දෙකකින් නාඳුනන මළසිරුරු දෙකක් හමුවෙයි

යාපනය පේදුරුතුඩුව සහ වැල්වැටිතුරෙයි මුහුදු ප්‍රදේශවල තිබී අද (27) පස්වරුවේ නාදුනන පුද්ගල මළ සිරුරු දෙකක් ගොඩගසා තිබියදී සොයා ගත් බව පොලිසිය කියයි.

ඔමික්‍රෝන් ගැන සූදානමින්: වයිරසයක් එන එක සදහටම නවත්වන්න බෑ

දකුණු අප්‍රිකාවෙන් සොයා ගත් ඔමික්‍රෝන් නව කොවිඩ් වයිරස ප්‍රභේදය ගැන ශ්‍රී ලංකාව හොඳ සූදානමක සිටින බවත් එම වයිරසය රට තුළට පැමිණීම හැකිතාක් ප්‍රමාද කළ යුතු බවත් ශ්‍රී ජයවර්ධනපුර විශ්වවිද්‍යාලයේ ආසාත්මිකතා, ප්‍රතිශක්තිවේද සහ සෛල ජෛව විද්‍යා අධ්‍යන ආයතනයේ අධ්‍යක්ෂ, ආචාර්ය වෛද්‍ය චන්දිම ජීවන්දර මහතා පැවසීය.

ශ්‍රී ලංකාව කාන්තා ලෝක කුසලාන තරගාවලියෙන් ඉවතට

කොරෝනා ආසාදිතයන් 519ක් වාර්තා වෙයි

කොවිඩ් ආසාදිත රෝගීන් තවත් 519 දෙනකු අද (27) අලුතින් හඳුනාගත් බව සෞඛ්‍ය සේවා අධ්‍යක්‍ෂ ජනරාල්වරයා නිවේදනය කළේය.

කොරෝනා අවදානමක් නිසා කඩඉම් තරගය අත්හිටුවයි

ශ්‍රී ලංකා කාන්තා ක්‍රිකට් කණ්ඩායමේ නිලධාරිනියක් කොවිඩ් ආසාදිතයකු බවට අද (27) තහවුරු වීම නිසා සිම්බාබ්වේහිදී පැවැත්වෙමින් තිබූ ලෝක කුසලාන සුදුසුකම් ලැබීමේ කාන්තා ක්‍රිකට් තරගාවලිය අත්හිටුවීමට අන්තර්ජාතික ක්‍රිකට් සභාව (අයි.සී.සී.) පියවර ගත්තේය.

හොරෙන් ඇල්ලූ ඉඩම් ඇල්ලන්න වෙනම පොලිස් ඒකකයක්

විවිධ පුද්ගලයන් රටපුරා නීති විරෝධීව අත්පත් කරගෙන ඇති ඉඩම් නැවත රජයට පවරා ගැනීම සඳහා වෙනම පොලිස් ඒකකයක් ආරම්භ කළ බව ඉඩම් අමාත්‍ය එස් එම් චන්ද්‍රසේන මහතා පාර්ලිමේන්තුවේදී අද පැවැසීය.

ගල්කිරියාගම ගම් තුනක කොරෝනා පැතිරෙයි

ගල්කිරියාගම ප්‍රාදේශීය ලේකම් කොට්ඨාසයට අයත් ගම්මාන තුනක වැසියෝ සැලකිය යුතු ප්‍රමාණයක් කොවිඩ් රෝගය ආසාදනය වීම හේතුවෙන් දින තුනක කාලයක් එම ප්‍රදේශයන්හි වෙළඳ සැල් වසා තැබීමට ප්‍රාදේශීය සෞඛ්‍ය බලධාරීන් තීරණය කර ඇත .

පස් කන්ද එක්දරු මව බිලි ගනී

මධ්‍යම කඳුකරයට ඇද හැළුණු අධික වර්ෂාව හේතුවෙන් මහනුවර අංකුඹුර පොලිස් බල ප්‍රදේශයට අයත් රඹුකේවෙල ප්‍රදේශයේ නිවසක් මතට පස් කන්දක් කඩා වැටී නිවසේ කාමරයක නිදා සිටි 56 හැවිරිදි එක් දරු මවක ජීවිතක්ෂයට පත්ව ඇති අතර , ඇයගේ නව හැවිරිදි දියණිය තුවාල ලබා මහනුවර මහ රෝහලට ඇතුලත් කර ඇතැයි පොලිසිය කියයි.

‘‘පොහොට්ටුවට විපක්ෂයට ඕන ඕන විදියට නටන්න අපි සූදානම් නෑ‘‘

ශ්‍රී ලංකා පොදුජන පෙරමුණට හෝ විපක්ෂයට අවශ්‍ය පරිදි ක්‍රියා කිරීමට ශ්‍රී ලංකා නිදහස් පක්ෂය සුදානම් නැතැයි සමූපකාර සේවා, අලෙවි සංවර්ධන සහ පාරිභෝගික ආරක්ෂණ රාජ්‍ය අමාත්‍ය ලසන්ත අලගියවන්න පැවැසීය.

පරීක්ෂණ කටයුතු සඳහා ගෑස් සාම්පල ඛනිජ තෙල් සංස්ථාවට

ගෑස් සිලින්ඩර පුපුරා යෑමේ සිද්ධීන් කිහිපයක් පිළිබඳව තොරතුරු වාර්තා වීමෙන් පසු ගෑස් සමාගම් දෙකේ ගෑස් සාම්පල පරීක්ෂණ කටයුතු සඳහා ඛනිජ තෙල් නීතිගත සංස්ථාවට යවා ඇතැයි පාරිභෝගික සේවා කටයුතු රාජ්‍ය අමාත්‍යංශය පවසයි.

විශේෂඥ වෛද්‍යවරුන් 16කට “සායනික මහාචාර්ය” පදවි

අග්‍රාමාත්‍ය මහින්ද රාජපක්ෂ මහතා ප්‍රසව හා නාරිවේද විශේෂඥ වෛද්‍යවරුන් 16 දෙනකුට “සායනික මහාචාර්ය” පදවි පිරිනැමීය.

මහපොළ අරමුදල් පනත ළඟදීම මැතිසබයට

මහපොළ උසස් අධ්‍යාපන ශිෂ්‍යත්ව බාර අරමුදල් පනත සංශෝධනය කිරීම සඳහාවූ පනත් කෙටුම්පතට වෙළෙඳ කටයුතු පිළිබඳ අමාත්‍යාංශයීය උපදේශක කාරකසභාවේ අනුමැතිය ලැබිණ.

නුවරඑළියේ මන්ත්‍රී බංගලාව හිතවතුන්ට සැප ගන්න දීලා

පාර්ලිමේන්තු මන්ත්‍රීවරුන්ට විවේක සුව ගැනීම සඳහා පිහිටුවනු ලැබ ඇති නුවරඑළියේ සෙන්පති නිවෙසේ (general’s house) ලැගුම් ගැනීම සඳහා ඇතැම් මන්ත්‍රීවරුන් සිය හිතවතුන් සහ ඥාතීන්ට ලබාදීම නිසා එහි විවේක ගැනීමට යන තමන්ගේ සහ තම පවුල්වල සාමාජිකයන්ගේ නිදහසට බාධා මතුව ඇතැයි මන්ත්‍රීවරුන් පිරිසක් කතානායක මහින්ද යාපා අබේවර්ධන මහතාට පැමිණිලි කර ඇත.

අප්‍රිකානු රටවල් 06 ක සිට ශ්‍රී ලංකාවට පැමිණීම අත්හිටුවීම

දකුණු අප්‍රිකාවේ මේ දින වල පැතිරෙමින් යන කොරෝනා නව විකෘති ප්‍රභේදය ශ්‍රී ලංකාව තුළට ඇතුළු වීම වැලැක්වීම සදහා , එම කළාපයේ රටවල් 06 ක සිට පසුගිය දින 14 ක කාළයක් රැදී සිට පැමිණෙන ගුවන් මගීන්ට ශ්‍රී ලංකාවට පැමිණීම තහනම් කරමින් , එම කළාපයේ සිට පැමිණෙන ගුවන් සේවා සමාගම් වෙත ශ්‍රී ලංකා සිවිල් ගුවන් සේවා අධිකාරියේ සභාපති උපුල් ධර්මදාස මහතා නිවේදනය නිකුත් කරමින් ප්‍රකාශ කර සිටින්නේය .

ගෑස් සිලින්ඩර පුපුරා යෑම ගැන රජයේ විශේෂ අවධානය

ගෑස් සිලින්ඩර පුපුරා යාමේ සිද්ධීන් සම්බන්ධයෙන් රජයේ විශේෂ අවධානය යොමු වී ඇතැයි සභානායක දිනේෂ් ගුණවර්ධන මහතා පාර්ලිමේන්තුවේදී ඊයේ පැවසීය.

ගෆුර් ගොඩනැගිල්ලෙන් වැටි නාවිකයා මරුට

කොළඹ කොටුව ගෆුර් ගොඩනැගිල්ලේ අලුත්වැඩියා කටයුතු කරමින් සිටී නාවික හමුදා භටයකු එම ගොඩනැගිල්ලෙන් වැටී මියගොස් ඇතැයි කොටුව පොලීසිය කියයි.

රජය සුදු අලි 32ක් පෝෂණය කරයි

මෙරට බරපතළ පාඩු ලබන රාජ්‍ය ආයතන සංඛ්‍යාව 32ක් දක්වා ඉහළ නැග ඇතැයි පොදු ව්‍යාපාර පිළිබඳ පාර්ලිමේන්තු කාරක සභාව (කෝප්) පවසයි.

ඉදිරිකාලයේ ගිගුරුම් සහිත වැසි

දිවයිනේ බොහෝ ප්‍රදේශවල ඉදිරි දිනවල සවස් කාලයේදී ගිගුරුම් සහිත වැසි ඇතිවන බව කාලගුණ විද්‍යා දෙපාර්තමේන්තුව පවසයි.

කොළඹට ලැබුණු ගිනි නිවන රථ ගමට ගෙන යෑමට සූදානමක්

කොළඹ ගිනි නිවීම් සේවා දෙපාර්තමේන්තුවට ලැබුණු උස ගොඩනැගිලිවල ගිනි නිවීම සඳහා භාවිතා කෙරෙන ගිනි නිවීමේ රථ 15කින් කොටසක් ඇතැම් ඇමැතිවරුන් තමන්ගේ පළාත්වලට රැගෙන යෑමට උත්සාහ දරමින් සිටින බව එම දෙපාර්තමේන්තු ආරංචි මාර්ග කියයි.

වාහන බලපත්‍රය ගැන මන්ත්‍රීවරු පිරිසක් කතානායකට යළි දුක කියති

වාහනයක් මිලදී ගැනීම සඳහා පාර්ලිමේන්තු මන්ත්‍රීවරුන්ට නිකුත් කෙරෙන තීරු බදු රහිත බලපත්‍රය (පර්මිට්) ලබාදීමට කටයුතු කරන්නැයි පසුපෙළ මන්ත්‍රීවරුන් පිරිසක් කතානායක මහින්ද යාපා අබේවර්ධන මහතාගෙන් යළිත් වතාවක් ඉල්ලීමක් කර ඇතැයි පාර්ලිමේන්තු ආරංචි මාර්ග පවසයි.

‘‘අය වැය ඡන්දයට නොආ විදුර - විජයදාස ගැන පියවරක් ගන්න‘‘

අය වැය දෙවනවර කියවීමේ ඡන්ද විමසීමට සහභාගී නොවු විදුර වික්‍රමනායක රජ්‍ය අමාත්‍යවරයා හා විජයදාස රාජපක්ෂ මන්ත්‍රීවරයා සම්බන්ධයෙන් පියවරක් ගන්නැයි පොදු ජන එක්සත් පෙරමුණ අගමැති මහින්ද රාජපක්ෂ මහතාගෙන් ඉල්ලා ඇත.