මහින්දානන්දට එරෙහි නඩුව 17 කැඳවන්න නියෝග

මනෝප්‍රිය ගුණසේකර

අමාත්‍යවරයෙකු ලෙස කටයුතු කළ සමයේ අයථා ක්‍රම වලින් උපයාගත් රුපියල් කෝටි දෙකාහාමාරකට අධික මුදලක් වියදම් කොට බොරැල්ල කින්සි පාරෙන් සුඛෝපභෝගී නිවසක් මිලදී ගත් බවට හිටපු ක්‍රීඩා අමාත්‍ය මහින්දානන්ද අළුත්ගමගේ මහතාට එරෙහිව මුදල් විශුද්ධිකරණ පනත යටතේ පවරන ලද නඩුව ලබන 17 වැනිදා කැඳවීමට කොළඹ මහාධිකරණ විනිසුරු සම්පත් අබේකෝන් මහතා අද (09) නියම කළේය.

මෙම නඩුවේ සාක්කි කොළඹ මහාධිකරණ විනිසුරු ගිහාන් කුලතුංග මහතා හමුවේ විමසීම ආරම්භ කිරීමෙන් අනතුරුව විත්ති පාර්ශ්වය ඉදිරිපත් කළ අභියාචනයකට අනුව මෙම නඩුව මහාධිකරණ විනිසුරු ගිහාන් කුලතුංග මහතා හමුවේ විභාගයට ගැනීම වළකාලමින් අභියාචනාධිකරණය නියෝගයක් ලබාදීමෙන් අනතුරුව මෙම නඩුව කැඳැවිණි.

2012 ඔක්තෝම්බර් මස 30 වැනිදාත් 2013 අප්‍රේල් මස 20 වැනිදාත් අතර කාලයේ අමාත්‍ය ධුරයක කටයුතු කරමින් සිටියදී අයථා අන්දමින් උපයාගත් රුපියල් මිලියන 27 ක මුදලක් වැය කොට බොරැල්ල කින්සි පාරෙන් සුඛෝපභෝගී නිවසක් මිලදී ගත් බවට දණ්ඩ නීතී සංග්‍රහය යටතේ හා මුදල් විශුද්ධීකරණ පනත යටතේ විත්තිකාර හිටපු අමාත්‍ය මහින්දානන්ද අළුත්ගමගේ මහතාට එරෙහිව නීතීපතිවරයා මෙම නඩුව පවරා ඇත.

අදහස් (5)

මහින්දානන්දට එරෙහි නඩුව 17 කැඳවන්න නියෝග

සතයපාල Monday, 09 July 2018 12:30 PM

බොරැල්ලේ කිංසි පාරෙන් කෝටි දෙකාමාරකට සුඛෝපබෝගී නිවෙසක් තියා පර්චස් දෙකක ඉඩම් කෑල්ලක්වත් ගන්න බැහැ. ඒ නිසා ඔය කියන නිවසේ වාණිජ වටිනාකම තක්සේරු කර ව්‍යාජ වටිනාකමක් යොදා සුඛෝපබෝගි නිවසක් මිළදී ගැනීම සම්බන්ධයෙන් හා එමගින් රජයට හිමිවිය යුතු මුද්දර බදු වංචා කිරිම සම්බන්ධයෙන් වෙනම නඩුවක්ද පැවරිය යුතුය.

: 33 336

Kumar Monday, 09 July 2018 06:16 PM

නඩු දැම්මට ඒවා අහන්නේ නැද්ද? කල්දමදම ඉන්න එක විතරනේ.

: 0 120

Mahee Tuesday, 10 July 2018 12:43 AM

අනික් නඩු නම් ඈත දිනවලට කල් යනවා. බැරිද තව අවුරුදු එකහමාරක් විතර අද්දගන්න?

: 0 0

Nimal Tuesday, 10 July 2018 04:42 AM

හැම නඩු වාරයකින්ම කල්යනවා. කාලයත් සමගම මේ සියල්ල යටපත් වේ.

: 0 0

asiri Tuesday, 10 July 2018 06:44 AM

අපේ දූපතේ ලොකුම බොරුව සහ විශාලම විහිළුව පසු ගිය පැවතී රජයේ දූෂණ සහ වංචා සෙවීම මේ නඩුව ඉදිරියටත් මාස ගණන් කල් යන බවට මෙන්න කැට. අහෝ අපේ අධිකරණය !!

: 0 0