IMG-LOGO

බෞද්ධ ගැටලු හොයන්න කොමිෂන් සභාවක්

ඩයනා උදයංගනී 
 
සම්බුද්ධ ශාසනයේ සහ බෞද්ධයන්ගේ අභිවෘද්ධිය සැලසීම, බෞද්ධයන්ගේ ගෞරවය සහ අයිතිවාසිකම් රැකගැනීම ආදී අරමුණු සාක්‍ෂාත් කරගැනීම වෙනුවෙන් අවශ්‍ය නිර්දේශ ඉදිරිපත් කිරීම සඳහා බෞද්ධ හිමිකම් කොමිෂන් සභාවක් පත්කිරීමට සමස්ත ලංකා බෞද්ධ මහා සම්මේලනය පියවර ගෙන තිබේ.
 
සමස්ත ලංකා බෞද්ධ මහා සම්මේලනයට ශතකයක් සපිරීම නිමිත්තෙන් ත්‍රෛනිකායික මහ නා හිමිවරුන් ප‍්‍රමුඛ මහා සංඝරත්නයේද ආශීර්වාද සහිතව ඓතිහාසික මිහින්තලා භූමියේ පුරාණ ධාතු මලූවේදී මෙම කොමිෂන් සභාව ස්ථාපිත කළ බව එම සම්මේලනයේ සභාපති ජගත් සුමතිපාල මහතා පැවසීය.
 
මෙම කොමිෂන් සභාවේ සභාපතිවරයා ලෙස විශ‍්‍රාමික ජනාධිපති නීතීඥ පාලිත ප‍්‍රනාන්දු මහතා පත්කර ඇති අතර විශ‍්‍රාමික නියෝජ්‍ය පොලිස්පති චන්ද්‍රා නිමල් වාකිෂ්ඨ මහතා එහි ලේකම්වරයා වේ.
 
ඊට අමතරව කොමසාරිස්වරුන් 21 දෙනෙකුගෙන් මෙම කොමිෂන් සභාව සමන්විත වේ.
 
මෙම කොමිෂන් සභාව වෙත අදහස්, යෝජනා, තොරතුරු සහ පැමිණිලි ලිඛිතව ඉදිරිපත් කිරීමේ අවස්ථාව සමස්ත බෞද්ධ ජනතාවට හා සියලූ ශ්‍රී ලාංකිකයින්ට හිමිවන බව ද ජගත් සුමතිපාල මහතා සඳහන් කළේය.
 
එම අදහස් ලබන 2019 ජූනි මස 26 වැනිදා දක්වා ලබාදිය හැකි බව ද ඔහු කියා සිටියේය.



අදහස් (18)

බෞද්ධ ගැටලු හොයන්න කොමිෂන් සභාවක්

sirimal Monday, 23 July 2018 12:47 PM

කාලින අවශ්‍ය තාවයක්. මේක රජයෙන් කරන්න ඕනෑ වැඩක්. මේකට සංඝරත්නයේ පරිහානිය පිළිබඳවත් ඇතුලත් කලොත් තමා හොඳ. මෙහෙම හරි කරලා තියෙන ප්‍රශ්න මොනවද ඒවාට පිළිතුරු මොනවාද කියලා හොයලා බලන එක ලොකු දෙයක්. කොමිසමේ වාර්තාව පිටු කප්පාදු නොකර අනිවාර්යයෙන්ම ප්‍රසිද්ධ කල යුතුයි.

:       0       52

රාවනා Monday, 23 July 2018 01:47 PM

එකම එක ගැටලුවයි තියෙන්නේ. ඒ තමයි දුශ්ශීලයන් විසින් ඇතිකරන ප්‍රශ්න. පිළිතුර හරිම ලෙහෙසියි. ධර්ම සංගායනාවක් තියන්න. එතකොට දුශ්ශීල චීවරධාරීන් ඔක්කොම ශාසනයෙන් විසිවෙනවා. සිල්වත් සුපේක්ෂකාමි හිමිවරු 10ක් 15ක් පමණ ඉතිරිවේවි. දේශපාලකයන්ගේ ඕනෑ, එපාකම්වලට කෑ ගහන, නවකවදය දෙන, ඇතැම් චීවරදාරීන් බුදුන් වහන්සේගේ උතුම් වූ ධර්මය පිළිපදින හිමිවරුන් නොවෙයි. සිවුරට මුවාවී ගසා කන්නන්. අන්තිමට සියලුම ආගමික අමාත්‍යංශ විසුරුවා හරින්න. එතකොට බුද්ධශාසන ඇමති, ක්‍රිස්තියානි ඇමති..වගේ වැඩකට නැති සල්ලි කන ඇමැතිවරුත් ඉවරයි. රටේ තියෙන සියලුම ආගම් එකම තත්වයෙහි ලා සලකන බව ගැසට් කරන්න. ෆිලික්ෂ් ඩයස් බණ්ඩාරනායක 71 ව්‍යවස්ථාවට එක්කරපු .. අවස්ථාවාදී යෙදුමක් නිසා... ආගම් අතර ප්‍රශ්න හට ගත්තා. ඒ යෙදුම මම කියන්නේ නැහැ. මමත් හොඳ බෞද්ධයෙක්. නමුත් ඒ යෙදුමට මම සම්පූර්ණයෙන්ම විරුද්ධයි.

:       103       108

amila Monday, 23 July 2018 02:56 PM

"රටේ තියන සියලුම ආගම් එකම තත්වයේ ලා සලකන්න" අපි මෝඩ බෞද්ධයෝ බුද්ධාගම මෙහෙම පාවලා දුන්නට අනිත් එක ආගමක්වත් එහෙම කරන්නේ නෑ කිරි පුතේ. අනිත් ආගම් දෙකින් එකක් හරි විශේෂයෙන් සුදු තොප්පි දාන කට්ටිය අපිට වඩා 1%කින් හරි වැඩි වුනොත් බලාගන්න පුළුවන් බුද්ධාගමට සහ බෞද්ධ අපිට වෙන දේ...

:       8       110

විජිත් Monday, 23 July 2018 03:27 PM

මමත් ඔබ සමගයි. මට හිතාගන්න පුළුවනි ඔබ කියන දේ ගැන.

:       24       108

BamunuarachchiMonday, 23 July 2018 11:40 PM

අමිල කියන බණේ මමත් පුන පුනා කීවා. අපිට වඩා 1% වැඩිවන්න උවමනා නැහැ. ඔවුන් දැන් ඉන්න ප්‍රමාණය 20% දක්වා වැඩි උනත් ඇති. අපේ ආගම රැකගන්න කතා කලොත් අපි ආගම් වාදීන් ලු.

:       0       36

MaheeTuesday, 24 July 2018 12:23 AM

රාවනා ඔබ සමග මමත් 100% එකඟයි.

:       0       13

Lakindu Monday, 23 July 2018 01:55 PM

ඉතා කාලෝචිත අදහසක් . දේශපාලන මැදිහත්වීම් ගැන මනා සෝදිසියකින් සිටින්න

:       0       9

amila Monday, 23 July 2018 02:10 PM

අන් ආගම් වල අය බෞද්ධයින් කසාද බඳිනවා නම් ඒ අය බුදු දහම වැළඳගන්න එක අනිවාර්ය වෙන විදියට නීති සකස් කරන්න ඕනෑ. නැත්නම් මේ විදියට බෞද්ධයෝ බිලි බාගන්න ගියාම තව ටික කාලෙකින් බුදුදහම ලංකාවෙන් අතුරුදහන් වෙලා දළදා මාලිගාව තියන තැන පල්ලියක් තියෙයි.

:       19       127

Chris Jayamanne Monday, 23 July 2018 04:57 PM

මහජන අදහස් විමසිම ඉතාම කලොචිතයි. පළමුව මේ ගැන බලන්න. 1. කොළඹ බෞද්ධ මන්දිරයේ රථ ගාල බැංකුවක් කරලා. අනවසර ඉදිකෙරීමක්, කව්ද මේවට වග කියන්නේ? කවුද ජාතික දේපොළ වලින් සල්ලි ගන්නේ? 2. දළදා මාලිගාවේ විස්තර සිංහලෙන් සහ ඉංග්‍රීසි වලින් පමණි දෙමල නැත ඒ කියන්නේ දෙමල ජාතිකයට බුද්ධාගම දෙන්නේ නැහැ? නමුත් ඒ දැන්වීම් වලට අනුග්‍රහය ලංකා බැංකුව. ඒකේ දෙමල සල්ලි නැද්දේ එතකොට? මේවා බල බල බොරුවට කෑගහලා වැඩක් නැහැ..

:       0       74

පුෂ්පකුමාර Monday, 23 July 2018 07:19 PM

මොකක් හෝ කරුමයකට ප්‍රඥාවන්තයින්ගේ දහමක්, ලංකාව තුල අඥානයින් අතට පත්වෙලා. ජයරත්න මහත්තයා වැඩිය කලබල වෙන්න දෙයක් නැහැ. මුළු ලංකාවේම, ත්‍රි වීලර් පාක් වල අයිතිය වගේම, හිරගෙවල්, පාතාලය, හා කසිප්පු වගේම මේ රට පාලනය කරන හොර, තක්කඩි, දේශපාලන බලය බෞද්ධයින් අතින් ගිලිහෙන්නේ නැහැ කවදාවත්. ඒ විදිහට බලද්දී බෞද්ධයෙක් ලෙස මටත් සියුම් ආඩම්බරයක් ඇති වෙනවා මටත් නොදැනීම?

:       0       1

BamunuarachchiMonday, 23 July 2018 11:49 PM

කතාව ඇත්ත. බෞද්ධ සිද්ධස්තානවලට විදේශිකයනුත් එන නිසා දෙමලෙන් පමණක් නොව ප්‍රංස, ජපන්, චීන වගේ භාෂාවලින් විස්තර ලියාතැබීම හොඳයි නේද?

:       0       1

KumaraWednesday, 25 July 2018 02:19 AM

බමුණුආරච්චි මහත්තයාගේ කථාව ඇත්ත. ක්‍රිස් ජයමාන්න මහත්තයාගේ කතාවටයි මේ. ඉන්දියාවේ භාෂා 780න්ම බෝඩ් ගහලා තියෙනවා මං දැක්කා ටජ්මහල් ගිය වෙලාවේ. ඔය කතාව කියන්න තිබුණේ අද නෙවේ. 1998ට කළින්. එහෙම උනානම් තස්ත්‍රවාදී ප්‍රහාර සිදුකරන්න තිබුනා බෝඩ් බලාගෙනම ගිහින්.

:       0       0

prabha Monday, 23 July 2018 11:13 PM

කසාදයක් බදිනකොට ආගම වෙනස් කරනවද නැද්ද කියන එක තීරණය කරන්නේ බදින කෙනා. මටත් ඔය ප්‍රශ්නය අවා මීට අවුරුදු 10 කලින්. අදටත් මම මගේ ආගමේ. ඇය ඇගේ ආගමේ. කසාදය උනේ නැත.

:       0       4

prakaash Monday, 23 July 2018 11:42 PM

ගරුතර මහා සංඝ රත්නය කල යුතු දේ ගිහියන් සහ වැඩකට නැති දේශපාලුවන් කරන්නට යාම අනුවන ක්‍රියාවකි.

:       0       0

Bamunuarachchi Monday, 23 July 2018 11:58 PM

කලින් තිබුන බෞද්ධ කොමිෂන් වාර්තාව ක්‍රියාත්මක නොකර ඇයි මේ තව එකක්? බෞද්ධයා රවටනවා වගෙයි පෙනෙන්නේ. පලමු කොමිෂන් වාර්තාව අන්තර්ජාලයේ ඇත.

:       0       0

rocky Tuesday, 24 July 2018 02:09 AM

දුසිල් මහනුන් සාසනයෙන් එලවා දැමීමට බෞද්ධයන් එක් විය යුතුයි!

:       0       0

Chanak Los angeles Tuesday, 24 July 2018 02:24 AM

භික්ෂූන් ව්‍යාපාර මිලමුදල් දේපොළ බදානොගෙන සිව්පසයෙන් පමණක් යැපෙනවානම් සසුන තුළ ප්‍රශ්න මතුවන්නේ කොහොමද ?කොටින්ම කියනවානම් මුදල් අත ගාන්නවත් භික්ෂුන්ට අවකාශයක් නැත . අද භික්ෂුන් ඔවුන්ට ඕන ඕන අභිලාෂයන් ඉටුකරගන්න ඕන නිසා භික්ෂුන් කැමති නැහැ දායක සභාවක් පන්සලේ තිබෙනවාට .

:       0       0

Dayana Tuesday, 24 July 2018 03:16 AM

ඉතා හොඳ තීරණයක්.

:       0       0

ඔබේ අදහස් එවන්න

 

 
 

මේවාටත් කැමතිවනු ඇති

ක්ලීන්ටෙක් ආයතනය, DEI Championship සම්මාන උළෙලේ දී තම විශිෂ්ටත්වය තහවුරු කරයි. 2025 අගෝස්තු මස 30 40 0
ක්ලීන්ටෙක් ආයතනය, DEI Championship සම්මාන උළෙලේ දී තම විශිෂ්ටත්වය තහවුරු කරයි.

ශ්‍රී ලංකාවේ ප්‍රමුඛතම නාගරික අපද්‍රව්‍ය කළමනාකරණ සේවා සපයන්නා වන Abans සමූහයේ තිරසාර අංශය ද වන ක්ලීන්ටෙක් පුද්ගලික සමාගම, SCOPE වැඩසටහන යටතේ, ශ්‍රී ලංකා වා

බ්‍රවුන්ස් EV දැරිය හැකි මිලකට සුවපහසු විද්‍යුත් මෝටර් රථයක හිමිකාරිත්වයෙන් ඔබේ වාහන සිහිනය සැබෑකරදීමට පෙරමුණ ගනී. 2025 අගෝස්තු මස 22 15517 5
බ්‍රවුන්ස් EV දැරිය හැකි මිලකට සුවපහසු විද්‍යුත් මෝටර් රථයක හිමිකාරිත්වයෙන් ඔබේ වාහන සිහිනය සැබෑකරදීමට පෙරමුණ ගනී.

සියවස් එකහමාරක් පුරා විහිදුනු ‘විශ්වාසයේ උරුමය’ තුළින් බ්‍රවුන් සහ සමාගම දශක ගණනාවක් තිස්සේ දේශීය මෝටර් රථ ක්ෂේත්‍රය හැඩගැස්සවූ බව ඔබ දන්නා සත්‍යයක

සියපත ෆිනෑන්ස් නවතම ශාඛාව ඵෙතිහාසික මහියංගනය නගරයට 2025 අගෝස්තු මස 21 526 0
සියපත ෆිනෑන්ස් නවතම ශාඛාව ඵෙතිහාසික මහියංගනය නගරයට

ශ්‍රී ලංකාවේ ප‍්‍රමුඛතම මූල්‍ය සමාගමක් වන සියපත ෆිනෑන්ස් පීඑල්සී දීප ව්‍යාප්ත ශාඛා ජාලයේ 56 වැනි ශාඛාව පසුගියදා මහියංගනය නගරයේදී විවෘත කෙරිණ. පුරාණ ශ්

Our Group Site