විශේෂාංග

මෙවන් අත්වැරැද්දක් යළි සිදු නොවිය යුතුය

දිවයින පුරා පසුගිය 17 වැනිදා සිදු වූ විදුලිය බිඳ වැටීම විදුලි අධිකාරිවරයකුගේ අත්වැරැද්දකින් ඇතිවූවක් බව ඒ සම්බන්ධයෙන් සොයාබැලීමට පත්කළ කමිටු වාර්තාව මගින් පෙන්වා දී තිබේ. අදාළ නිලධාරියා අතින් එම වැරැද්ද සිදුවී ඇත්තේ කෙරවලපිටිය උපබලාගාරයක සිදුකෙරුණු නඩත්තු කටයුත්තක දී බව සඳහන්ය.

01 September 2020

විස්ස ප්‍රජාතන්ත්‍රවාදයට පහරක්

ආණ්ඩුවේ ගමන, ආර්ථික වැඩපිළිවෙළ, 20 වැනි සංශෝධනය, ජනතා ප්‍රතිචාර, එ.ජා.ප නායකත්වය, පක්ෂ ප්‍රතිසංවිධානය, සුළු පක්ෂ සන්ධාන, බෞද්ධ ඡන්ද හා ඊළඟ කෘත්‍යාධිකාර මණ්ඩල රැස්වීම ගැන මෙවර සඳුදා හමුවෙන් අදහස් දක්වන්නේ එ.ජා.පයේ කෑගල්ල දිස්ත්‍රික් නායක හිටපු පාර්ලිමේන්තු මන්ත්‍රී සංදිත් සමරසිංහයි

31 August 2020

අභයභූමිය වැනසූ අයට දැඩි දඬුවම් ඕනෑ

කුරුණෑගල රාජසභා මණ්ඩපය ඩෝසර් කිරීමේ සිද්ධියේ උණුසුම පහව යාමටත් පෙර තවත් ඩෝසර් කිරීමක් වාර්තා වී තිබේ. පුත්තලම ආනවිලු‍න්දාව අභයභූමියේ කොටසක සිදුකෙරුණු මෙකී ඩෝසර් කිරීමෙන් අක්කර 04කට ආසන්න තෙත් භූමියක් මුඩු බිමක් බවට පත්ව ඇත. රාජසභා මණ්ඩප පමණක් නොව අභයභූමි වුවද ඩෝසර් කිරීම ශ්‍රී ලංකා ජනරජයේ සාමාන්‍ය පුරවැසියකුට නම් කළ හැකි ක්‍රියාවක් නොවන බවත් එවැනි ක්‍රියාවක් පසුපස බලවත් දේශපාලන හස්තයක් තිබිය යුතු බවත් දෙකේ පන්තියේ ළමයකුගෙන් වුවද දැනගත හැකිය.

31 August 2020

සූස්තියක් අදිමුද?

චිත්‍රපට ප්‍රවර්ගයට අයත් ලක්ෂණවලින් “සූස්ති” චිත්‍රපටය සුසාධිතය. අහම්බෙන් මුණගැසෙන යුවළක්, දින ගණනාවක් පුරා කෙරෙන සංචාරය ඒ අතරමග චරිත හැඩතල විවරණය, ජීවිතය හා සමාජය පිළිබඳ මතවාද යනාදී ලෙස මේ ලක්ෂණ විකාශනය වේ.

29 August 2020

පහසුකාරක රාජ්‍යයක්

රට තුළ ආණ්ඩුකරණයට අදාළ සංවාද සහ විවාද බහුල කාලයකි. මාතෘකා කීපයකි. ඒ සියල්ල අතුරින් දහනව වැනි ව්‍යවස්ථා සංශෝධනය අහෝසි කිරීම හෝ සංශෝධනය කිරීම සහ විසිවැනි සංශෝධනය ගෙන ඒම පිළිබඳ සංවාදය ඉතා ප්‍රබල ය. එසේම එය හදිසි කටයුත්තක් සහ අවශ්‍යතාවක් බව ආණ්ඩුවේ අදහස ය. ඒ එක්කම අලු‍ත් ආණ්ඩුක්‍රම ව්‍යවස්ථාවක් සම්පාදනය කිරීම පිළිබඳ අදහස ද ප්‍රබලය.

28 August 2020

ජාතිවාදය ප්‍රතික්ෂේප කළ ජනතාව දෙසත් බලන්න

යාපනයෙන් මැතිසබයට පැමිණි ශ්‍රීලනිප මන්ත්‍රී අංගජන් රාමනාදන්ටත් නැගෙනහිර පළාතෙන් ජාතිවාදය ප්‍රතික්ෂේප කරමින් නොයෙකුත් බාධක මැද මැතිසබයට පැමිණි ඒ.එල්.එම්. අතාවුල්ලා මන්ත්‍රීවරයාටත් ඇමැතිකම් දිය යුතු යැයි කර්මාන්ත අමාත්‍ය විමල් වීරවංශ මහතා පසුගියදා ප්‍රකාශ කළේය. වීරවංශ මහතා ශ්‍රී ලංකා පොදුජන පෙරමුණේ හවුල්කාර පක්ෂයක් වන ජාතික නිදහස් පෙරමුණේ නායකයාය.

28 August 2020

එදා මෙදා බුද්ධි මෙහෙයුම්

ලොව පැවැති ඉපැරැණි රාජාණ්ඩු සමයේ එම රාජාණ්ඩුවල හදවත වශයෙන් පිළිගනු ලැබුවේ බුද්ධි/ චරපුරුෂ සේවය වන අතර වර්තමානය වන විටි බලයේ පවතින රජයක හදවත ලෙස සලකනු ලබන්නේ බුද්ධි අංශය බැව් අවිවාදයෙන් කවුරුත් පිළිගන්නා කරුණකි.

27 August 2020

බෞද්ධ අධ්‍යයන ක්ෂේත්‍රයට පුරෝගාමී මෙහෙවරක් ඉටුකරන මහාචාර්ය තිලකරත්න

සේවාර්ජිත මහාචාර්ය අසංග තිලකරත්නයන්ගේ ‘අසංග තිලකරත්න ශාස්ත්‍රීය අධ්‍යයන’ ඉංග්‍රීසි වෙළුම් පහ සහ සිංහල වෙළුම් තුන අද (27) කොළඹ බණ්ඩාරනායක අනුස්මරණ සම්මන්ත්‍රණ ශාලාවේදී දොරට වැඩීමට නියමිතය. මේ ලිපිය ඒ නිමිත්තෙනි.

27 August 2020

සුදු කොඩි පෙනි පෙනී රට පනින අයියලා

මේ ගෙවී යන්නේ පාතාලයේ සෙනසුරු මහ දශාවයි. සෑම දෙසින්ම අසන්නට ලැබෙන්නේ පාතාල “අයියලාගේ කෙරුවාව” ගැනය. අවි ආයුධ සමග කියැවෙන හෙරොයින් මත්ද්‍රව්‍ය ජාවාරමත් අංක එකේ ව්‍යාපාර ලෙසින් කරගෙන ගොස් ඇති මොවුන්ගේ පැටිකිරිය දැන් දැන් එළියට විත් තිබේ.

27 August 2020

දේශීය කර්මාන්තකරුවන්ට කොකා පෙන්වීම

සාර්ථක දේශීය කර්මාන්තකරුවකු වන සමන්ත කුමාරසිංහ මහතා බංග්ලාදේශයේ හා වියට්නාමයේදී සිය කර්මාන්තශාලා ආරම්භ කර තිබේ. දේශීය කාර්මාන්තකරුවන් තම මව්බිම අතහැර ආයෝජනය සඳහා වෙනත් රටවලට යන්නේ ඇයි දැයි කුමාරසිංහ මහතාගෙන් කළ විමසුමට ඒ මහතා දුන් පිළිතුරු ඇසුරින් මේ ලිපිය සැකසිණි.

27 August 2020

ගොවියා රැකීමේ ක්‍රියාවලිය හැම අතින්ම පුළුල් කරවමු

ආනයනික අර්තාපල් සඳහා අය කෙරෙන රුපියල් පනහක බද්ද රුපියල් පහකින් වැඩි කිරීමට මුදල් අමාත්‍යාංශය පියවර ගෙන ඇති බව සඳහන් පුවතක් අප පුවත්පත ඉකුත්ද‌ා වාර්තා කළේය. ඒ අනුව ආනයනික අර්තාපල් සඳහා අය කෙරෙන බද්ද රුපියල් 55 ක් වන බවත් දේශීය අර්තාපල් ගොවීන් රැක ගැනීමේ අරමුණෙන් මෙම පියවර ගෙන ඇති බවත් අප ප්‍රවෘත්තියෙහි සඳහන්ය.

27 August 2020

බලධාරීන්ට දුන් බුද්ධි වාර්තා 347කට වෙච්ච දෙයක් නෑ

රාජ්‍ය බුද්ධි සේවාවේ ප්‍රධානියා වශයෙන් තමා සහ්රාන් හෂීම් සම්බන්ධයෙන් 2015 සිට බුද්ධි වාර්තා 347ක් ඉහළ නිලධාරීන්ට යොමු කළත් ඊට අදාළව ඔවුන් කිසිදු ක්‍රියාමාර්ගයක් නොගත් බව ජ්‍යෙෂ්ඨ නියෝජ්‍ය පොලිස්පති නිලන්ත ජයවර්ධන මහතා පාස්කු ඉරු දින ප්‍රහාර මාලාව සම්බන්ධයෙන් විමර්ශනය කරන ජනාධිපති කොමිසම හමුවේ හරස් ප්‍රශ්නවලට පිළිතුරු දෙමින් පෙරේදා (25) ප්‍රකාශ කළේය.

27 August 2020

ජනතාවාදී ආණ්ඩුක්‍රම ව්‍යවස්ථාවක්

දෙවැනි ජනරජ ව්‍යවස්ථාව 1978 වසරේදී සම්මත කරගත් දින සිට මේ රටට උරුම සිංහල ජනතාවගේ අයිතිවාසිකම් උදුරා ගැනීමට විජාතික බලවේග විසින් විශාල කුමන්ත්‍රණයක් ක්‍රියාත්මක කරගෙන යනු ලැබිණි. එහිදී 13, 15, 16, 17 හා 19 යන ව්‍යවස්ථා සංශෝධන හරහා මෙම තත්ත්වය පැහැදිලිව දැකිය හැකිය. එහෙත් දැන් ව්‍යවස්ථා ප්‍රතිසංස්කරණ සාකච්ඡාව 19 වැනි සංශෝධනය කේන්ද්‍ර කරගත් එකක් බවට පත්වෙමින් තිබීම කුකුස දනවයි.

26 August 2020

අනතුරු වැළැක්වීම පොලිසියට තනියම බෑ

එක දිනක් තුළ සිදුවූ මාරක රිය අනතුරු හතරකින් නවදෙනකු මියගොස් තවත් දසදෙනකු බරපතළ තුවාල ලැබීම අප රටේ සියලු‍දෙනාම කම්පනයට පත්කළ පුවතක් බවට පත්ව තිබේ. පසුගිය 22 වැනිදා සිදුවූ එකී අනතුරුවලින් මියගිය පිරිස අතර විදුලි අධිකාරීවරු දෙදෙනෙක් ද වයස අවුරුදු 12ක පාසල් දරුවෙක් ද වෙති.

26 August 2020

ප්‍රජාතන්ත්‍රවාදයෙන් සෞභාග්‍යය උදාකිරීම

සුනන්ද සෑම විටම මාත් සමඟ එකම තර්කයක පසුවිය. අවස්ථාවක් ලැබුණු සෑම විටමකම ඔහු මෙසේ කියයි. “ කරන්න වුවමනා මොකක්ද කියලා හොඳටම පැහැදිලියි. ඔබත් ඇතුළු බොහෝ දෙනෙක් හැමතිස්සෙම ඒ ගැන ලියනවා. ඒත් ප්‍රශ්නය තියෙන්නේ කොහොමද කියලා ?” ඔහු විමසයි.

25 August 2020

ජනතා වරමට රජයේ වගකීම

පසුගිය පස්වැනිදා පැවති තීරණාත්මක මහ මැතිවරණයේදී මේ රටේ බහුතර ජනතාවගේ කැමැත්තෙන් එනම් ඡන්ද 6,853,693 (59.09%) කින් ආසන 128 ක් සමග ජාතික ලැයිස්තු මන්ත්‍රී ධුර 17ක් ලබාගනිමින් දේශපාලන පක්ෂයක් ලැබූ වැඩිම මන්ත්‍රීධුර සංඛ්‍යාව ලබා (ආසන 145) පොදු ජන පෙරමුණට හිතවත් දේශපාලන කණ්ඩායම් එකතු කරමින් (ආසන 151) තුනෙන් දෙකක බහුතරයක ජයක් ලැබීම ඓතිහාසික අවස්ථාවක් ලෙස සැලකිය හැකිය.

25 August 2020

බසය - දුම්රිය පිරිසිදුව තබාගැනීම කාගේත් වගකීමක්

ප්‍රවාහන සේවාව නගාසිටුවීමේ පළමු පියවර ලෙස මගීන්ට හොඳ මානසිකත්වකින් බස් රථයේ හෝ දුම්රියේ ගමන්කිරීමට හැකි පසුබිම සකසන්නැයි ජනාධිපති ගෝඨාභය රාජපක්ෂ මහතා අදාළ බලධාරීන්ට උපදෙස් දුන් බව මාධ්‍ය වාර්තා කළේය. ඉතා කුඩා අරම්භයකින් ලොකු වෙනසක් කළහැකි බවත් බස් රථය සෝදා පිරිසුදුකර මගීන්ට අසුන්ගෙන යාමට සැලසීම හෙටම පටන්ගන්නා ලෙසත් ජනාධිපතිවරයා උපදෙස් දුන් බවද එම මාධ්‍ය වාර්තාවල සඳහන්ය.

25 August 2020

උතුර ගොඩනැගීම අරමුණයි

ශ්‍රීලනිපයට යාපනයෙන් ලැබුණු ජය, දෙමළ ජාතික සන්ධානයේ පසු බැසීම, බලය බෙදීම, 13 වැනි සංශෝධනය, අතුරුදන්වූවන්ගේ ගැටලුව, විග්නේෂ්වරන් මන්ත්‍රීවරයාගේ කතාව, දෙමළ ජාතික සන්ධානයේ ඉල්ලීම හා යාපනයේ සංවර්ධන සැලසුම ගැන මෙවර ‘‘සඳුදා හමුවෙන්’’ අදහස් දක්වන්නේ යාපනය දිස්ත්‍රික් ශ්‍රී ලංකා නිදහස් පක්ෂ පාර්ලිමේන්තු මන්ත්‍රී හා නව පාර්ලිමේන්තුවේ නියෝජ්‍ය කාරක සභා සභාපති අංගජන් රාමනාදන් මහතායි.

24 August 2020

ඡන්ද ක්‍රමය වෙනස් කිරීම බහුතර ජනතා ඉල්ලීමක්

ගෝඨාභය රාජපක්ෂ ජනාධිපතිවරයා සිය ප්‍රතිපත්ති ප්‍රකාශය ඉදිරිපත් කරමින් පාර්ලිමේන්තුවේදී කළ කතාවේදී සමානුපාතික ඡන්ද ක්‍රමය වෙනස් කරන බවට කළ ප්‍රකාශය ඉතා වැදගත් වූත් කාලීන වූත් තීන්දුවක් වශයෙන් අපි සලකමු. මාතෘකාව මැතිවරණය වනවිට සමානුපාතික ක්‍රමය තහනම් වචනය වන තරමට ප්‍රබල විවේචනයකට හසුව තිබේ.

24 August 2020

ඇඹිලිපිටිය ගොවියෝ මණ්ඩලයට දත නියවා පෞද්ගලික වෙළෙඳුන් එන තුරු බලා සිටිති

මහවැලි අධිකාරියේ ඇඹිලිපිටිය වලව විශේෂ බල ප්‍රදේශයට අයත් කුඹුරුවල මෙවර යල කන්නයේ වී අස්වැන්නෙන් 70% ක් ප්‍රමාණයක් මේ වනවිට නෙලා අවසන්ව තිබේ.

23 August 2020

වරදාන දේශපාලනයට තිතක්

මැතිවරණයෙන් ලබාගත් ඓතිහාසික ජයග්‍රහණය සෑම කෙනකුගේම කතාබහට ලක්වන්නකි. මේ ජයග්‍රහණය පිටුපස හේතු සාධක ගණනාවක් තිබේ. අද මේ රටේ පවතින්නේ 1978 සම්මත කළ ව්‍යවස්ථාව මත පදනම් වූ මැතිවරණ ක්‍රමයකි. එහි ඇත්තේ මනාප ක්‍රමයයි. මනාප ක්‍රමය මත පදනම් වූ මෙම මැතිවරණ ක්‍රමය හේතුවෙන් ක්‍රම ක්‍රමයෙන් මුළු රටත් පාර්ලිමේන්තුවත් දූෂිත තත්ත්වයට පත්වුණි. මහජන ඡන්දයෙන් පත්වන නියෝජිතයෝ ද දූෂිත දේශපාලනයේ ගොදුරු බවට පත්වූහ. දූෂිත ව්‍යාපාරිකයන්ගේ ගොදුරු බවට පත්වූහ.

21 August 2020

කුඩු කෙරුමන්ගේ ජාලය බිඳ දමමු

වැටත් නියරත් ගොයම් කනවා නම් කියන්න කෙනකු නැති බවට සඳහන් ප්‍රස්ථාවපිරුළ අපේ රටේ ජනප්‍රිය කියමනකි. මෙරට කුඩු මාෆියාව වැඩ කර ඇති ආකාරය අනුව එම කියමන අලු‍තින් ලිවීමට සිදුව තිබේ. වැටත් නියරත් පමණක් නොව ‘‘කුඹුරට හරවන වතුරද ගොයමට යොදන පොහොරද අවට ගස්කොළන්ද යනාදී සියල්ල විසින්ම ගොයම කා දමනවා නම් මක් කොරන්නද’’ යනුවෙනි.

21 August 2020

ඡන්දයෙන් පෙන්වූ උතුරු-නැගෙනහිර ජනතා හඬ

මැතිවරණය සඳහා දින නියමකර, නාම යෝජනාද බාර ගත් පසු, පාර්ලිමේන්තු මැතිවරණයක් කල් තැබුණු පළමු වර මෙවරය. කොරෝනා ගෝලීය වසංගතය හේතුවෙන් කල් තබන්නට සිදුව මාස 04 ට පසු පැවති මෙවර පාර්ලිමේන්තු මැතිවරණ ප්‍රතිඵල සතු හැඩ තල කිහිපයකි. පාර්ලිමේන්තු දේශපාලනයේ පැරණිම සාම්ප්‍රදායික පක්ෂය වන එක්සත් ජාතික පක්ෂය 1977 ජූලි මහ මැතිවරණයෙන් සමසමාජ හා කොමියුනිස්ට් පක්ෂ දෙක අතුගෑවී ගිය අයුරුම, මේ මැතිවරණයෙන් අන්ත පරාජයට පත් විය.

20 August 2020

විදුලිය කඩාවැටීමකදී විකල්ප උත්තරත් සොයමු

කෙරවළපිටියේ ග්‍රීඩ් උපපොළක සම්ප්‍රේෂණ පද්ධතියේ සිදු වූ දෝෂයක් හේතුවෙන් ඉකුත් දා පැය 8 ක් පුරා රටේම විදුලිය විසන්ධි විය. විදුලිය ඇණහිටීම නිසා ජල සැපයුමට ද බාධා ඇති වූ බව අප පුවත්පත වාර්තා කළේය. රටම අඩපණ කළ මෙම විදුලිය බිඳවැටීම සම්බන්ධයෙන් සතියක් තුළ වාර්තාවක් ලබා ගැනීමේ අරමුණෙන් විදුලිබල ඇමති ඩලස් අලහප්පෙරුම මහතා කමිටුවක් පත් කළ බවද මාධ්‍ය වාර්තාවල සඳහන් ය.

20 August 2020

නික්ම ගිය සොඳුරු මහැදුරු

මහාචාර්ය ගංගානාත් දිසානායක මහතාගේ අභාවය නිමිත්තෙන් පළවන ලිපියකි. විශිෂ්ට මිනිස්සු තරුණ වයසෙන් මියෙති. (The Best die Young) යනුවෙන් ඉංග්‍රීසි කියමනක් මා අසා ඇත. එහි සත්‍යාසත්‍යතාව කෙසේ වෙතත් ‘මල්යහනාවකි ලෝකේ - නෑවෙයි චන්ද්‍රාලෝකේ යන නොසිතූ වෙලාවක වියැකී - ජීවය තණ අග පිනිබිඳකි’ ගීතය ලියූ කරුණාරත්න අබේසේකර කවියා ද වයස අවුරුදු පනස් දෙකේදී හෘදයාබාධයකින් මිය ගියේය.

19 August 2020

ජන වරමින් නොකියන කතාව

1978 ව්‍යවස්ථාව වෙනුවට නව ව්‍යවස්ථාවක් සම්පාදනය සඳහා ශ්‍රී ලංකා පොදුජන පෙරමුණ ජනවරමක් අපේක්ෂා කළේය. ඒ අනුව ප්‍රධාන මැතිවරණ දෙකකදී පොදුජන පෙරමුණු ආණ්ඩුවට විශිෂ්ට ජයක් හිමිකරදීමට ජනතාව කටයුතු කර තිබේ. රටට ගැළපෙන ආකාරයේ ව්‍යවස්ථාවක් සම්පාදනයට ඇති මහජන කැමැත්ත එයින්ම තහවුරුය. මෙම පාර්ලිමේන්තුව තුළ ආණ්ඩුවට තුනෙන් දෙකක බලයක් ඇති බව විරුද්ධ පක්ෂ පවා පිළිගෙන අවසන්ය.

19 August 2020

ඇමැතින් මාරුවෙන විට සංස්ථාවලට ගැත්තන් එපා

රාජ්‍ය ආයතනවලට පත්කර ඇති සභාපතිවරුන් සහ අධ්‍යක්‍ෂ මණ්ඩල සාමාජිකයන් ජනාධිපති ගෝඨාභය රාජපක්‍ෂ මහතාගේ අනුමැතියකින් තොරව වෙනස් කළ නොහැකි බව සියලුම මැති ඇමැතිවරුන්ට දැනුම් දී ඇති බව සඳහන් පුවතක් අප පුවත්පත ඉකුත්දා වාර්තා කළේය. ජනාධිපති ලේකම් පී.බී. ජයසුන්දර මහතා නිවේදනයක් නිකුත් කරමින් මේ බව සියලුම මැති ඇමැතිවරුන්ට දැනුම් දී ඇති බවද එම ප්‍රවෘත්තීයෙහි වැඩිදුරටත් සඳහන්ය.

19 August 2020

කඩිනම් විසඳුම් දියයුතු ආර්ථික අභියෝග

නව ආණ්ඩුවේ කැබිනට් මණ්ඩලය ඉකුත් දා දිවුරුම් දුන් අතර ආර්ථිකය ස්ථාවර කිරීමේ කඩිනම් කාර්යභාරයට ඔවුන්ට මුහුණ දීමට සිදුව තිබේ. විදේශ මූල්‍ය අංශයේ තිබෙන අවදානම් සහගත තත්ත්වය අඩු කිරීම, අතිවිශාල අයවැය හිඟ අඩු කිරීම, රට තුළ වර්ධනය වෙමින් තිබෙන විරැකියාව අඩු කිරීම සහ දරිද්‍රතාව අඩු කිරීම වත්මන් ආණ්ඩුවේ ප්‍රධානම අභියෝග වේ. අහිතකර ගෝලීය ආර්ථික පරිසරයක් මධ්‍යයේ නව ආණ්ඩුවට මේවාට කඩිනමින් විසඳුම් සෙවීමට සිදුව ඇත.

18 August 2020