එදා තිබූ බලයෙන් මෙවර වෙසක් දන්සලක් වදින්නට බිරින්දෑ සහ ඇයගේ සනුහරේම අය සමඟ ගොස් රෙදි ගැලවී රුපියල් දහදොළොස් දහක් නැති කරගත් පළා බබකු පිළිබඳ පුවතක් දකුණු පළාතෙන් අසන්නට ලැබේ.
මෙවර නගරයේ වෙසක් දන්සල සංවිධානය කළේ සිය ප්රාදේශීය සභාව ආසන්නයේ ගැවසුණු තමන් හොඳින් දන්නා තරුණ පිරිසකි. එදින පස්වරුවේ සිය නිවෙසට පැමිණ සිටි බිරින්දෑගේ සනුහරේ ඈයෝම මේ පලා බබා නතර කර ගත්තේ රෑ නගරයේ පැවැත්වෙන දන්සලෙන් කිසිදු කරදරයකින් තොරව පෝලිම්වල නොසිට වදින්න පුළුවන් යැයි උජාරුවෙන් වහසි බස් දොඩමිනි.
නගරයේ දන්සල ගැන දන්නා අය එය වැඳීමට දැඩි කැමැත්තක් දැක්වූයේ තරුණ සංවිධායකයන් එය අපූරුවට කරන නිසාය.
කටට රස කෑම දෙන වෙසක් දන්සලක් ලෙස එය ප්රදේශය පුරාම ප්රචලිතවීමත් සමඟම මේ දන්සල ගැන දන්නා ඕනෑම අයෙකුට එය මතක් කර සැනින්ම කටට කෙළ උනන්නේ ඉබේටමය. ඒ තරමටම ප්රනීත ආහාර වේලක් ලබාදීමට සංවිධායකයෝ වග බලා ගත්හ.
රෑට නොමිලයේ කෑම කන්න පුළුවන් යයි සිතූ පළා බබගේ බිරියද රෑට සිය නිවසේ එකදු වළදකුදු ළිපේ නොතිබ්බාය. කට්ටියම වෙසක්දා රෑ පළා බබාගේ වෑන් රියේ නැගී ගියේ නගරයේ දන්සල වැදීමටය. දන්සල් පෝලිම කිලෝමීටරයකට වඩා දිග මිසක් අඩුවක් නම් දක්නට නොලැබිණි.
මෙය මායිම් නොකළ පළා බබා පෝලිමේ මුලටම ගොස් පෝලිමෙන් තොරව ඇතුළුවීමට ගියේ එතන සිටි දන්නා හඳුනන සංවිධායක තරුණයන් කිහිපදෙනකුගේ නම් කියා හා කොහොමද මල්ලිලා යයි අසමිනි.
අපටත් කීවනම් ලොකු සපෝට් එකක් දෙනවනේ යැයි කතාවක් එකක් දමමින් සිය සනුහරේම අය සමඟ ඇතුළුවීම නොරිස්සූ සංවිධායක තරුණ පිරිස ඊට එරෙහි වූවේ අපෝ ඔව්, ඔව් අපි ඔයාට ගිය සැරේ කියලත් මොකුත්ම දුන්නේ නැහැනේ යයි අනේ අනේ ඔයාත් කට්ටියත් එක්ක පෝලිමේ එන්න යයි කියමිනි.
පෝලිමේ සිටි අයගේද විරෝධය නිසා ඔහුට එතනින් නික්ම යන්න වූවේ මුහුණ ජම්බු ගෙඩියක් මෙන් රතුවී දිලිසි දිලිසි තරහෙන් පිරි පිරී සිටි සිය බිරින්දෑගේ නෝක්කාඩු මධ්යයේය.
දැන් යමු යන්න ගෙදර මටනම් ආයෙ උයන්න බැහැ දවල් දවසෙත් බත් තම්බල තම්බලයි මම හිටියේ මේ අය නවත්ත ගත්තානම් කඩෙන් හරි මේ මිනිසුන්ට කන්න දෙනවා යයි කියමින් ඔහුගේ ඇඟට කඩා පනිමිනි.
දන්සල වදින්න බැරිවීමෙන් බිරින්දෑගේ ඥාතීන් ඉදිරියේ වූ අවනම්බුව වහගන්නත් එක්ක භාර්යාවගේ එම යෝජනාවට අකැමැත්තෙන් හෝ එයට ඔහුට එකඟ වන්නට සිදුවූයේ ඊට වෙනත් විකල්පයක් නොතිබූ බැවිනි.
අවුරුදු පාටියක් දීමට ගොස් දුවත්, බිරියත් දෙදෙනාම අහිමි කරගත් සැමියකු පිළිබඳ කතාවක් රජරට පළාතේ ගම්බද ප්රදේශයකින් දැනගන්නට ලැබුණි. කතාව මෙසේය. මෙම අඹු
අනියම් බිරිය සමග රාත්රී කාලයේ ජංගම දුරකතනයෙන් පෙම්බස් දොඩමින් සිටි සැමියාට දුරකතනය බඩමත තබාගෙන නින්ද ගිය අවස්ථාවේ බිරියට සියල්ල හෙළි වූ පුවතක් මධ්
මිතුරුකම පෙන්වා මිතුරාගේ උපකරණයෙන් මුදල් ගරමින් සිටිය දී මිතුරාට අතේ මාට්ටුවී රෙදි ගැලවී ගිය අවස්ථාවක් පිළිබඳ පුවතක් අම්බලන්ගොඩ ප්රදේශයෙන් වාර්තා
මිය ගිය පුතාගේ අවමඟුලට පැමිණි ආයතනයේ සේවක පිරිස හමුවේ පියා ලෝක අමාරුවක වැටුණු පුවතක් දඹදෙණි රාජධානියට අයත් ගම් පෙදෙසකින් අසන්නට ලැබුණි. පියා ආයතනයක ස
කටුපොත අපේ කිට්ටුම නෑකෙනෙක් හදිසියේ මිය ගිහිල්ලා. මම දැන් මළ ගෙදරට යන්න ඕනෑ. ආරංචි වුණේ අද. රෝහණ සිය මිතුරන්ට කටුපොත සිදු වී ඇති මළගම ගැන විස්තර කීවේය. මළ
අමුතු ආගන්තුක සත්කාරයක් කළ ගැමියකු ගැන පරගල ප්රදේශයෙන් වාර්තා වෙයි. සිද්ධිය මෙසේය. ඔහු අධ්යාපනය නොලද, තරමක මෝඩ පහේ ගැමියෙකි. විවාහක ඔහු රජයේ අනවසර ඉඩ
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
බිරියගේ සනුහරේ ඉස්සර පළා බබාගේ රෙදි ගැලවිලා