බල්ලා ආදාහනය කොට අළු ලබා ගැනීමට දැරූ උත්සාහය වැරැදී කූඩුවේ නොවැටී අනූනවයෙන් බේරීමේ සිද්ධියක් දකුණේ නගරයකින් අසන්නට ලැබේ.
දරුවන් නොසිටි මේ අඹුසැමියන්ගේ එකම දරුවා වූයේ ඇතිදැඩි කළ සුනඛ පෝතකයාය. ඌට කැව්වේ පෙව්වේද දරුවකුට මෙනි. ලෙඩවූ විට බේත් හේත් කළේ ද ඊට නොදෙවෙනි ආකාරයටය. ඒ විතරක්ම නොවේ රෑට නිදාගත්තේ ද මේ දෙන්නා නිදා ගන්නා ඇඳේ එකටමය. දෙන්න දෙමහල්ලන්ට මැදිවය. දරුවකුට නොඅඩු සැලකිලි ලද මේ සුනඛ පෝතකයා අලි පැටයකු තරම් හොඳට වැඩුණේ ලැබූ සත්කාරය නිසාමය.
මේ ඇත්තන්ගේ බලු පැටියා එකපාරටම ලෙඩවී මියගියේ දෙන්න දෙමහල්ලන්ම සෝ සයුරේ ගිල්වමිනි. බලු පැටවා මියයාමේ දුක දරා ගැනීමට නොහැකි වූ මේ දෙන්නාම මහ හඬින් ඇඬුවේ එයින් වත් දුක යම්තාක් දුරට හෝ අඩුකර ගැනීමේ අටියෙනි. සැමියා හීන් සීරුවේම එකක් දෙකක් දා ගත්තේ ද දුක දුරු කරගැනීමටය.
බලු සුරතලාගේ අවසන් කටයුතු හොඳින් කිරීමට දෙන්නාම තීරණය කළෝය. බල්ලා ආදාහනය කර උගේ අළු වත්තේ සොහොනක් සාදා තැන්පත් කිරීම හොඳ යැයි යෝජනා කළේ රහමෙරෙන් මත්වී සිටි සැමියාය. එය ආදාහනාගාරයකින් කරවා ගත හැකි යැයි ද කීවේ ඔහුය. ඒ තමා දන්නා ආදාහනාගාරයක සේවකයකු සිටීම ඊට හේතුවක් වී තිබිණ. ඒ අනුව ඔහු ප්රදේශයේ ආදාහනාගාරයක් වෙත යන්නට පිටත්ව ගියේය.
ආදාහනාගාරයේ සේවකයාගේ ඇඟ රත්කරවා මේ වැඩේ කරවා ගත හැකි යැයි ඔහු සිතුවේය. මිලෙන් ඉහළ හොඳවයින් එකක් ගත්තේ ඔහු මේ සඳහාය. ආදාහනාගාර සේවකයාගේ ගෙන ගිය බෝතලය අත මෙලවූ ඔහු මල්ලී මට උඹට කියලා ආදාහනයක් කර ගන්න තියෙනවා කීයක් ගියත් කමක් නැහැ යැයි ඔහු ආදාහනාගාර සේවකයාට කීවේය. ඔහු සිතුවේ මේ අයගේ පවුලේ කෙනකුගේ ආදාහනයක් වෙන්න ඇතැයි සිතාය. අයියා මරණ සහතිකය ප්රාදේශීය සභාවාට අරන් ගිහින් සල්ලි බැඳලා දිනයක් වෙලාවක් වෙන් කරගන්න ඕනෑනේ සේවකයා කීවේය.
අනේ මල්ලී බල්ලන් මැරුණම කොහේද මරණ සහතික දෙන්නේ? ඒකනේ ඔයා හම්බ වෙන්න ආවේ යයි බලු හිමියා කී විට සේවකයාගේ දෙලොව රත්වී ගියේය. ‘ඒක කොහොමද කරන්නේ? බල්ලන් මේකේ ආදාහනය කරන්නේ නැහැනේ අයියා’ යයි සේවකයා කී විට පදම වැඩි වී සිටි ඔහුට යකා නැග්ගේය.
මම නිකම් නෙමේනේ ඉල්ලන්නේ යන ගාන වගේ දෙගුණයක් දෙන්නම්. ඇඟ රත්කරන ඒවා තව දෙක තුනකුත් දෙන්නම් මට මේක කොහොම හරි කරලා ඕනෑමයි. මගේ බලු පුතාගේ අළු ගන්නම ඕනෑ යයි කියමින් බල්ලාගේ ආදාහනය මේ ආදාහනාගාරයෙන්ම කරගත යුතුය යන්න පිළිබඳව ඔහු දැඩි තීරණයේම සිටියේය. එය කෙසේවත්ම කර දිය නොහැකියි බවට ආදාහනාගාර සේවකයා ද දැඩි තීරණයේය.
මේ සම්බන්ධයෙන් දෙන්නා අතර වාග් සංග්රාමය දරුණු අතටම හැරුණේය.
උඹට එහෙනම් මේක කරලා දෙන්නම බැරිද පරයෝ කියමින් ඔහු ආදාහනාගාර සේවකයාට පහරදීමට පැන්න පැනීම ඒ අසල සිටි දෙතුන් දෙනා අල්ලා මෙල්ල කළහ. ඒ සැනින්ම ඔහු දන්නා හඳුනන කෙනකු තවත් පිරිසක් සමග වත්තම් කර ත්රිරෝද රථයක දමාගෙන නොගියේ නම් ආදාහනාගාර සේවකයා ඒ වන විටත් සිය ජංගම දුරකතනයෙන් පොලිසිය ඇමැතීමට ඔබමින් සිටි බොත්තම් සියල්ල තදකර පොලිසිය කැඳවා අවසානය.
වසර ගණනාවක් තම උපන් ගෙදරට එන්නේ නැතිව පිටස්තර ප්රදේශයක වත්තක් බලාගෙන ජීවත් වූ තනිකඩ පුද්ගලයෙකු පසුගිය අවුරුදු සමයේ තම මිතුරෙකු ද සමග ගමට පැමිණීමට පි
බක්මහ උළෙලකදී මැරතන් ධාවන ශූරයකු තරගය අවසානයේ වතුර වෙනුවට පොල් තෙල් පානය කිරීම නිසා ජය සංකේතය ලබා ගැනීම පසෙක තබා රෝහල්ගත වීමට සිදු වූ පුවතක් හසලක ප්ර
අලුත් අවුරුද්දට ලැබී ශීතකරණයේ දමා තිබූ අමුතුම අමුතු කේක් ගෙඩිය අලුත් අවුරුද්දට නෑගම් ආ අයට කපන්න ගොස් අමුතුම අමාරුවක වැටුණු ගුරුවරියක පිළිබඳව අමුත
අවුරුදු උත්සව ධාවන තරගයකදී සිදු කළ විහිළුවක් පැටලී අමාරුවේ වැටුණු පුද්ගලයකු පිළිබඳව සබරගමුව පළාතේ එක්තරා ගමකින් අසන්නට ලැබුණි. සිද්ධිය මෙසේය. ගම්මු
අවුරුදු පාටියක් දීමට ගොස් දුවත්, බිරියත් දෙදෙනාම අහිමි කරගත් සැමියකු පිළිබඳ කතාවක් රජරට පළාතේ ගම්බද ප්රදේශයකින් දැනගන්නට ලැබුණි. කතාව මෙසේය. මෙම අඹු
අනියම් බිරිය සමග රාත්රී කාලයේ ජංගම දුරකතනයෙන් පෙම්බස් දොඩමින් සිටි සැමියාට දුරකතනය බඩමත තබාගෙන නින්ද ගිය අවස්ථාවේ බිරියට සියල්ල හෙළි වූ පුවතක් මධ්
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
බලු ‘පුතා’ ආදාහනයට ගිහින් අලි ජරමරයක් කරගෙන