‘ඔය අත්තම්මට වැඩිය මම ආදරේ සුදු අත්තම්මාට’ යැයි කුඩා දැරියක පැවසූ වදනක් නිසා එම දැරියගේ අත්තම්මලා දෙදෙනකු කෙහෙවලු පටලවා ගැනීමේ සිදුවීමක් හසලකට නුදුරු ගම්මානයකින් වාර්තා විය.
ඇය සිව් හැවිරිදි කුඩා දැරියකි. ඇයගේ නිවස පිහිටා තිබෙනුයේ මවගේ අම්මාගේ නිවස ආසන්නයේය. පියාගේ මව්පියන් පදිංචිව සිටිනුයේ දැරිය පදිංචි නිවසේ සිට කිලෝ මීටරයක පමණ දුරකිනි. දැරිය වැඩිපුරම ලෙන්ගතුව ඇත්තේ මවගේ අම්මා සමඟය. ඒ ඇය නිතර දැරියගේ නිවසට යන එන නිසාත් ඇතැම් දිනවල දැරිය රාත්රිය පවා ගතකරනුයේ එම අත්තම්මාගේ ගෙදර නිසාත්ය. ඇයට දැරිය අමතනුයේ සුදු අත්තම්මා කියාය.
මෙදින පියාගේ මව දැරියගේ සුවදුක් බැලීමට එම නිවසට පැමිණියේ දැරියට අවශ්ය ආහාරපානද රැගෙනය. ඇය පැමිණෙන අවස්ථාවේ දැරියගේ මවගේ අම්මාද (සුදු අත්තම්මා) එහි පැමිණ සිටියාය. එම නිවසේදී ඔවුනොවුන් ආගිය තොරතුරු කතාබහ කරමින් දැරිය සමඟද සෙල්ලම් කරමින් සිටි දැරියගේ පියාගේ මව දැරියගෙන් විමසුවේ ‘ඔයා කොයි අත්තම්මාටද වැඩියෙන් ආදරේ’ යන්නයි.
එහිදී දැරිය පැවසුවේ ‘මම වැඩියෙන්ම ආදරේ මේ සුදු අත්තම්මාට’ යැයි පවසා මවගේ අම්මා පෙන්වා ඇය වෙත දුවගොස් ඇත. එම කතාවෙන් උරණ වූ පියාගේ මව “උඹ මේ දරුවා සම්පූර්ණයෙන්ම වෙනස් කරලා. මේ දරුවා ඉස්සර මටයි වැඩියෙන් ආදරේ කළේ. උඹ මහ නරක ගෑනියක්. මේ කරපු අපරාදෙට උඹට හොඳක්නම් වෙන්න එපා” යැයි කියමින් ඇයට බැන වැදී තිබේ. එම කතා බහ දුරදිග ගොස් දෙදෙනා අතින් පයින් පහර දී ගැනීමට ද සූදානම් වන අවස්ථාවේ මොවුන්ගේ කෑ කෝ ගැසීම ඇසී මුළුතැන්ගෙයි සිට දිව ආ දැරියගේ අම්මා දෙදෙනා දෙපසට කර වෙන්නට ගිය ආරවුල සමථයකට පත් කළත් ඒ මොහොතේම පියාගේ අම්මා එම නිවසින් පිටව ගියේ තවදුරටත් දැරියගේ සුදු අත්තම්මාට බැන වදිමිණි.
හසලක සුනිල් ඒකනායක
වසර ගණනාවක් තම උපන් ගෙදරට එන්නේ නැතිව පිටස්තර ප්රදේශයක වත්තක් බලාගෙන ජීවත් වූ තනිකඩ පුද්ගලයෙකු පසුගිය අවුරුදු සමයේ තම මිතුරෙකු ද සමග ගමට පැමිණීමට පි
බක්මහ උළෙලකදී මැරතන් ධාවන ශූරයකු තරගය අවසානයේ වතුර වෙනුවට පොල් තෙල් පානය කිරීම නිසා ජය සංකේතය ලබා ගැනීම පසෙක තබා රෝහල්ගත වීමට සිදු වූ පුවතක් හසලක ප්ර
අලුත් අවුරුද්දට ලැබී ශීතකරණයේ දමා තිබූ අමුතුම අමුතු කේක් ගෙඩිය අලුත් අවුරුද්දට නෑගම් ආ අයට කපන්න ගොස් අමුතුම අමාරුවක වැටුණු ගුරුවරියක පිළිබඳව අමුත
අවුරුදු උත්සව ධාවන තරගයකදී සිදු කළ විහිළුවක් පැටලී අමාරුවේ වැටුණු පුද්ගලයකු පිළිබඳව සබරගමුව පළාතේ එක්තරා ගමකින් අසන්නට ලැබුණි. සිද්ධිය මෙසේය. ගම්මු
අවුරුදු පාටියක් දීමට ගොස් දුවත්, බිරියත් දෙදෙනාම අහිමි කරගත් සැමියකු පිළිබඳ කතාවක් රජරට පළාතේ ගම්බද ප්රදේශයකින් දැනගන්නට ලැබුණි. කතාව මෙසේය. මෙම අඹු
අනියම් බිරිය සමග රාත්රී කාලයේ ජංගම දුරකතනයෙන් පෙම්බස් දොඩමින් සිටි සැමියාට දුරකතනය බඩමත තබාගෙන නින්ද ගිය අවස්ථාවේ බිරියට සියල්ල හෙළි වූ පුවතක් මධ්
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
දැරියගේ ලංසු තැබිල්ලෙන් අත්තමලා කෙහෙවලු පටලවාගෙන