වීමෝලකින් කොටාගත් සහල් උරයක් ත්රීවීල් රථයක පිටුපස තබාගෙන එය අයිතිකරුට භාරදී හයර් කුලිය ගැනීම සඳහා යමින් සිටි ත්රීවීලරයක් අතරමඟ නතර කොට හයර් එකක් යෑමට එයට ගොඩ වූ තරුණයකු අසමජ්ජාති වැඩක් නිසා ත්රීවීල් රථ රියදුරුට පොලිසි යාමට සිදුවූ සිද්ධියක් ගැන වාහල්කඩ ප්රදේශයෙන් අසන්නට ලැබුණි.
ඒ අතරතුර ගල්කඩවල ප්රදේශයේදී බීමත් තරුණ පිරිසක් මාර්ගය අවහිර කරගෙන රණ්ඩු වෙමින් සිටියහ. ඉන්පසු එම පිරිසෙන් තරුණයකු ත්රීවීලරය ළඟට පැමිණ ‘‘අංකල් මාව කහටගොල්ලෑව හන්දියට දාලා එන්නකෝ. ඔයා ගන්න ගානක් ගන්න. මට හදිසියි ’’යැයි පැවසීය.
ත්රීවීල් රථ රියදුරා රථය ආපසු හරවා ඔහු රැගෙන කහටගොල්ලෑව හන්දියට පැමිණ, තරුණයා බස්සවා හයර් කුලිය රැගෙන ආපසු එම මාර්ගයේම ගල්කඩවල දෙසට ධාවනය කරමින් සිටියේය.
මේ එන අතර මගදී ත්රීවීල් රථ රියදුරාට හදිසියේම පිටුපස දමා තිබූ සහල් උරය මතක් වී ආපසු හැරී බැලුවේය.‘‘දෙයියෝ සාක්කි’’හාල් උරේ නෑනේ. එකත් එකටම අරූ හාල් උරයත් අරගෙන බහින්ඩ ඇති’’ යැයි තමාටම කියාගෙන හැකි ඉක්මනින් ආපසු රථය හරවා කහටගොල්ලෑව හන්දිය දක්වා වේගයෙන් ධාවනය කළේය. කහටගොල්ලෑව හන්දියට පැමිණි පසු ඔහු අවට විපරම් කර බැලුවත් ත්රීවීලරයෙන් පැමිණි තරුණයා පේන්නට නොසිටියේය. ඔහු තමාට වූ අකරතැබ්බය වෙළෙඳසල් හිමියන්ට පැවසීමෙන් පසු එක් වෙළඳසැල් හිමියෙක් කියා සිටියේ සහල් උරයක් රැගෙන තරුණයකු බසයට ගොඩ වූ බව තමා දුටු බවය.
පමණක්ද නොව, කඩහිමියා පවසා සිටියේ සහල් උරය රැගෙන ගිය තරුණයා තමා දන්නා අයෙකු බවත්, ඔහු වාහල්කඩ ඩී 6 ප්රදේශයේ පදිංචි අයකු බවත්ය.
කළ හැකි කිසිවක් නොවූ තැන ත්රීවීල් රියදුරා වාහල්කඩ පොලිසියට සිද්ධිය පැමිණිලි කරන්නට පොලිසිය බලා යළි තම ත්රීවීලරය ධාවනය කළේය. එහිදී පොලිස් නිලධාරීන් හමුවේ තමාට වූ කරදරය ත්රීවීල් රථ රියදුරා පැවසුවේය.
එම අවස්ථාවේ කිසියම් අවශ්යතාවකට වාහල්කඩ පොලිසියට පැමිණ සිටි වාහල්කඩ ඩී 6 ප්රදේශයේ තරුණයෙක්ද මෙම සිද්ධිය අසාගෙන සිටියේය. සිද්ධිය අසා සිටි ඔහු එහි කියැවුණු වගතුග අනුව වහාම ක්රියාත්මක වී පැමිණිල්ල පොතේ සටහන් කිරීමට පෙර පොලිස් නිලධාරීන්ට කියා සිටියේ මේ සොරකම කර ඇත්තේ තම සොහොයුරා බවය.
තම සොහොයුරා හොරකමට ඇබ්බැහි වී ඇති බවත් මෙම සිදුවීම දුරදිග නොයවා ත්රීවීල් රථ රියදුරාට සිදු වූ පාඩුවට වී මිටියක් ලබාදීමටද ඔහු එකඟතාව පළ කළේය.
පොලිසිය ත්රීවීල් රථ රියදුරාගෙන් කරුණු විමසීමෙන් පසුව ඔහු කියා සිටියේ ඔහුට නැති වූ හාල් මිටියට වී මිටියක් ලබාදෙන ලෙසය. කරුණු සලකා බැලූ පොලිසිය දෙදෙනාගේ එකඟතාව මත වී මිටියක් ලබා ගන්නා ලෙස ත්රීවීල් රථ රියදුරුට උපදෙස් දුන්නේය. ඉන් අනතුරුව සහල් හොරාගේ නිවසින් ත්රීවීල් රථ රියදුරාට ඔහුගේ සහෝදරයා විසින් වී මිටියක් ගෙනැවිත් දෙන ලදී. එම වී මිටිය යළිත් වී මෝලට රැගෙන ගොස් සහල් කොටා සහල් උරය අයිතිකරුට භාරදීම සඳහා ත්රීවීල් රථ රියදුරා ක්රියාත්මක වූයේය. ඒ අවස්ථාවේ ත්රීවීල් රථයට ගොඩ වූ රියදුරා ‘‘ මේවා කාට කාටත් මතක හිටින හොඳ පාඩම්’’ යැයි පවසමින් ත්රීවීල් රථය පණ ගන්වා නොපෙනී ගියේය.
කැබිතිගොල්ලෑව හේමන්ත රණසූරිය
වසර ගණනාවක් තම උපන් ගෙදරට එන්නේ නැතිව පිටස්තර ප්රදේශයක වත්තක් බලාගෙන ජීවත් වූ තනිකඩ පුද්ගලයෙකු පසුගිය අවුරුදු සමයේ තම මිතුරෙකු ද සමග ගමට පැමිණීමට පි
බක්මහ උළෙලකදී මැරතන් ධාවන ශූරයකු තරගය අවසානයේ වතුර වෙනුවට පොල් තෙල් පානය කිරීම නිසා ජය සංකේතය ලබා ගැනීම පසෙක තබා රෝහල්ගත වීමට සිදු වූ පුවතක් හසලක ප්ර
අලුත් අවුරුද්දට ලැබී ශීතකරණයේ දමා තිබූ අමුතුම අමුතු කේක් ගෙඩිය අලුත් අවුරුද්දට නෑගම් ආ අයට කපන්න ගොස් අමුතුම අමාරුවක වැටුණු ගුරුවරියක පිළිබඳව අමුත
අවුරුදු උත්සව ධාවන තරගයකදී සිදු කළ විහිළුවක් පැටලී අමාරුවේ වැටුණු පුද්ගලයකු පිළිබඳව සබරගමුව පළාතේ එක්තරා ගමකින් අසන්නට ලැබුණි. සිද්ධිය මෙසේය. ගම්මු
අවුරුදු පාටියක් දීමට ගොස් දුවත්, බිරියත් දෙදෙනාම අහිමි කරගත් සැමියකු පිළිබඳ කතාවක් රජරට පළාතේ ගම්බද ප්රදේශයකින් දැනගන්නට ලැබුණි. කතාව මෙසේය. මෙම අඹු
අනියම් බිරිය සමග රාත්රී කාලයේ ජංගම දුරකතනයෙන් පෙම්බස් දොඩමින් සිටි සැමියාට දුරකතනය බඩමත තබාගෙන නින්ද ගිය අවස්ථාවේ බිරියට සියල්ල හෙළි වූ පුවතක් මධ්
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ත්රීවිලරයේ පිටුපස ගෙනගිය සහල් උරය මගදී අතුරුදන්